Monitor - 20.01.2011, Síða 13
13FIMMTUDAGUR 20. JANÚAR 2011 Monitor
Aldur: 21 árs. Hjúskaparstaða: Á lausu.
Uppruni: Kalifornía og Hafnarfjörður.
Á
U
P
P
L
E
IÐ
Söngkona í Sykur og Útidúr sem tekur
þátt í undankeppni Eurovision um helgina.
Rakel Mjöll Leifsdóttir
Spennandi
Hefur þig alltaf langað til að taka þátt í
Eurovision?
Nei, reyndar ekki. Það var hringt í mig og
ég spurð hvort ég vildi keppa. Ég var svolítið
smeik við það fyrst því mér hafði aldrei dottið
þetta í hug. Svo leist mér vel á lagið og ákvað
að slá til og er mjög spennt fyrir þessu. Ég er
ótrúlega ánægð með lagið mitt, svo fékk ég
uppáhaldshönnuðinn minn, Unu Kristjáns
sem á búðina Royal Extreme, til að klæða mig
fyrir kvöldið. Tvær yndislegar vinkonur mínar
syngja bakraddir, þar á meðal Sigrún Inga sem
er með mér í Útidúr. Þetta verður gúrme-kvöld.
Hvert er besta Eurovision-lag allra tíma?
Ætli það sé ekki lagið Congratulations sem
Cliff Richard söng, algjör klassík. Besta íslenska
lagið er samt klárlega Nína.
Ertu að læra söng?
Já, ég er á öðru ári núna í FÍH að læra djass-
söng. Það er mjög gott upp á að læra tæknina
en ég ætla mér ekki að fara út í djassinn.
Hvort finnst þér skemmtilegra að syngja með
Sykur eða Útidúr?
Þetta eru gjörólíkar hljómsveitir sem er
reyndar frábært og spennandi því þá fæ ég
að syngja svo fjölbreytilega tónlist. Sykur er
svona elektró-popp og svo er Útidúr folk-indí
svo þetta er æðislegt. Það er dásamlegt að geta
tekið þátt í svona ólíkum verkefnum, það er
ekkert verra en að vera alltaf föst á sama stað.
Þú bjóst um tíma í Kaliforníu. Kæmi til greina
að flytja aftur þangað og reyna að meika það?
Það var dásamlegt að alast upp þar sem ég
bjó, í úthverfi San Francisco, en mér finnst
þetta kannski ekki fyrir mig í dag. Ég myndi
frekar vilja fara til London en það er ekkert á
plönunum núna að fara út að meika það.
Hvað er framundan hjá þér fyrir utan að
reyna að sigra Eurovision?
Snilldarhelgi framundan. Er að spila á
tónleikum með Útidúr á Bakkus á föstudaginn
og svo keppa í Söngvakeppni Sjónvarpsins á
laugardaginn. Annars er ég að fara að taka þátt
í gjörningi hjá Ragnari Kjartanssyni í Carnegie
Museum í Pittsburgh sem er mjög spennandi.
Það verkefni stendur yfir allan mars og fram í
apríl og svo ætla ég bara að halda áfram í FÍH
og búa til tónlist.
Jóhanna Guðrún eða Selma Björns?
Selma Björns held ég þó ég fíli Jóhönnu
Guðrúnu mjög vel.
Rihanna eða Lady Gaga?
Rihanna því hún er svo töff og röddin hennar
er æðisleg.
Mynd/Árni Sæberg
gjörningur
framundan