Disneyblaðið - 11.09.2011, Blaðsíða 5

LA
U
SN
:S
O
LL
A
Hvernig getur björninn lifað í sex mánuði án matar?
Til að lifa af kalda vetur norðursins leggst björninn í svonefndan vetrardvala. Í því
ástandi er þörf dýranna fyrir orku í lágmarki. Í sex mánuði eða lengur er björninn án
matar eða drykkjar en sem betur fer er hann með varaforða: Hann getur lifað á þykku
fitulagi sem hann safnaði áður en veturinn gekk í garð. Á meðan birnan liggur í dvala
í híði sínu fæðir hún húna og það er ekkert víst að hún vakni þegar húnarnir fæðast.
Nýfæddir húnarnir, sem eru blindir og ósjálfbjarga, eru mjög litlir – ekki stærri en
kettlingar. En þeir vaxa hratt og þegar vorið kemur eru þeir tilbúnir að yfirgefa grenið ...
... Á haustmánuðum étur skógarbjörninn nær viðstöðulaust til að fita sig eins mikið
og hann mögulega getur. Þegar kólna fer leitar hann sér að greni, sem getur verið
hellisskúti, notaleg dæld við rætur trés eða yfirgefin mauraþúfa. Björninn kemur
sér vel fyrir í greninu og verður fljótt ósýnilegur undir þykkri snjóhulu. Þegar hann
fellur í djúpan svefn fer hjartslátturinn úr um 40 slögum á mínútu niður í undir 10!
Birnan þarf að gefa húnunum að drekka en fær sjálf hvorki vott né þurrt. Það er mikil
þolraun og hún getur lést um næstum helming þyngdar sinnar yfir veturinn.