SunnudagsMogginn - 01.05.2011, Blaðsíða 28
28 1. maí 2011
artruflanir. Maður er nokkuð miður sín eftir svona köst og
verður mjög þreyttur.“
Fékkstu enga hjálp?
„Ég fékk hjálp hjá góðum manni. Pabbi, sem hefur verið
mín stoð og stytta í lífinu, veiktist þegar ég var sex ára
gamall, af hjartasjúkdómi. Amma mín hafði dáið úr þess-
um sama sjúkdómi. Það var talað um þessa sjúkdóma á
heimilinu. Svo kynntist fjölskyldan lækni sem hét Snorri
Páll Snorrason. Hann var hjartasérfræðingur, afar fær
læknir. Ég var um þrettán ára þegar ég kynntist honum og
þegar ég fór að eldast hafði hann gríðarleg áhrif á líf mitt.
Við urðum miklir vinir og ég leit á hann eins og afa minn
og hann leit á mig nánast eins og eitt af barnabörnum sín-
um. Alltaf þegar við hittumst vorum við jafningjar, þrátt
fyrir áratuga aldursmun. Hann lést 2009, að verða níræð-
ur. Það var ómetanlegt að fá að kynnast honum. Hann
hjálpaði mér að átta mig á því að þótt maður fái kvíðaköst
er mjög mikilvægt að gera sér grein fyrir því að það er
ekkert hættulegt að koma fyrir mann.“
Hvernig er það fyrir skemmtikraft eins og þig að vera
haldinn þessum sjúkdómi? Verður hann til þess að þú af-
lýsir tónleikum?
„Nei, það hefur sem betur fer ekki komið fyrir. En það
sem er skrýtið við þetta er að ég hef aldrei fundið fyrir
kvíða þegar ég er á sviði. Kvíðinn kemur eftir á.“
Ófeiminn að leita hjálpar
Lokarðu þig af þegar þú finnur fyrir hvað mestum kvíða?
„Nei, með tímanum hef ég lært að einangra mig ekki. Ég
er með ágætis jafnaðargeð og vil frekar tala við fólk um
líðan mína en að loka mig inni. Það versta sem maður get-
ur gert í svona ástandi er að einangra sig, tala ekki um
sjúkdóminn og vera einn með sínar ranghugmyndir. Ef
maður talar við fólk sem maður treystir þá nær maður
tökum á kvíðanum. Þótt maður hætti aldrei almennilega
að vera með kvíða þá getur maður lært að lifa með honum.
En maður verður líka að vera mjög meðvitaður um
ástandið. Ég er mjög meðvitaður um þessa líðan mína og
er líka meðvitaður um að tala um hana við fólk. Það hefur
bjargað mjög miklu og ég hef líka verið ófeiminn við að
leita mér hjálpar. Kvíði minn er stöðugur en er mismikill.
Stundum hefur mér liðið það illa að ég hef farið upp á spít-
ala.
er að gefa til baka. Þannig að þegar ég er til dæmis beðinn
um að koma fram á styrktartónleikum og gefa vinnu
mína þá segi ég já.
Í fjölda ára hef ég barist við kvíða sem hefur haft gríð-
arleg áhrif á líf mitt. Það jákvæða við reynslu mína af
kvíðaröskun er að í gegnum þennan sjúkdóm hef ég
kynnst afar mörgu góðu fólki. Þar á meðal er fólk sem
stendur að verkefninu Þú getur þar sem markmiðið er að
vekja almenning til meðvitundar um mikilvægi góðrar
geðheilsu. Þetta góða fólk stofnaði fyrir nokkrum árum
forvarna- og fræðslusjóð sem úthlutar styrkjum, þar á
meðal námstyrkjum, til þeirra sem eiga við geðræn
vandamál að stríða. Ég hef lagt mig fram við að aðstoða þá
sem að sjóðnum standa, en meðal þeirra sem eru þar í
forsvari er Ólafur Þór Ævarsson geðlæknir, en ég hef verið
undir handleiðslu hans varðandi mína kvíðaröskun. Ég
hef fengið þann heiður að koma fram á styrktartónleikum
þessa félags og sungið ásamt öðrum sem hafa gefið vinnu
sína.“
Þjáist af kvíðaröskun
Segðu mér meira frá kvíðaröskun þinni.
„Ég er búinn að berjast við þennan sjúkdóm alveg frá
því ég var barn. Um sautján ára aldur fannst mér ég verða
betri en eftir 25 ára fór mér að versna aftur til muna. Ég er
að tjá mig um þetta mál vegna þess að ég skammast mín
ekki fyrir að vera með kvíðaröskun heldur finnst mér
mikilvægt að miðla þesari reynslu minni til þeirra sem
þjást og leita sér ekki hjálpar. Það eru margir sem þjást af
kvíðaröskun, miklu fleiri en við gerum okkur almennt
grein fyrir.“
Hvernig kom kvíðaröskunin fram þegar þú varst
barn?
„Ég hræddist eitthvað sem ég vissi ekki hvað var. Þegar
ég var barn var það ríkjandi hugsunarháttur í umhverfinu
að maður ætti að harka af sér. Ef ég væri barn í dag þá
væri sennilega tekið öðruvísi á þessu en gert var þá. Ég er
samt feginn að hafa ekki verið settur á lyf sem barn og
hugsanlega fengið einhverjar aukaverkanir sem hefðu
fylgt mér fram á fullorðinsár. Það þurfa allir að kljást við
eitthvað og ég þarf að berjast við kvíðann. Þessum kvíða
fylgdu líkamleg einkenni sem eru enn þann dag í dag til
staðar hjá mér, eins og hraður hjartsláttur og hjartslátt-
G
eir Ólafsson söngvari er nýkominn frá
Bandaríkjunum þar sem hann var að taka
upp plötu með þekktum bandarískum tón-
listarmönnum. Geir hefur á síðustu árum
farið í fimm ferðir til Bandaríkjanna og sungið þar.
„Lífið er stundum þannig að maður er að plana eitt-
hvað en hlutirnir fara svo á annan veg,“ segir hann
þegar hann er spurður um forsögu þess að hann fékk
tækifæri til að syngja í Bandaríkjunum og taka þar upp
plötu.
„Fyrir nokkrum árum reyndi ég að fá Nancy Sinatra
til Íslands og ræddi við upptökustjóra hennar, Don
Randi. Símtöl okkar urðu allmörg og hann fór að sýna
áhuga á því sem ég var að gera. Svo liðu nokkur ár og
árið 2007 var ég að vinna að annarri sólóplötu minni.
Ég hringdi í hann og spurði hvort hann hefði áhuga á að
koma til Íslands og stýra upptöku á þeirri plötu. Það
vildi hann svo sannarlega, kom hingað til lands og tók
hana upp að hluta. Eftir það bauð hann mér að koma til
Ameríku og spila með sér. Það var gríðarlegur heiður
því hann er einn af frægustu píanistum í Hollywood.
Randi kom svo hingað með hljómsveit sína árið 2010
og við spiluðum saman á Broadway á djasshátíð
Reykjavíkur. Í framhaldi af því var ákveðið að hann
gerði með mér plötu ásamt 30 manna hljómsveit sinni.
Einn daginn hringdi hann í mig og sagði að Ted Her-
man, einn frægasti hljómsveitarstjóri í Bandaríkjunum,
vildi koma að gerð plötunnar og spurði hvort ég hefði
áhuga á því verkefni. Auðvitað hafði ég það og svo var
gerður samningur. Ef Guð lofar kemur út plata á þessu
ári. Það er búið að taka upp undirleik hljómsveit-
arinnar en ég vildi vinna sönginn hérna heima með
mínum upptökumanni, Vilhjálmi Guðjónssyni, sem
þeim úti fannst ekki vera neitt vandamál. Þetta er plata
með tólf lögum og er hugsuð fyrir Bandaríkjamarkað.
Ég á útgáfuréttinn á Íslandi og ræð því hvort platan
verður gefin út hér.
Það var ákaflega gaman að vinna með þessum miklu
tónlistarmönnum í Bandaríkjunum, þar er mikil fag-
mennska ríkjandi og menn setja kærleik í verkefni sín.
Ég geri mér fulla grein fyrir því hvað þetta er mikilvægt
tækifæri fyrir mig. Í staðinn ber mér að vera þakklátur
og muna að láta gott af mér leiða. Aðalatriðið í lífi mínu
Viðtal
Kolbrún Bergþórsdóttir
kolbrun@mbl.is
Berst við
kvíðann
Geir Ólafsson er að gera tólf laga plötu með
þekktum bandarískum tónlistarmönnum en
platan er ætluð á Bandaríkjamarkað. Þessi
landsþekkti tónlistarmaður hefur frá barns-
aldri barist við kvíðaröskun, en er óhræddur
við að leita sér aðstoðar, eins og hann greinir
frá í viðtali.
Geir Ólafsson: Ég er mjög trú-
aður og það á sinn þátt í því að
ég er æðrulaus þegar kemur að
gagnrýni.