SunnudagsMogginn - 01.05.2011, Síða 44

44 1. maí 2011
Aimee Bender - The Particular
Sadness of Lemon Cake bbmnn
Í þessari bók, sem notið hefur talsverðrar
hylli vestan hafs, segir Aimee Bender frá
ungri stúlku, Rose Edelstein, sem býr yfir
þeim óvenjulega hæfileika að hún finnur
bragð af tilfinningum, þ.e. hún finnur sterkt
fyrir tilfinningum þess sem matreiðir það
sem hún lætur ofan í sig. Það er ekki ham-
ingjuauki að slíku, því fyrsta skipti sem hún
finnur fyrir þessu er þegar hún bragðar sítr-
ónuköku móður sinnar og skynjar tómleika-
tilfinningu og örvæntingu sem bendir til þess
að heimilislífið er ekki eins slétt og fellt og Rose litla hafði
haldið fram að því. Fín hugmynd, en úrvinnslan er ekki eins
góð og versnar eftir því á líður söguna; áður en varir er telpan
orðin slíkur smökkunarsérfræðingur að hún getur sagt til um
uppruna hvers hráefnis, ræktunaraðferð og alla vinnslusögu.
Samþætt er saga af bróður hennar sem býr líka yfir leyndum
hæfileika sem verður honum ekki til góðs og gerir lítið fyrir
söguna.
Ben Aaronovitch - Rivers of London
/ Moon Over Soho bbbnn / bbmnn
Þessar bækur tvær eru upphaf að bókaflokki
sem á án efa eftir að ganga lengi og vel. Þær
gerast í Lundúnum nútímans en segja þó frá
borg þar sem sérstök, en þunnskipuð, lög-
reglusveit glímir við galdramenn og furðu-
verur. Aaronovitch er vel að sér í goðafræð-
um og fléttar skemmtilega saman fornri
þjóðtrú, andatrú og galdra- og nútímlegri
sýn á lífið - eru galdrar ekki bara beislun
orku sem enn hefur ekki verið mæld og met-
in á viðunandi hátt? Frásögnin snýst um
ungan lögreglumann sem hefur dulræna
hæfileika og við fylgjum honum síðan þar
sem hann glímir við illvíga drauga, vatnadísir
og vampírur, bæði þær sem leggjast á tilfinningar og þær sem
sjúga blóð- og lífskraft út fólki. Bækurnar minna ekki svo lítið
á Neverwhere Neils Gaimans, sem er náttúrlega bara kostur
fyrir þá sem áhuga hafa á slíkum bókmenntum.
Árni Matthíasson arnim@mbl.is
Erlendar bækur
10.- 23. apríl
1. Milli trjánna
- Gyrðir Elí-
asson /
Uppheimar
2. Konan í
búrinu -
Jussi Adler-
Olsen /
Vaka-Helgafell
3. Morð og möndlulykt - Ca-
milla Läckberg / Undir-
heimar
4. Djöflastjarnan - Jo Nesbø /
Undirheimar
5. Ég man þig - Yrsa Sigurð-
ardóttir / Veröld
6. Myrkraslóð - Åsa Larsson /
JPV útgáfa
7. Mundu mig, ég man þig -
Dorothy Koomson / JPV út-
gáfa
8. Betri næring - betra líf - Kol-
brún Björnsdóttir / Veröld
9. Furðustrandir - Arnaldur
Indriðason / Vaka-Helgafell
10. Sumardauðinn - Mons Kal-
lentoft / Undirheimar
Frá áramótum
1. Ég man þig
- Yrsa Sig-
urðardóttir
/ Veröld
2. Betri nær-
ing - betra
líf - Kol-
brún
Björnsdóttir / Veröld
3. Djöflastjarnan - Jo Nesbø /
Undirheimar
4. Léttir réttir Hagkaups - Frið-
rika Hjördís Geirsdóttir /
Hagkaup
5. Svar við bréfi Helgu - Berg-
sveinn Birgisson / Bjartur
6. Ljósa - Kristín Steinsdóttir
/ Vaka-Helgafell
7. Morð og möndlulykt - Ca-
milla Läckberg / Undir-
heimar
8. Candida sveppasýking -
Hallgrímur Þorsteinn Magn-
ússon / Salka
9. Fátækt fólk - Tryggvi Em-
ilsson / Forlagið
10. Máttur viljans - Guðni
Gunnarsson / Salka
Listinn er byggður á upplýsingum frá Bókabúð Máls og menningar,
Bókabúðinni Eskju, Bókabúðinni Hamraborg, Bókabúðinni Iðu,
Bókabúðinni við höfnina Stykkishólmi, Bóksölu stúdenta, Bónus,
Hagkaupum, Kaupási, N1, Office 1, Pennanum-Eymundssyni og
Samkaupum. Rannsóknasetur verslunarinnar annast söfnun upp-
lýsinga fyrir hönd Félags íslenskra bókaútgefenda.
Bóksölulisti
Lesbókbækur
Þ
eir sem þekkja til rithöfundarins Brand-
ons Sanderson gera það væntanlega
flestir í gegnum fantasíuseríu Roberts
Jordan, The Wheel of Time. Þessi sería er
ein sú allra vinsælasta í heimi fantasíusagna, en
Jordan lést áður en honum tókst að ljúka henni.
Fjölmargir rithöfundar sóttust eftir því að fá að
vinna úr handritum Jordans og klára bókaröðina,
en ekkja Jordans, Harriet McDougal, leitaði hins
vegar til hins unga Sandersons.
Sanderson hefur sjálfur sagt að hann haldi að
ef hann hefði sóst eftir verkefninu hefði McDougal
fundið einhvern annan. Bækur Sandersons í The
Wheel of Time-seríunni verða alls þrjár og hafa
tvær þegar komið út.
Þetta var merkileg ákvörðun hjá McDougal að
því leyti að þegar hún er tekin hafði Sanderson að-
eins gefið út þrjár bækur, fantasíubækurnar El-
antris og Mistborn: The Final Empire og unglinga-
bókina Alcatraz Versus the Evil Librarians.
Á þeim fjórum árum, sem liðin eru síðan, hafa
níu bækur komið út eftir höfundinn, þar af þrjár
Alcatraz-bækur, tvær Mistborn-bækur, tvær bæk-
ur í The Wheel of Time-seríunni og fyrsta bókin í
hinni nýju seríu The Stormlight Archive.
Sanderson var sjálfur gríðarlegur aðdáandi
Jordans og tók það mjög nærri sér þegar hann lést.
Við skrif bókanna lagði Sanderson mikla áherslu á
að herma ekki einfaldlega eftir ritstíl Jordans, enda
myndi það einfaldlega leiða til þess að bækurnar
yrðu skrumskæling á fyrri verkum Jordans. Hann
vildi þó sýna sögunni og höfundinum virðingu og
hefur Sanderson sagt að þótt hann hafi ekki reynt
að aðlaga skrif sín að stíl Jordans hafi hann reynt að
skrifa í stíl The Wheel of Time.
Viðtökurnar hafa almennt verið góðar og báð-
ar bækurnar hafa farið í fyrsta sæti á metsölulista
New York Times, en Sanderson þykir skrifa snarp-
ari texta en hinn fallni meistari. Þetta þykir mörg-
um jákvætt en aðrir hafa sagst sakna veraldar- og
umhverfislýsinga Jordans.
Sanderson hefur í rúm þrjú ár gefið, ásamt
vinum sínum tveimur, Dan Wells og Howard Tay-
ler, út vikulegt hlaðvarpið (e. podcast) Writing
Excuses, sem fjallar um skapandi skrif. Wells
skrifar hryllings- og spennusögur og Tayler er höf-
undur geimteiknimyndasögunnar Schlock Mer-
cenary, sem kemur út daglega á netinu.
Hver þáttur er ekki nema fimmtán mínútna
langur og taka þeir félagar fyrir ákveðin sértæk eða
almenn atriði er snúa að skáldskap. Markhópurinn
er aðrir rithöfundar, einkum þeir sem ekki hafa
enn selt sína fyrstu sögu og eru að reyna að bæta
sig.
Eins og gefur að skilja fer töluvert fyrir fant-
asíu- og vísindaskáldskap í þáttunum, en þeir fé-
lagar reyna þó að halda þeim eins almennum og
hægt er og efni standa til. Þegar fyrstu þættirnir
komu út var Sanderson aðeins búinn að koma úr
örfáum bókum og fyrsta bók Wells var ekki komin
út. Tayler hafði vissulega gefið út sína sögu um ára-
bil, en skammt var síðan tekjur af teiknimynda-
sögunni urðu slíkar að hann gat lifað af þeim.
Þeir eru því vel til þess fallnir að miðla af eigin
reynslu um hvernig rithöfundar búa til ímyndaða
heima, hanna sannfærandi persónur, sníða til sögu
sem er spennandi og hvernig þeir geta svo selt af-
raksturinn til útgefanda. Gestarithöfundar koma
reglulega í heimsókn og þá eru þeir duglegir við að
svara spurningum lesenda.
Brandon Sanderson
er þrjátíu og fimm ára
gamall og býr í Utah-
ríki í Bandaríkjunum.
Tók við kyndlin-
um af Jordan
Brandon Sanderson mun klára hina gríðarlega vinsælu
fantasíuseríu Roberts Jordan, The Wheel of Time. Hann er
sjálfur með mörg járn í eldinum og reynir að hjálpa nýjum
rithöfundum að fóta sig.
Bjarni Ólafsson bjarni@mbl.is