Monitor - 13.01.2011, Blaðsíða 9

9FIMMTUDAGUR 13. JANÚAR 2011 Monitor
Ragnhildi Steinunni Jónsdóttur þarf vart að kynna
fyrir þeim sem eiga sjónvarp. Hún hefur verið í
Kastljósinu og stjórnað undankeppnum Júróvisjón
undanfarin ár en þar áður var hún með unglingaþátt-
inn Óp. Margir muna eflaust eftir Ragnhildi Steinunni
óléttri í sjónvarpinu á síðasta ári en hún átti einmitt
sitt fyrsta barn fyrir hálfu ári með kærastanum sínum,
knattspyrnumanninum Hauki Inga Guðnasyni.
Eins og margir muna var Ragnhildur kjörin Ungfrú
Ísland árið 2003 en hún segist ekki ánægð með þátt-
tökuna eftir á að hyggja. „Auðvitað vildi ég óska þess
núna að ég hefði sleppt því en það þýðir ekki að sjá
eftir einhverju sem er búið og gert,“ segir Ragnhildur
sem var harðákveðin í að sigra keppnina allan tímann.
„Flestar stelpurnar sögðust vera þarna bara til að vera
með en ég vildi græða eitthvað á þessu.“
Fyrir utan að vera sjónvarpskona, fegurðardrottning
og nýbökuð móðir hefur Ragnhildur æft fimleika og
dans í gegnum árin og tekið þátt í leiksýningum,
söngleikjum og kvikmyndinni Astrópíu þar sem hún
fór með aðalhlutverkið. „Ég væri alveg til í að leika
meira en það er aldrei að vita hvað gerist í því,“ segir
Ragnhildur sem virðist geta tekið sér hvað sem er fyrir
hendur. Hvað gerir hún næst?
Í viðtali fyrir tveimur árum sagðist þú vera byrjuð
að læra á gítar og ætla að taka upp lag með Bubba
Morthens. Hvað er að frétta af því?
Það er bara alls ekkert að frétta af því. Ég þarf að
hringja í hann og fá hann til að taka lagið með mér.
Ég söng eitt lag í Astrópíu með Helga Björns sem var
spilað í útvarpinu. Þá hitti ég Bubba á ganginum í RÚV
og ætlaði að fara að heilsa honum þegar hann segir
við mig: „Þú syngur illa.“ Ég fékk algjört sjokk og hann
hélt áfram: „Já, þú átt ekkert að vera að syngja.“ Ég þarf
líklega að æfa mig aðeins áður en hann samþykkir að
taka dúett með mér.
Þá varst þú búin að semja tuttugu lög.
Hvenær kemur plata?
Aldrei. Þetta er bara svona stofugaman hjá mér. Ég
spila fyrir vinkonur mínar og fjölskylduna en ég myndi
ekki vilja gefa neitt út. Konan í Kastljósinu að gefa
út plötu, það væri of mikið. Ég hef enga þörf fyrir að
sanna mig á því sviði enda held ég að ég sé ekki með
nein tónlistargen. Mér finnst mjög gott að spila fyrir
sjálfa mig þegar ég er í einhverjum tilfinningaflækjum
og svo spilaði ég mikið fyrir litlu stelpuna mína þegar
ég var ólétt og eftir að hún kom í heiminn. Það var
reyndar mjög erfitt að spila á gítarinn þegar ég var
komin langt á leið því bumban þvældist mikið fyrir.
Hvernig tónlist hlustar þú á?
Ég hlusta á allt milli himins og jarðar. Núna er nýi
diskurinn hans Svavars Knúts í uppáhaldi hjá mér. Ég
á það til að níðast á sama disknum í einhverjar vikur
sem getur stundum farið í taugarnar á húsbóndanum.
Ég hlusta mikið á rólega tónlist eins og lögin hennar
Ólafar Arnalds en ég er líka rosalegur Billy Idol aðdá-
andi. Bruce Springsteen er líka æðislegur. Ég skammast
mín pínu fyrir það en ég elska hann nógu mikið til að
viðurkenna það.
Hefur þú einhvern tímann verið
kölluð Ragga Steinka?
Nei, en ábyggilega allt annað en það. Ég er ótrúlega
oft kölluð Ragnheiður sem er mjög pirrandi. Í vinnunni
kalla allir mig sitt á hvað eins og til dæmis Ragnhildur,
Steinunn, Steina og Steipirí Jó. Pabbi kallar mig Kleinu.
Hvernig varst þú sem barn?
Ég er úr Keflavík og bjó þar alveg þar til ég fór í
Háskóla Íslands. Ég er alin upp bara af pabba mínum
frá 7 ára aldri og hann er mikill íþróttamaður svo ég
var eiginlega í öllum íþróttum sem hugsast geta. Ég
æfði körfubolta, sund og svo náttúrulega fimleikana
sem ég ákvað að einbeita mér alveg að þegar ég var
tíu ára og þurfti að velja á milli. Ég var reyndar frekar
léleg fyrst en metnaðurinn var alltaf til staðar og ég
æfði stundum aukalega á laugardögum til að verða
betri. Ég var rosalega metnaðarfull þegar ég var níu ára
og ég man að einu sinni tók ég þátt í víðavangshlaupi
Landsbankans og lenti í þriðja sæti. Þá varð ég svo
ótrúlega fúl að ég byrjaði strax daginn eftir að æfa fyrir
hlaup næsta árs sem ég sigraði. Ég hef alltaf verið mjög
ákveðin.
Hvernig týpa varst þú í menntaskóla?
Ég var ekki mikið í félagslífinu og miðað við hvernig
ég er í dag var ég rosalega lítið fyrir að punta mig. Ég
setti ekki einu sinni á mig maskara í menntaskóla.
Svo var ég rosalega mikið að læra bara og fór alls ekki
á öll böllin. Ég smakka ekki áfengi en vinkonur mínar
duttu stundum í það og ég fór oft með þeim út. Þær
eru kannski ástæðan fyrir að ég vildi aldrei drekka því
oft gerðu þær einhverja kjánalega hluti eins og margir
undir áhrifum áfengis. Fimleikarnir höfðu líka áhrif
því ég gat ekki fengið mér bjór og farið svo klukkan níu
morguninn eftir á jafnvægisslána.
Hvað varst þú gömul þegar þú byrjaðir
með Hauki Inga?
Ég var fimmtán ára og hann sautján. Hann fór út til
Liverpool að spila fótbolta þegar við vorum búin að
vera saman í eitt ár og þess vegna dreif ég mig að klára
menntaskólann á þremur árum. Þá flutti ég út til hans.
Hvernig fannst þér að búa í Liverpool?
Ég fílaði það mjög vel. Við bjuggum fyrir ofan
Bítlasafnið og ég er því ábyggilega eina manneskjan á
Íslandi sem er komin með ógeð á Bítlalögunum. Þau
voru spiluð allan daginn alla daga. Þetta var rosalega
mikið ævintýri og ótrúlega þroskandi. Ég man eftir mér
að reyna að keyra á öfugum vegarhelmingi tiltölulega
nýkomin með bílpróf, sem var mjög fyndið.
Voruð þið Haukur eins og Barbie og Ken Keflavíkur?
Kannski ekki Barbie og Ken en okkur var oft líkt við
Rúnar Júl og frúna hans. Rúnar var fótboltastjarna á
sínum tíma og konan hans tók þátt í fegurðarsam-
keppni. Fólk vildi sjá Hauk taka upp gítarinn sem ég
reyndar gerði seinna meir.
Þið drekkið hvorugt, reykið hvorugt og hugsið að því
er virðist vel um heilsuna. Freistist þið aldrei til að
sukka og fá ykkur KFC?
Jú, ég fór á Metro í gær og fékk mér hamborgara!
Vinkonur mínar sem fara með mér í ferðalag í viku og
búa með mér halda alltaf fyrirfram að ég borði bara
salat en ég borða allt og er dugleg að hreyfa mig á móti.
Við eigum okkar Metro og KFC daga.
Hvert er fegurðarleyndarmálið þitt?
Ekki reykja. Það er svo margt slæmt við reykingarnar.
Auðvitað allt sem þær skemma að innan en líka
hrukkur, appelsínuhúð og gular tennur. Svo er reyndar
eitt sem ég geri mjög oft. Ég set ólífuolíu eða vaselín í
kringum augun í staðinn fyrir krem og nota stundum
kókosolíu til að taka af mér farðann.
Hvernig fannst þér að taka þátt í Ungfrú Ísland?
Mér fannst það fínt þá og var ákveðin að fara í
keppnina til að vinna sem mörgum fannst mjög
asnalegt. Flestar stelpurnar sögðust vera þarna bara til
að vera með en ég vildi græða eitthvað á þessu. Fólk
hefur spurt mig hvort ég sjái eftir því að hafa tekið þátt
og auðvitað vildi ég óska þess núna að ég hefði sleppt
því en það þýðir ekki að sjá eftir einhverju sem er búið
og gert. Þetta hjálpaði mér á einhvern hátt en vann líka
á móti mér í ýmsu öðru og ég er endalaust að berjast
við það að hafa verið fegurðardrottning því fólk heldur
að þær séu allar með loft á milli eyrnanna.
Myndir þú hvetja ungar stúlkur til að fara í keppnina?
Ég myndi aldrei leyfa dóttur minni að taka þátt í
þessari keppni og finnst þetta vera barn síns tíma.
Ég get ekki horft á keppnina núna, ég fæ svo mikinn
kjánahroll. Keppnin hefur breyst með árunum og ég
fékk sjokk þegar ég sá stelpurnar í síðustu keppni vera
á kynþokkafullum undirfötum á sviðinu. Mér fannst
nógu slæmt að við þurftum að koma fram í sundfatn-
aði.
Hvað fannst Hauki um þátttöku þína í keppninni?
Honum fannst þetta alveg glatað og var á móti þessu
frá upphafi. Hann var alltaf að segja við mig: „Þarf
einhver annar að segja við þig að þú sért sæt?“ Þetta er
alveg rétt hjá honum og það er oft ákveðið óöryggi sem
hvetur mann til að taka þátt í keppni um fegurð.
Nú er kærastinn þinn fótboltamaður.
Hefur þú einhvern áhuga á fótbolta?
Ég hef engan áhuga á fótbolta og það er eiginlega
aldrei horft á fótbolta á heimilinu. Haukur hefur þann
kost að hann tekur vinnuna ekki það mikið með sér
heim að hann þurfi að horfa á hvern einasta leik. Ég fer
samt alltaf að horfa á Hauk spila. Ég verð svo spennt
á áhorfendapöllunum og öskra rosalega. Ég er mjög
hrædd um að einhver meiði hann og að ég meiði þá
viðkomandi því ég verð svo reið. Svo um leið og Haukur
fer út af fer ég upp í bíl því ég nenni ekkert að horfa á
hina.
Hvað gerir þú í frítíma þínum?
Mér finnst rosalega gaman að skoða hár á netinu sem
er mjög nördalegt. Ég er með þvílíkan hárfetish og get
skoðað nýjar greiðslur og stíla endalaust. Svo prófa
ég greiðslurnar á sjálfri mér og svoleiðis. Ég hef mjög
sterkar skoðanir á hári og finnst sumt
mjög flott og annað hrikalega ljótt. Önnur
áhugamál eru til dæmis gítarinn sem ég
spila mikið á og eftir að dóttir mín fæddist
Ragnhildur Steinunn ræddi við Monitor um Ungfrú Ísland, fótbolta, móðurhlutverkið,
Völu Grand, Bubba Morthens, hárblæti og af hverju hún er svona fáránlega sæt.
Texti: Sigyn Jónsdóttir sigyn@monitor.is
Myndir: Ernir Eyjólfsson ernir@mbl.is
Væri sett á
rítalín í dag
HRAÐASPURNINGAR
Uppáhaldsmatur? Fiskur.
Uppáhaldskvikmynd? Shawshank
Redemption.
Uppáhaldsleikkona? Julia Roberts.
Uppáhaldsleikari? Ben Whishaw.
Uppáhaldsnammi? Draumur.
Uppáhaldsstaður á Íslandi?
Snæfellsnesið.
Guðjón Valur eða Alexander
Petersson? Alexander Petersson fyrir
skutluna sína. Ef hann myndi fórna
sér svona ef ég myndi misstíga mig
á hælunum yrði ég honum ævinlega
þakklát.
Simmi eða Helgi Seljan? Simmi því
hann reykir ekki.
Sveppi eða Auddi? Sveppi er minn
maður.
Þá hitti ég Bubba
á ganginum í RUV
og ætlaði að fara að heilsa
honum þegar hann segir við
mig: „Þú syngur illa.“