Skólablaðið - 01.12.1985, Side 36

Eftir ýmis vandamál og undarlegar uppgötvanir brosti lífið við þeim hjónum.
Mikil var eymd þeirra hjóna. Þau
kynntust hérna um árið ’81. Seinna sagði
hún, að hann hefði verið svo bjánalegur,
að hún hefði fallið gersamlega kylliflöt.
Á þessum tímum var mikið um að vera,
eins og venjan var. Hún átti sér draum,
draum um frægð og frama, peninga og
silkiklúta. Hún átti reyndar tvo silki-
klúta. Þá notaði hún aðeins við sérstök
tilefni. Hún var nokkuð falleg, þó dáldið
sveitó. í slíkum tilfellum brýst tilgerðin
fram. Hún elskaði nammi, enda sagði
hún: „Ég er svo feit“. Það fannst honum
fásinna, en uppgötvaði það á árshátíð
bridsklúbbsins „play Sam“, að hún hafði
haft rétt fyrir sér. Hann lét þó ógert að
segja henni frá því. Eitt má þó segja um
þessa merkilegu uppgötvun, að áhug nn
byrjaði að dvína. Þó að hann hugsaði
um alla kossana og keleríið, ísinn í
bænum, umtalið, Scarface, rómantikina
i snjónum, — þá byrjaði þetta að dvína.
Hann velti þessu lengi fyrir sér. Ein-
hvern veginn gat hann ekki hugsað sér að
hætta að lifa „hressu" líferni. Og meira
kom til. Hann var ástfanginn. „Eða
hvað? Er ég ástfanginn? Hvað er það?“
Hún, þessi útspekúleraða heimskona
úr íslensku countrylife var farin að finna
fyrir undarlegum athugsemdum og
bjánalegum tilsvörum.
Dæmi: „Hvað eigum við að gera í
kvöld? Hvernig fór leikurinn í gær?“
Hún velti lengi vöngum yfir þessu undar-
lega hátterni, og meðal annars skipti hún
um ilmvatnstegund og hellti sér út í High
Society Super Laurent. En allt kom fyrir
ekki. Loks, er hún var að klippa fréttir úr
blöðunum (upp á seinni tíma), rakst hún
á frétt á baksíðu Morgunblaðsins, sem
átti eftir að breyta lífi hennar: „30 mynd-
bönd tekin í Fossfoss“ Vídeó, ó, vídeó.
Eftir ýmsum krókaleiðum og prettum,
þar sem hún ræddi við grunsamlega
sölumenn ýmissa fyrirtækja, tókst henni
að snara út fyrir vídeói. Eftir viðhöfn,
þar sem hún las m.a. upp úr pésa eftir
forstjóra Sharp Industry um vídeóvæð-
ingu, var tækið sett í gang. Horfðu þau
aðallega á Dænastí og fleiri uppörvandi
þætti. Það var draumurinn, — lífið, sem
er ekki þannig, en er þó þannig. Eða voru
það fullkomlega sammála um, þegar
heimspeki bar á góma.
Johnie boy.
Saga úr bænum
JL/esið af
meginþorra
þjóóarinnar
daglega!
Auglýsingasíminn er 2 24 80
Áskriftarsíminn er 830 33