Morgunblaðið - 30.03.2010, Blaðsíða 12

Morgunblaðið - 30.03.2010, Blaðsíða 12
12 FréttirFRÉTTIR MORGUNBLAÐIÐ ÞRIÐJUDAGUR 30. MARS 2010 STJÓRN Sorpu hefur ákveðið að fresta gjaldtöku á garðaúrgangi á þessu ári. Eru íbúar hvattir til að draga sem mest úr umfangi úr- gangs, svo sem með því að búta nið- ur greinar eða kurla. Stjórnin er með þessu að bregð- ast við ábendingum frá garðeig- endum vegna gjaldtökunnar. „Sorpu er annt um að veita íbúum höfuðborgarsvæðisins sem besta þjónustu og því verður leitað ann- arra leiða til að lækka kostnað við rekstur endurvinnslustöðvanna,“ segir í tilkynningu. Áætlaðar tekjur endurvinnslustöðvanna vegna mót- töku garðaúrgangs voru 28 millj- ónir 2010. Upplýsingar um takmörkun úr- gangs má nálgast á sorpa.is. Morgunblaðið/Ernir Garðaúrgangur er enn gjaldfrjáls. Gjaldtöku á garða- úrgangi frestað LYFJAKOSTNAÐUR Sjúkratrygg- inga Íslands nam 10.743 milljónum króna árið 2009 og hefur aukist um 1.456 milljónir króna frá fyrra ári eða um 16%. Fall krónunnar er helsta ástæða aukins kostnaðar. Dregið var þó úr lyfjakostnaði með ýmsum sparnaðaraðgerðum, s.s. breytingum á smásöluálagningu, breytingu á greiðsluþátttöku í sum- um lyfjum og verðlækkanir vegna verðendurskoðunar Lyfjagreiðslu- nefndar. Hafa ber í huga að ef gengi krónunnar hefði haldist stöð- ugt hefði lyfjakostnaður lækkað. Gert er ráð fyrir að lyfjakostnaður lækki á þessu ári vegna áframhald- andi sparnaðaraðgerða. Sparnaðaraðgerðir lækka lyfjakostnað FÉLAGS- og tryggingamálaráðu- neytið hefur samið við Ekron – at- vinnutengda endurhæfingu, um áframhaldandi rekstur úrræða á sviði atvinnutengdrar endurhæf- ingar en fyrri samningur rann úr gildi um síðustu áramót. Samning- urinn gildir út júní á þessu ári, en samkvæmt honum munu 28 ein- staklingar njóta starfsendurhæf- ingar á vegum Ekron. Ráðuneytið er með samninga við fimmtán aðila um atvinnutengda endurhæfingu. Markmið þessara samninga er að koma í veg fyrir ótímabært brott- hvarf af vinnumarkaði og skapa aukin atvinnutækifæri fyrir þá sem vilja vera virkir á vinnumarkaði. Starfsendurhæfing BOÐIÐ verður upp á sumarpróf í Háskóla Íslands og námsmenn geta fengið námslán út á þau að því að fram kemur í frétta- tilkynningu frá Stúdentaráði. Þetta var staðfest á fundi í mennta- málaráðuneytinu í síðustu viku. Há- skólayfirvöld eru að vinna að nán- ari útfærslum á prófunum en gert er ráð fyrir að nemendur stundi sjálfsnám í sumar og taki síðan próf í ágúst. Rætt hafi verið um að í boði verði próf í 100-200 fögum. Einnig hafi verið skýrt frá því á fundinum að framlög til Nýsköpunarsjóðs námsmanna verði aukin úr 20 millj- ónum í 90 milljónir. Sumarpróf í Háskóla Íslands STUTT Eftir Egil Ólafsson egol@mbl.is VERKLAGSREGLUR bankanna um fjárhagslega endurskipulagningu fyrirtækja kveða á um að fyrirtæki sem fá sérstaka fyrirgreiðslu bank- anna verði að sýna jákvætt sjóðs- streymi. Húsasmiðjan, sem er í eigu Landsbankans, var rekin með 814 milljóna króna tapi í fyrra. Lilja Mósesdóttir, formaður við- skiptanefndar, sagði að sér kæmi á óvart að heyra að Húsasmiðjan væri rekin með tapi, enda væri slíkt ekki í samræmi við verklagsreglur bank- anna sem gerðu ráð fyrir að skilyrði fyrir fjárhagslegri endurskipulagn- ingu fyrirtækja væri að þau væru með jákvætt sjóðsstreymi. Viðskiptaráðherra hefur tilkynnt að hann ætli að leggja fram frumvarp sem veitir Samkeppniseftirlitinu auknar heimildir til að skipta upp fyr- irtækjum. Lilja sagði að frumvarpið ætti að ýta á bankana að huga að samkeppnissjónarmiðum þegar þau væru að taka ákvarðanir um fjár- hagslega endurskipulagningu fyr- irtækja. Lilja sagði að eftirlitsnefndin með afskriftum bankanna ætti að fylgjast með því að farið væri eftir verklags- reglunum. Hún sagðist vita að nefnd- in hefði lagt mikla vinnu í að fylgjast með þessu og sagðist bera fullt traust til nefndarinnar. „Vandamál eftirlits- nefndarinnar er að hún getur ekki ákært. Hún hefur bara leyfi til að koma upplýsingum á framfæri við ráðherra og þá án þess að tala um ákveðin fyrirtæki.“ Lilja sagði þetta sýna að lögin sem samþykkt voru í október væru gölluð. Það mætti velta fyrir sér til hvaða aðgerða ráðherra gæti gripið til þegar hann fengi ekki nákvæmar upplýsingar um á hvern hátt bankarnir væru að brjóta regl- urnar. Lilja sagði mikilvægt að bankarnir gæfu upplýsingar um stöðu fyr- irtækjanna sem þeir rækju. Það væri ekki víst að bönkunum tækist alltaf að fylgja áætlunum um rekstur fyr- irtækjanna. Ef bankarnir hefðu rekið fyrirtæki í tvö ár með tapi væri aug- ljóst að þau væru að gera mistök í rekstrinum og endurmeta þyrfti stöð- una. Eiga að selja sem fyrst „Mér finnst þetta vera vandamál hvað bankarnir ætla að bíða lengi með að selja fyrirtæki sem þeir hafa yfirtekið,“ sagði Magnús Orri Schram, varaformaður viðskipta- nefndar. Hann sagði að nefndin hefði margoft fjallað um yfirtöku bankanna á fyrirtækjum. Magnús Orri sagðist ekki sjá fyrir sér að hægt væri að þrýsta á bankana með sértækum aðgerðum. Það hlyti að gerast með almennum aðgerðum. Magnús Orri sagði að frá sam- keppnissjónarmiði væri óæskilegt að bankarnir stæðu lengi í því að reka fyrirtæki. Kröfuhafar hefðu haldið því sjónarmiði á lofti að þeir væru búnir að tapa miklum peningum á þessum fyrirtækjum og vildu reyna að stuðla að því að endurheimturnar yrðu sem allra mestar. Rök bankanna væru að ekki mætti selja fyrirtækin á brunaútsölu. Magnús Orri sagði að það þyrfti hins vegar að fylgjast með því að bankarnir væru ekki að dæla pen- ingum inn í fyrirtæki, sem þeir ættu, og væru rekin með tapi. Í þessu sam- bandi hefði verið rætt um mikilvægi þess að bankarnir gæfu upplýsingar um rekstur fyrirtækja sem þeir hefðu yfirtekið, t.d. með því þau birtu ekki aðeins ársreikninga heldur líka milli- uppgjör. Áhyggjur af eftirlitsnefndinni Eygló Harðardóttir, þingmaður Framsóknarflokks, sagði óæskilegt að bankarnir rækju fyrirtæki á sam- keppnismarkaði. Það gæti hins vegar verið nauðsynlegt tímabundið meðan unnið væri að fjárhagslegri end- urskipulagningu. Eygló sagðist hafa heyrt að bank- arnir hefðu í nokkrum tilvikum farið þá leið að biðja fyrrverandi eigendur fyrirtækja að koma að rekstri þeirra að nýju. Þetta væru aðilar sem hefðu selt sig út og nýir aðilar keypt með skuldsettri yfirtöku. Gömlu eigend- urnir hefðu fjárhagslega burði til að reka fyrirtæki og þekktu þau. „Við höfum haft miklar áhyggjur af þessum samkeppnissjónarmiðum. Ég veit að fyrirtæki í samkeppnisrekstri upplifa að þau séu í reynd að keppa við bankana en ekki fyrirtækin sjálf. Því fyrr sem bankarnir fara að losa um þessar eignir því betra.“ Eygló sagðist ekki hafa áhyggjur af því að enginn vildi kaupa þessi fyr- irtæki. Seðlabankinn hefði einmitt sagt að það væru aðilar sem biðu eftir því að fyrirtækin færu í sölu. Mik- ilvægt væri hins vegar að söluferlið væri opið. „Það hafa komið upp tilvik þar sem menn hafa ekki getað út- skýrt af hverju þessir hafa fengið að kaupa en ekki aðrir.“ Eygló sagðist hafa áhyggjur af eft- irlitsnefnd sem fylgdist með hvort af- skriftir bankanna væru í samræmi við verklagsreglur. Hún sagðist ótt- ast að nefndin hefði ekki burði eða getu til að sinna þessu stóra verkefni. Fara japönsku leiðina Guðlaugur Þór Þórðarson alþing- ismaður sagðist ekki telja að staðið hefði verið við fyrirheit sem gefin voru eftir hrun um gagnsæi og jafn- ræði við fjárhagslega endur- skipulagningu fyrirtækja. Hann sagði að samkeppnisyfirvöld hefðu verið með réttmætar áhyggjur af því að við værum að fara japönsku leiðina sem í meginatriðum gengur út á að fresta vandanum. Hann sagði að bankarnir hefðu fylgt þeirri meginreglu að halda nær öllum fyrirtækjum á floti. Sú hætta fylgdi þessari leið að það kæmi önnur holskefla síðar. Fyr- irtæki sem sýnt hefðu ráðdeild og far- ið varlega í rekstri þyrftu núna að keppa við fyrirtæki sem væru rekin af bönkunum. Staðan á bygginga- vörumarkaðinum væri gott dæmi um þetta. Bankinn hefði afskrifað miklar skuldir hjá Húsasmiðjunni og héldi síðan áfram rekstri fyrirtækisins með óbreyttu sniði. Þetta gæti haft áhrif á stöðu annarra á markaðinum. „Manni finnst þetta vera lýsing á japönsku leiðinni sem talið er að hafi framlengt kreppuna í Japan um áratug eða jafn- vel áratugi.“ Fyrirtæki í fangi banka skulu vera réttu megin við strikið Morgunblaðið/Brynjar Gauti Byggingavörur Mikill samdráttur hefur orðið á umsvifum á byggingavörumarkaði. Landsbankinn hefur yfirtekið Húsasmiðjuna sem var rekin með 814 milljón kr. tapi í fyrra. Á sama tíma dróst velta fyrirtækisins saman um þriðjung.  Rætt um að setja þá kröfu á fyrirtæki í eigu bankanna að þau skili milliuppgjöri Lilja Mósesdóttir Guðlaugur Þór Þórðarson Eygló Harðardóttir Magnús Orri Schram ÚR BÆJARLÍFINU Gunnar Kristjánsson Bocciamót hjá eldri borgurum á Vesturlandi eru orðin árviss við- burður í Grundarfirði. Mótið sem haldið var sl. laugardag þótti takast vel og ekki skemmdi fyrir að Grund- firðingar voru þar sigursælir. Kepp- endur komu frá nágrannabæjar- félögunum í Snæfellsbæ og Stykkishólmi en einnig frá Borg- arnesi, samtals 14 lið með 42 kepp- endum Blúndubrók og brilljantín – „Those were the days“ er nafn á söng- og gamanleik sem þessa dag- ana er verið að æfa af fullum krafti í Samkomuhúsinu. Verkið er frum- samið í samvinnu Tónlistarskólans, Grunnskólans og Fjölbrautaskóla Snæfellinga og er byggt í kringum upprifjun á tónlistarsmellum frá fyrstu dögum rokksins fram á okkar daga. Fjöldinn allur af nemendum stígur á svið í söng, leik eða dans- atriðum en kennarar Tónlistarskól- ans ásamt nemendum leika síðan undir. Áformað er að frumsýna verkið 14. apríl nk.    Vaxandi áhugi er á göngu og útivist hvers konar á Snæfellsnesi og á síð- asta sumri var stofnað Ferðafélag Snæfellsness. Á komandi sumri verða skipulagðar ferðir á vegum þessa félags víðsvegar um Snæfells- nesið. Ferðafélagið hefur komið sér upp heimasíðu og er slóðin á hana www.ffsn.is.    Meira um ferðamenn Þó enn sé mars eru fyrstu ferðamennirnir farn- ir að sjást hér í bæ töluvert á undan lóunni og að sögn ferðaþjónustuaðila virðist fjörugt ferðamannasumar í vændum. Hafnaryfirvöld í Grund- arfirði búa sig einnig undir komu ferðamanna á skemmtiferðaskip- unum sem í sumar verða 13 talsins, búið er að setja niður flotbryggju og uppgöngubrú milli Suður- og Norð- urgarðs og vinna við lokafrágang á plani ofan við landganginn stendur yfir og verður þar allt fágað og fínt þegar fyrsta skemmtiferðaskipið kemur í fjörðinn 22. maí nk. Morgunblaðið/Gunnar Kristjánsson Bið Flotbryggjan bíður farþega skemmtiferðaskipanna. Blúndubrók og brilljantín GRUNDARFJÖRÐUR

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.