SunnudagsMogginn - 01.05.2011, Blaðsíða 10
10 1. maí 2011
M
iðstýringarárátta Vinstri hreyfingarinnar – græns
framboðs, birtist okkur með ógnvekjandi hætti í ný-
samþykktum fjölmiðlalögum. Katrín Jakobsdóttir,
menntamálaráðherra, náði að fá fjölmiðlafrumvarp
sitt samþykkt sem lög, rétt fyrir páska og þar hygg ég að Alþingi, að
vísu ekki nema 30 þingmenn, hafi stigið óheillaskref.
Allir þingmenn Sjálfstæðisflokksins greiddu atkvæði gegn frum-
varpinu og það gerði Vigdís Hauksdóttir, þingmaður Framsókn-
arflokksins, einnig. Sjálfsagt kunnum við fjölmiðlafólk, a.m.k. vel-
flest, þingmönnum Sjálfstæðisflokksins og Vigdísi Hauksdóttur
þakkir fyrir að hafa reynt að koma í veg fyrir að þessi skelfilega
„andað ofan í hálsmálið- miðstýringarárátta“ yrði að lögum.
Raunar finnst mér mennta-
málaráðherrann hafa farið ansi
frjálslega með sannleikann, svo
ekki sé meira sagt, þegar hún
hefur svarað fyrir helstu gagn-
rýniatriðin á lögin, sem fram
hafa komið. Gagnrýnin frá okk-
ur fjölmiðlafólki hefur einkum
beinst að stofnun svokallaðrar
fjölmiðlanefndar, sem á að hafa
víðtækt eftirlit með fjölmiðlum,
heimild til að kalla eftir ýtarleg-
um skýrslum frá þeim, fram-
kvæma húsleitir ef nefndar-
mönnum sýnist svo og auk þess
hefur nefndin heimildir til þess
að beita fjölmiðla viðurlögum ef
þurfa þykir. Pravda hvað?!
Katrín hefur fullyrt að fjöl-
miðlanefndin, sem hún mun
skipa, eigi að sinna eftirliti, ekki
ritskoðun og að nefndin eigi að
starfa sem sjálfstæð stjórn-
sýslunefnd, óháð ráðuneytum,
og því geti hið pólitíska vald ekki haft áhrif á úrskurði nefnd-
arinnar.
Þessar staðhæfingar ráðherrans fá ekki staðist, sé lagatextinn
gaumgæfður. Þar segir m.a. í III. kafla, um stjórnsýsluna, í gr. 7:
„Fjölmiðlanefnd er sjálfstæð stjórnsýslunefnd sem heyrir undir
mennta- og menningarmálaráðherra.“ Og í 8. gr. sama kafla um
skipan nefndarinnar segir m.a.: „Mennta- og menningar-
málaráðherra skipar fimm manns í fjölmiðlanefnd til fjögurra ára í
senn. Tveir fulltrúar skulu skipaðir samkvæmt tilnefningu Hæsta-
réttar Íslands, einn samkvæmt tilnefningu samstarfsnefndar há-
skólastigsins og einn samkvæmt tilnefningu Blaðamannafélags Ís-
lands en þann fimmta skipar ráðherra án tilnefningar.“ Ráðherrann
skipar formann nefndarinnar. Svo reynir ráðherrann að telja al-
menningi trú um það að nefndin verði sjálfstæð stjórnsýslunefnd!
Nefnd sem samkvæmt lögunum heyrir undir mennta- og menn-
ingarmálaráðherra og ráðherra skipar formann nefndarinnar, án
tilnefningar.
Ráðherrann, hver sem hann er, hverju sinni, getur haft þau póli-
tísku áhrif á störf nefndarinnar, sem hann kærir sig um. Þetta er
óþolandi fyrir okkur blaða- og fréttamenn, árið 2011. Algjörlega
óþolandi og sömuleiðis er það óþolandi að við á fjölmiðlum eigum
að sæta eftirliti frá háskólasamfélaginu. Hið sjálfsagða og eðlilega
eftirlit með fjölmiðlum á að koma frá fjölmiðlaneytendum, les-
endum, áheyrendum og áhorfendum. Svo einfalt er það. Hvers
vegna skipar ekki menntamálaráðherra blaðamenn til þess að hafa
eftirlit með akademísku starfi háskólastigins?!
Svo getur Katrín Jakobsdóttir kvakað eins og henni sýnist um að
hér sé einungis á ferðinni aukið eftirlit með fjölmiðlum, ekki rit-
skoðun.
Það er sorglegt til þess að vita, að VG sjái sóma sinn í því að neyða
svona lögum upp á landsmenn með þeim tilkostnaði sem óhjá-
kvæmilega fylgir slíkri stofnun: launuð nefndarstörf, launaðir
starfsmenn nefndarinnar, skrifstofuaðstaða og annar kostnaður,
sem slíkri „eftirlitsnefnd“ fylgir. Hér þurfti VG, sem gefur sig út
fyrir að gæta fyrst og síðast hags þeirra sem minna mega sín, standa
vörð um velferðar-, heilbrigðis- og menntakerfi landsmanna, ekki
að forgangsraða í þágu þeirra sem minnst mega sín. Enn hefur ekk-
ert verið upplýst um hver kostnaðurinn verður af þessu gæluverk-
efni VG, en hins vegar liggur fyrir, að það verða skattborgarar þessa
lands, sem greiða fyrir ósköpin, því allur kostnaður greiðist úr rík-
issjóði.
Miðstýringar-
árátta VG
Agnes segir
Agnes Bragadóttir
agnes@mbl.is
Katrín
Jakobsdóttir
Vigdís
Hauksdóttir
’
Hvers vegna
skipar ekki
menntamála-
ráðherra blaðamenn
til þess að hafa eftirlit
með akademísku
starfi háskólastig-
ins?!
Þórhallur Jónsson ljósmyndari
og eigandi Pedromynda á Ak-
ureyri hefur haft í nógu að snúast
þessa viku. Hefur ásamt tveimur
félögum sínum verið með
myndavélarnar og aðrar tilheyr-
andi græjur í Hlíðarfjalli á Andr-
ésar andar leikunum. Þórhallur
lýsir síðastliðnum miðvikudegi.
07.00 Fer á fætur og fæ mér
morgunmat með syninum Andra
Má, sem er á leið í skólann.
7.55 Búinn að bera allt
myndavéladótið út í bíl og dríf
mig af stað upp í Hlíðarfjall.
08.25 Kominn upp í Strýtu
með lyftunni. Þá er að velja sér
góðan stað í brekkunni, þar sem
hægt er að ná góðum myndum.
09.00 Keppni hafin í stór-
svigi 13-14 ára. Þetta eru krakkar
sem „keyra“ orðið dálítið hratt
og verkefni mitt er því krefjandi
og skemmtilegt. Við erum með
mjög öflugar vélar sem taka allt
að tíu myndir á sekúndu. Því er
ekki óalgengt að maður taki hátt
í 3.000 myndir á dag!
11.00 Það var rok í morgun
en hefur lægt og veðrið orðið
flott. Þess vegna ákveð ég að
mynda seinna ferðina líka.
Markmiðið er að taka góða mynd
af öllum keppendum þannig að
þeir sem vilja eigi þess kost að
eignast mynd af sér í braut. Segja
má að það sé vegna eftirspurnar
frá foreldrum að við myndum
hvert einasta barn. Þegar ég var
að mynda Andrésar andar leik-
ana fyrir Morgunblaðið fyrir
mörgum árum hnipptu foreldar
oft í mig og báðum mig að
mynda. „Minn er númer sjö!“
12.00 Renni mér niður í
Strýtu, hitti strákana og við
gleypum pylsu. Notum svo há-
degið til þess að setja myndir inn
í tölvu og velja þær sem við ætl-
um að nota. Tökum þá líka vett-
vangsmyndir af fólki sem er að
næra sig eða spjalla. Hittum
marga sem koma ár eftir ár.
13.30 Kominn aftur upp í
brekku. Mynda nú stórsvig 10
ára. Er með frábæra 500 milli-
metra linsu, bjarta og góða, sem
ég leigði hjá Nýherja; ekta
íþróttalinsu, sem gerir mér nán-
ast kleift að sitja neðst í brekk-
unni og mynda þá sem eru efst!
15.00 Bruna í bæinn. Við
opnum hverja einustu mynd í
tölvunni og vinnum; þrengjum
rammann og gerum hana eins
flotta og mögulegt er. Svo er farið
í að kópíera myndirnar á pappír.
19.45 Kem upp í íþróttahöll
með síðustu myndirnar. Verð-
launaafhending er að hefjast og
við erum með myndir til sýnis og
sölu í anddyrinu.
22.00 Verðlaunaafhending-
unni lokið. Fengum mjög jákvæð
viðbrögð frá foreldrum. Þeir eiga
ekki tæki og tól til að standa í
svona myndatöku og hafa heldur
ekki tíma til þess því nóg annað
er að gera í fjallinu. En margir
segja: ég vildi óska þess að ég ætti
svona mynd af mér þegar ég var
á skíðum á yngri árum!
22.15 Kominn aftur í vinn-
una og nú græjum við myndirnar
sem teknar voru á verðlaunaaf-
hendingunni. Síðan veljum við
og stækkum nokkrar myndir því
við drögum alltaf út nöfn nokk-
urra barna á leikunum og gefum
þeim stóra mynd af sér.
00.30 Kominn heim. Átta
mig á því að ég hef gleymt að
borða síðan í hádeginu. Fer því í
eldhúsið og sest svo niður og
kveiki á sjónvarpinu. Veit ég get
ekki sofnað strax.
01.30 Loks orðinn syfjaður
en man ekki einu sinni hvað ég
var að horfa á enda geri ég það
bara til að tæma hugann. Dríf
mig því inn í rúm og legg höfuðið
á koddann.
skapti@mbl.is
Dagur í lífi Þórhalls Jónssonar ljósmyndara hjá Pedromyndum
Þórhallur Jónsson í Hlíðarfjalli. Þau mót sem honum finnst skemmtileg-
ast að mynda eru Andrésar leikarnir og Arctic Open golfmótið í júní.
„Minn er númer sjö“