SunnudagsMogginn - 07.11.2010, Blaðsíða 44

44 7. nóvember 2010
Næsta plata R.E.M. kemur út snemma á
næsta ári og mun bera titilinn Collapse into
Now. Á meðal samverkamanna sveitarinnar
eru Eddie Vedder, Patti Smith og Peaches.
Ku platan vera „víðari“ en síðasta plata, Ac-
celerate (2008), sem var stutt og snörp
rokkplata. Segir Mike Mills að nú sé hins
vegar farið yfir allan skalann. Hratt rokk,
ballöður og millihröð lög í bland. Þetta verð-
ur fimmtánda hljóðversplata sveitarinnar og
var hún unnin í Berlín, Nashville og New Or-
leans. Svo virðist sem vinátta meðlima sé
farin að treystast á nýjan leik, eftir nokkur
stirðbusaleg ár, og segir Mills að tríóið hafi
gert mikið af því að fara út að borða saman
eftir erilsaman dag í hljóðverinu.
Eddie Vedder á nýrri
plötu R.E.M.
Michael Stipe, söngvari R.E.M., á sviði.
Fimmtánda hljóðversskífan er að koma út.
Hinn ægifagri vínyll lætur Tom gamla
Waits fá vatn í munninn.
Meistari Tom Waits mun endurútgefa fyrstu
fjórar plötur sínar í desember – en bara á
vínyl. Um er að ræða Closing Time (1973),
The Heart Of Saturday Night (1974), Night-
hawks At The Diner (1975) og Small Change
(1976). Plöturnar verða gefnar út á 180
gramma vínyl en 1.000 eintök af hverri plötu
verða gefin út í takmörkuðu upplagi á rauð-
um vínyl. Það er Rhino sem gefur út en plöt-
urnar eru frá hinu svokallaða Asylum-tímabili
Waits, þar sem hann söng lof til skuggaver-
aldar þeirrar sem þrífst eftir miðnætti í stór-
borgum Ameríku. Hann átti svo eftir að kú-
venda í stíl með Swordfishtrombones árið
1983. En það er önnur saga …
Waits endurútgefur
fyrstu plöturnar
Þ
ann 30. júlí árið 1990 fæddist tónlist-
armanninum Sting og leikkonunni
og framleiðandanum Trudie Styler
lítið stúlkukorn í Písa á Ítalíu. Það
hefur örugglega verið sól þennan dag þegar
sólargeislinn Eliot Paulina Summer kom í
heiminn. Í dag á stúlkan ekkert skilt við sól-
argeisla og er meira að segja búin að skipta um
nafn. Nú kallar hún sig Coco, flytur tónlist
með hljómveit sinni I Blame Coco og minnir
helst á hressandi storm í aðsigi með seiðandi
augu og rödd sem er engri lík. Coco er töffari
og hún syngur eins og strákur með rámri rödd
sem færir mann í trans. Hún hlýtur að hafa
fengið röddina beint frá föður sínum enda má
heyra ákveðinn samhljóm með röddum þeirra.
Heimsækir nýja og öðruvísi staði
Hingað til hafa ýmsir tónlistarmenn fengið
rödd Coco lánað í eitt og eitt lag en nú er henn-
ar fyrsta plata Constant komin út eftir þriggja
ára vinnu. Tvö lög af henni eru komin í spilun á
Íslandi, Self Machine og Ceaser. Hið síð-
arnefnda segir Coco á heimasíðu sinni að hafi
byrjaði sem fylleríisgrín í stúdíóinu en það er í
raun ádeila á misdreifingu valds og spillingu í
samfélaginu. Samanber tilvísun í laginu í bók-
ina The Lord of The Flies sem er í uppáhaldi hjá
söngkonunni. Þegar söngkonan Robyn heyrði
lagið vildi hún síðan ólm vera með sem hún og
fékk. Platan Constant var tekin upp í Svíþjóð
og þar var myndbandið við Ceaser tekið upp í
yfirgefinni byggingu. Það tók samt sinn tíma
því Coco segist hata andlit sitt auk þess sem
hún sé skelfingu lostin við frægðina og sér-
staklega myndavélar. Við upptökur mynd-
bandsins miðlaði Robyn af reynslu sinni og
sagði Coco að fara á annan stað í huganum
þegar hún kæmi fram og gleyma sér þar. Þetta
hafðist eftir 17 klukkutíma æfingar og ekki að
sjá annað í myndbandinu en að söngkonurnar
séu svellkaldar. En það er ekki bara í upp-
tökum sem Coco lætur sig hverfa á aðra staði
því það gerir hún líka þegar hún skrifar söng-
texta. Á vefsíðu sinni segist Coco gjarnan
heimsækja nýja og óvenjulega staði til að vekja
skáldagyðjuna af værum svefni. Orðin komi
frá ákveðnum stað í huga hennar og það sé
gott að hleypa undirmeðvitundinni inn. Þann-
ig reyni hún ekki að fá botn í textana á þeim
tíma sem hún skrifar þá heldur frekar eftir á.
Tónlist Coco er lýst sem nýstárlegu elektró-
poppi og verður spenanndi að fylgjast með
framhaldinu.
Allt Coco að kenna
Rödd Coco er hrá og útlitið töff, samt glittir í stelpuna
sem elskaði The Sex Pistols níu ára gömul og hatar
myndavélar svo mikið að það tók hana 17 klukkutíma
að verða örugg fyrir framan myndavélarnar.
María Ólafsdóttir maria@mbl.is
Ertu að tala við mig? Coco er töffari, flott söngkona og mjög fótógenísk þó hún segist hata myndavélar svo og frægð.
Í viðtali við tímaritið Q nú í
sumar segist Coco vera sjúk í
Britney Spears plötuna Circus.
Henni finnist hún frábær þó hún
viti ekki af hverju og bætir við
að kannski ætti hún ekkert að
vera að segja frá þessu. Annars
er átrúnaðargoðið hennar Ian
Dury, þekktastur sem söngvari
Ian Dury and the Blockheads, en
hún hefur dýrkað hann allt frá
barnæsku. Þá er Coco spurð
hver sé uppáhalds tónlistar
ábreiðan hennar sem hún segir
vera The Chain með Fleetwood
Mac. Það lag flutti hljómsveitin I
Blame Coco ásamt söngvaranum
Liam Bailey á tónlistarhátíðinni
Glastonbury síðastliðið sumar.
Poppprinsessan Britney er í uppá-
haldi hjá Coco svo og Ian Dury.
Reuters
Britney í
uppáhaldi
Tónlist
Hvað ertu að hlusta á um
þessar mundir?
Ég er mikið að hlusta á nýju plötuna
með Amiinu og Dirty Projectors. Og nýju
plötuna hennar Ólafar Arnalds, hún er
mjög góð.
Hvaða plata er sú besta sem nokkurn
tíma hefur verið gerð að þínu mati?
Það er mjög erfitt að segja. Debut með
Björk er það fyrsta sem mér dettur í hug
og örugglega Post líka. Svo vorum við
systir mín með Clangour með Sin Fang Bo-
us alveg á heilanum í einhverjar vikur. Við
spiluðum hana í gegn aftur og aftur og
hún þreyttist aldrei. Nema lagið „Lies“. Ég
var mjög lengi að fatta „Lies“.
Hver var fyrsta plat-
an sem þú keyptir og
hvar keyptir þú hana?
Ég held að ég hafi
keypt geisladisk með
Pink í Skífunni þegar
ég var lítil (eða alla-
vega minni). Mér
fannst hún mjög kúl á
þeim tíma.
Hvaða íslensku plötu þykir
þér vænst um?
Takk … með Sigur Rós. Ég fékk hana í
afmælisgjöf þegar ég var 12 ára frá
mömmu og pabba. Og líka allt með Björk
þykir mér mjög vænt um.
Hvaða tónlistarmaður værir þú mest til
í að vera?
Sierra eða Bianca úr Cocorosie. Þá
myndi ég vera í einhvers
konar grímubúningi með
málningu í andlitinu að
spila á gítar eða dóta-
píanó eða einhvers kon-
ar dótahljóðfæri.
Hvað syngur þú í
sturtunni?
Ég syng aldrei í sturt-
unni. Ég syng kannski áður en ég fer í
sturtu eða eftir að ég var í sturtu en aldrei
í henni. Ég hef samt reynt það en ég skil
ekki alveg af hverju fólk gerir það.
Hvað fær að hljóma villt og galið á
föstudagskvöldum?
Animal Collective! Eða Stereolab. Ég
spila alltaf Stereolab í partíum.
En hvað yljar þér svo á sunnudags-
morgnum?
„Sunday Morning“ með Velvet Un-
derground. Það bara meikar sens.
Í mínum eyrum Jófríður Ákadóttir, söngkona Pascal Pinon
Syngur fyrir sturtu og eftir en ekki í henni