Skólablaðið - 01.12.1985, Blaðsíða 43

ferðalagi U2 um Ameríku voru nokkur
lög numin af tónleikum þeirra á hljóm-
band og þrykkt síðan á plastskífu, er
nefndist Under a blood red sky. (Er hún
býsna vinsæl á drykkjusamkomum, að
okkur virðist.) Á þessu ferðalagi voru
tónleikar á Red Rocks teknir upp á
myndband, sem var kosið besta tónlist-
arvídeó síðasta árs af lesendum Sounds,
bresks tónlistarrits.
Tímabilið milli War og The Unforgett-
able Fire var strembið mjög vegna mikils
tónleikahalds, og gekk annríkið nærri
þeim kumpánum. Svo, áður en þeir hófu
upptökur á fimmtu breiðskífu sinni,
fóru þeir í afslöppunarferð til Karíba-
hafs. Voru þeir þar í umhverfi, sem þeir
voru algerlega óþekktir, en frægðin var
þeim orðin, eins og áður sagði, til nokk-
urs baga. í þær tíu vikur, sem þeir dvöld-
ust þarna, kynntust þeir menningu og
tónlist eyjarskeggja. Og áður en þeir
héldu heim aftur, tóku þeir upp á tveim
dögum „litla“ breiðskífu með fjórum
karíbskum þjóðlögum. Var hún gefin út
i litlu upplagi og hlaut litla athygli, þótt
hún þyki merkileg blanda karíbskra
þjóðlaga og evrópskrar nútímatónlistar.
Er þetta hið undarlegasta hliðarspor
hljómsveitarinnar hingað til.
Er heim kom, fluttust þeir félagar með
upptökugræjurnar í Slane Castle (aflóga
kastali uppi í sveit), og í september 1984
kom úl smáskífan Pride (in the name of
love). Varð lagið gífurlega vinsælt um
allar jarðir. Pride var einnig fyrsti
„smellur“ þeirra hér á landi. Stuttu
seinna kom út platan The Unforgettable
Fire. Þótti hún vægast sagt alveg ágæt.
Var stíll hennar nokkuð frábrugðinn
hinum fyrri, enda var nýr maður við
stjórnvölinn, Brian Eno. Hafði hann
Eno Daniel Lanois sér til aðstoðar. The
Unforgettable Fire hefur fágaðra yfir-
bragð líkt og á mörgum Roxy-music
plötunum, en Brian Eno var einmitt í
Roxy-músik. Hlaut platan miklar vin-
sældir um heim allan, og m.a. komst lag-
ið The Unforgettable Fire í 8. sæti vin-
sældalista rásar tvö (VÁ!)
Við vonum, að eftir þessi skrif okkar
sért þú, háttvirti lesandi, einhverju nær
um hljómsveitina U2.
Lifið heil?
Árni J. Magnús.
Pétur Magnússon.
Hvernig finnst þér
hljómsveitin U 2 ?
1) Hvað er nú það?
2) Adrei heyrt hennar getið.
3) Ég veit ekki, hvað þú ert
að tala um, góði.
4) Ja, ég er nú bara frá Húsavík,
ég er ekkert inni í svoleiðis.
5) Hundskastu burt,
eða ég kalla á lögregluna!
Elns og þið sjáið greinilega á þessari mynd,
eru þetta allt snoppufríðir piltar,
43