Morgunblaðið - 30.03.2010, Blaðsíða 29

MORGUNBLAÐIÐ ÞRIÐJUDAGUR 30. MARS 2010
Það kann ekki góðri lukku aðstýra að ætla að troða ofaní kokið á manni bloggsíðna-hagfræði, kaffihúsavaðli og
félagsfræði heitu pottanna sem heil-
ögum sannleika. Sér í lagi er þetta
varhugavert og ólíklegt til heppilegs
árangurs ef þetta er gert með leik-
sýningu og enn verra er ef sýningin
byrjar nánast með því að tilkynna
það sjálf að hún sé GÁFULEG
ÁRÓÐURSSÝNING! Þetta gat
gengið hjá Brecht – en Brecht er
ekki hér, ekki frekar en Stalín.
Í leikritinu Eilíf óhamingja segir
frá fólki sem er saman komið í ein-
hverskonar óljósri meðferð. Þetta
fólk er tekið föstum tökum af Matt-
hildi meðferðarstýru, af hverju hún
er svona grimm er líka óljóst. Hún
bannar þessu fólki að segja ákveðin
orð, af hverju hún gerir það er einnig
óljóst. Persónurnar hafa óljós tengsl,
en þó einhver, þær gætu átt að vera
fulltrúar þjóðarinnar, það er þó svo
óljóst og einhvern veginn þannig
fram sett að manni finnst það frekar
eiga að vera grín en eitthvað annað.
Manni skilst að ef þau sleppi notkun
þessara bönnuðu orða þá nálgist þau
frekar sjálf sig og sannleikann –
þetta er vanhugsað hjá Matthildi –
eða hvenær skilar þöggun sann-
leika?
Eilíf óhamingja er óhefðbundin
dæmisaga sett fram í leikformi. Hér
er kastað fram vafasömum hlið-
stæðum til að kalla fram svar við fyr-
irfram gefnum „sannleika“. Sann-
leika þeim sem smáborgararnir sem
vilja takast á við samfélagið ganga út
frá bæði til að skilja samfélagið og til
þess að uppfylla þá löngun sína að
vera metnir verðugir samfélags-
rýnar – og kannski um leið bærilegir
listamenn? En þessi sannleikur er
litlaus og falskur af því að rýnarnir
hafa ekki rýnt sjálfa sig nægjanlega,
sjálfsgagnrýni er sem sagt, þrátt
fyrir allt, stórlega ábótavant í öllu
þessu brölti. Kannski er um að
kenna ofmati samfélagsins, ofmati
listamannanna sjálfra sem sprettur
af gagnrýnislausu samfélagi?
Kannski er það skortur á lífsreynslu
sem gerir það að verkum að yf-
irborðsmennska og orðaflaumur
deyða broddinn og innsýnina? Hvað
um það, útkoman er klén.
Meiningin er þó góð og hug-
myndin ágæt og aðferðin sem Þor-
leifur Örn lýsir í leikskrá er athygl-
isverð. Hér þarf bara miklu betri og
beittari texta og af því að þetta á að
vera textaleikhús vantar því skilj-
anlega mjög mikið. Brellur fram-
andgervingarinnar virka ágætlega
fyrst í sýningunni en ofnotkun þeirra
slævði líka það vopn – þetta á leik-
stjórinn að skynja.
Hliðstæða svívirðingar þjóðar og
nauðgunar konu er gamalt stef í bók-
menntum, hér er reynt að blása í það
lífi sem veikburða kafnar í lítt hugs-
aðri mælsku. Manni skilst að hrein-
leiki textans hafi átt að fá að njóta
sín og því hafi leikmynd og hljóð-
mynd verið stillt í hóf. Ég er maður
texta frekar en leikmyndar að stara
á – en sjaldan hef ég saknað leik-
myndar eins sárlega og þessa kvöld-
stund á frumsýningu Eilífrar óham-
ingju.
Sólveig Arnarsdóttir leikur Matt-
hildi – Sólveig dregur fram nokkuð
töff og sannfærandi týpu. Dansar þó
of oft á mörkum ofleiks.
Guðjón Þorsteinn Pálmarsson
leikur Ingvar sem eitt sinn var hjálp-
arsveitarmaður – eða ekki? – Guðjón
nær engum tökum á þessu hlutverki,
hefði þurft agaðri leikstjórn og þarf
að huga að því hvernig hann ber sig á
sviði.
Atli Rafn Sigurðsson leikur Ólaf
sem á köflum er fulltrúi alls þess
sem þjóðin tengir sína eilífu óham-
ingju við þessa dagana. Það er mikið
ok að bera en Atli fer létt með það og
er firnagóður.
Sara Dögg Ásgeirsdóttir er við-
skiptafræðingurinn Agnes. Sara get-
ur gert mun betur en hlutverkið er
svo sem ekki burðugt.
Orri Huginn Ágústsson er Geir,
byggingarverktakinn sem byggði út-
hverfið sem engin þörf var á að
byggja. Orri gerir sér mat úr þessari
rýru rullu svo aðdáunarvert verður
að teljast.
Verkið tekur klukkutíma og tutt-
ugu mínútur og er án hlés, sem er
gott, en samt langdregið. Búningar
Judith Amalíu passa þessu ágætlega
og gætu þess vegna verið úr fata-
skápum leikaranna, sviðsmynd Drífu
er ekki mikið bákn en þjónar sínu.
Andra Snæ og Þorleifi Erni liggur
mikið á hjarta en mælgin og viskan
sem drekkhleður Eilífa óhamingju á
betur heima á málþingi í Norræna
húsinu eða jafnvel enn frekar í ein-
hverri menningarmiðstöð úthverf-
anna – í því fælist alltént, líka, æv-
intýraferð út í óvissuna fyrir hina
greinandi smáborgara og jámenn
pólitísks rétttrúnaðar sem sjálfsagt
geta borist áfram í samkennd með
verkinu.
Eilíf óhamingja „Kannski er það skortur á lífsreynslu sem gerir það að verkum að yfirborðsmennska og orðaflaum-
ur deyða broddinn og innsýnina? Hvað um það, útkoman er klén,“ segir Guðmundur meðal annars í dóminum.
Borgarleikhúsið – Litla sviðið
Eilíf óhamingja, Andri Snær Magna-
son og Þorleifur Örn Arnarsson
bmnnn
Samstarfsverkefni: Borgarleikhúsið og
Lifandi leikhús.
Leikstjóri: Þorleifur Örn Arnarsson.
Dramatúrg: Símon Örn Birgisson.
Sviðsmyndahönnuður: Drífa Freyju-
Ármannsdóttir.
Búningar: Judith Amalía Jóhannsdóttir.
GUÐMUNDUR S.
BRYNJÓLFSSON
LEIKLIST
Klén saga af stefnu-
lausri óhamingju
ÞAÐ kemur í hlut hins göfuglynda Hróa hattar
að opna komandi kvikmyndahátíð í Cannes. Saga
hinnar hugumprúðu hetju hefur verið kvikmynd-
uð oftsinnis en nú eru það engar smáræð-
iskanónur sem hafa sest yfir goðsögnina, en það
er sjálfur Ridley Scott sem leikstýrir og stórleik-
arinn Russell Crow bregður yfir öxl sér örvamæli
og boga. Þetta hlýtur að þýða að um „al-
vöru“mynd sé að ræða, en Cannes er virtasta
kvikmyndahátíð heims. Myndin er þó utan
keppni, líkt og var með Thelma & Louise árið
1991, en sú mynd Scotts opnaði hátíðina það árið.
Hrói opnar
Cannes
Hetjan Russell „Hrói“ Crowe ætlar að skjótast á Cannes.
Leikfélag Akureyrar
Miðasölusími: 4 600 200, netfang: midasala@leikfelag.is
39 þrep (Samkomuhúsið)
Fim 1/4 kl. 19:00 Lau 3/4 kl. 19:00 Fös 16/4 kl. 19:00 Ný sýn
Fim 1/4 kl. 22:00 Aukas. Lau 10/4 kl. 19:00 Lau 17/4 kl. 19:00 Síðasta s.
Síðasta sýning 17.apríl
Fúlar á móti (Marina - Gamli Oddvitinn)
Fös 2/4 kl. 21:00 1.sýn Lau 3/4 kl. 21:00 2.sýn
Horn á höfði (Rýmið)
Mið 31/3 kl. 16:00 1.sýn Fim 1/4 kl. 16:00 3.sýn Lau 3/4 kl. 16:00 5.sýn
Fim 1/4 kl. 14:00 2.sýn Lau 3/4 kl. 14:00 4.sýn
Leiklestraröð - Spænsk ástríða (Samkomuhúsið)
Mið 7/4 kl. 20:00
Spænskt þema
568 8000 – borgarleikhus.is – midasala@borgarleikhus.is
Gauragangur HHHH EB, Fbl
Gauragangur (Stóra svið)
Mið 7/4 kl. 20:00 Mið 21/4 kl. 20:00 K.8. Fös 21/5 kl. 20:00
Fim 8/4 kl. 20:00 Fim 22/4 kl. 20:00 K.9. Lau 22/5 kl. 20:00
Fös 9/4 kl. 20:00 Fös 23/4 kl. 20:00 Fös 28/5 kl. 20:00
Lau 10/4 kl. 16:00 K.4. Fim 29/4 kl. 20:00 K.10 Sun 30/5 kl. 20:00
Lau 10/4 kl. 20:00 K.5. Fös 30/4 kl. 20:00 K.11 Fös 4/6 kl. 20:00
Fös 16/4 kl. 20:00 K.6. Fös 7/5 kl. 20:00 Lau 5/6 kl. 20:00
Lau 17/4 kl. 16:00 K.7. Lau 8/5 kl. 20:00 Fös 11/6 kl. 20:00
Lau 17/4 kl. 20:00 Mið 12/5 kl. 20:00 Lau 12/6 kl. 20:00
Eftir Ólaf Hauk Símonarson - tónlist Nýdönsk
Faust (Stóra svið)
Sun 11/4 kl. 20:00 Ný auka Sun 18/4 kl. 20:00 Ný auka Sun 25/4 kl. 20:00 Ný auka
Fim 15/4 kl. 20:00 Ný auka Lau 24/4 kl. 20:00 Ný auka
í samvinnu Borgarleikhússins og Vesturports
Skoppa og Skrítla á tímaflakki (Litla svið)
Lau 10/4 kl. 12:00 Lau 17/4 kl. 14:00 Lau 24/4 kl. 12:00
Lau 10/4 kl. 14:00 Sun 18/4 kl. 12:00 Lau 24/4 kl. 14:00
Sun 11/4 kl. 12:00 Sun 18/4 kl. 14:00 Sun 25/4 kl. 12:00
Sun 11/4 kl. 14:00 Fim 22/4 kl. 12:00 Sun 25/4 kl. 14:00
Lau 17/4 kl. 12:00 Fim 22/4 kl. 14:00
Dúfurnar (Nýja sviðið)
Lau 10/4 kl. 20:00 Frum Fös 23/4 kl. 22:00 aukas Sun 9/5 kl. 20:00 k.13.
Mið 14/4 kl. 20:00 K.2. Mið 28/4 kl. 20:00 k.8. Mið 12/5 kl. 20:00 k.14.
Fös 16/4 kl. 19:00 K.3. Fim 29/4 kl. 20:00 k.9. Fim 13/5 kl. 20:00 k.15.
Fös 16/4 kl. 22:00 aukas Fös 30/4 kl. 19:00 k.10 Fös 14/5 kl. 20:00 k.16.
Lau 17/4 kl. 19:00 K.4. Fös 30/4 kl. 22:00 aukas. Fös 14/5 kl. 22:00
Lau 17/4 kl. 22:00 aukas Fös 7/5 kl. 19:00 k.11. Lau 15/5 kl. 19:00 k.17.
Mið 21/4 kl. 19:00 K.5. Fös 7/5 kl. 22:00 Lau 15/5 kl. 22:00
Fim 22/4 kl. 20:00 K.6. Lau 8/5 kl. 19:00 k.12.
Fös 23/4 kl. 19:00 K.7. Lau 8/5 kl. 22:00
frumsýnt 10. apríl
Rómeó og Júlía í leikstjórn Oskaras Korsunovas (Stóra
svið)
Fös 14/5 kl. 20:00 Lau 15/5 kl. 20:00
Í samvinnu við Listahátíð í Reykjavík
Eilíf óhamingja (Litli salur)
Mið 31/3 kl. 20:00 k.2 Fös 16/4 kl. 19:00 K.5 Sun 25/4 kl. 20:00
Fös 9/4 kl. 19:00 K.3 Fim 22/4 kl. 20:00
Sun 11/4 kl. 20:00 K.4 Fös 23/4 kl. 20:00
Fyrir þá sem þora að horfa í spegil. Snarpur sýningartími
Villidýr / Pólitík eftir Ricky Gervais (Litla svið)
Lau 24/4 kl. 20:00 Frums Sun 2/5 kl. 20:00
Lau 1/5 kl. 19:00 Fös 7/5 kl. 20:00
Uppsetning Bravó - aðeins þessar 4 sýningar
ÞJÓÐLEIKHÚSIÐ
Mbl., GB
Nánar á leikhus
id.is
Sími miðasölu
551 1200
Síðasta sýning 25. aprí
l
Tryggðu þér miða á þes
sa frábæru fjölskyldusý
ningu!
BANDARÍSKI leikarinn Dennis Hopper
fékk stjörnu í Frægðargötuna (e. Walk of
Fame) í Hollywood sl. föstudag. Hopper, sem
greindist með blöðruhálskrabbamein í fyrra,
var mjög veikulegur að sjá. Hann var með
umbúðir á höfðinu og á hægri hendi þegar
hann lét mynda sig með stjörnuna. Hann
sagðist hafa hrasað og meitt sig þegar pap-
arazzi-ljósmyndari kallaði á eftir honum þeg-
ar hann var úti í göngu sem varð til þess að
hann sneri sér við og hrasaði á kanti. „Ég féll
beint á andlitið, og ég hélt á gleraugunum
mínum. Ég var í tómu tjóni,“ segir hann.
Ferill Hoppers hófst árið 1955 þegar hann
lék á móti James Dean í Rebel Without a
Cause. Hann hefur leikið í yfir 150 kvikmynd-
um.
Leikarinn Viggo Mortensen kom fram með
Hopper, en þeir léku saman í myndunum The
Indian Runner og Boiling Point á tíunda ára-
tugnum. Hopper er hins vegar þekktastur fyrir að hafa skrifað handritið að og
leikið aðalhlutverkið í vegamyndinni Easy Rider með Peter Fonda, en myndin
var frumsýnd árið 1969.
Hopper fékk stjörnu
Hopper Með stjörnuna.
Reuters