Monitor - 03.02.2011, Blaðsíða 6

6 Monitor FIMMTUDAGUR 3. FEBRÚAR 2011
„Þetta er hressilegt klapp á bakið fyrir okkur
öll,“ segir Einar Ben, markaðsgúrú hjá Ring, en
vefurinn Ring.is er tilnefndur til Íslensku vef-
verðlaunanna fyrir árið 2010 sem verða afhent
í Tjarnarbíói þann 4. febrúar við hátíðlega
athöfn. Vefurinn er tilnefndur í flokkunum
Besti sölu- og kynningarvefur fyrirtækis með
yfir 50 starfsmenn og Besta markaðsherferðin.
„Það er sannur heiður fyrir allt Ring-teymið
að fá þessa tilnefningu,“ segir Einar en til-
nefningar í flokkunum hljóta einnig markaðs-
herferðir á borð við Karlar og krabbamein og
Inspired By Iceland sem hafa hlotið mikið lof.
Þá eru til dæmis vefir Stöðvar 2 og Icelandair
meðal þeirra sem tilnefndir eru í sama flokki.
„Í raun má segja að nú séum við loksins
farin að rúlla með stóru strákunum,“ segir
Einar en markaðsherferðin sem um ræðir er
herferð Ring í samstarfi við Monitor og Mbl.
is í kringum Iceland Airwaves-hátíð síðasta
árs sem vakti mikla lukku hjá gestum og
gangandi. Í herferðinni voru til dæmis mikið
notuð myndbönd á netinu sem Monitor birti
og slagorðið „Vertu með“ þar sem Ring bauð
upp á ýmsa nýja tækni í notkun Android-sím-
anna og vakti mikla athygli neytenda.
„Við lögðum mikið upp úr að gera okkar
besta til að auka upplifun gesta á Iceland
Airwaves á þann máta sem við best getum,
í gegnum farsímann,“ útskýrir Einar. „Þetta
sýnir einfaldlega að hugvit og góðar hug-
myndir eru forsenda góðs markaðsstarfs en
ekki endilega það að vera með mesta áreitið
í öllum helstu fjölmiðlum,“ bendir Einar á.
Hann segist ætla að vera jarðbundinn í vænt-
ingum sínum fyrir verðlaunaafhendinguna.
„Tilnefningarnar eru sigur út af fyrir sig,“ segir
Einar hógvær. „Það myndi samt ekki skemma
helgina að taka verðlaunin fyrir besta sölu- og
kynningarvefinn.“
Vefurinn Ring.is er tilnefndur til Íslensku vefverðlaun-
anna 2010 sem verða afhent um helgina. Einar Ben hjá
Ring ræddi við Monitor um þennan mikla heiður.
Rúlla loksins með
stóru strákunum
EINAR BEN ER ÁNÆGÐUR
MEÐ TILNEFNINGARNAR
„Framadagar eru frábær vettvangur fyrir
háskólanema til þess að kynnast fyrir-
tækjum á Íslandi. Þarna verða fulltrúar
nokkurra fremstu fyrirtækja landsins og
gestir geta rætt við þessa aðila og kannað
framtíðarmöguleika sína, til dæmis varð-
andi sumarstörf eða framtíðarstörf,“ segir
Brynjar Freyr Halldórsson, fyrirtækjastjóri
Framadaga 2011.
Markmið Framadaga er að brúa bilið á
milli háskólanema og fyrirtækja í landinu
en fyrirkomulagið er með þeim hætti
að fjöldi fyrirtækja kemur upp básum í
Háskólabíói og geta nemendur gengið á
milli þeirra og kynnt sér starfsemi fyrir-
tækjanna, hvaða störf eru í boði og jafnvel
aukið möguleika sína á að fá starf. „Þetta
er mjög góð leið fyrir fólk til að skapa
tengsl og kynna sig svolítið, sérstaklega
fyrir þá sem eru að fara á vinnumarkað-
inn, þetta eykur líkurnar á því að þeir fái
störf,“ segir Brynjar Freyr.
Öðruvísi en 2007
Brynjar Freyr segir að það sé erfitt að
svara því nákvæmlega hversu margir hljóti
störf beinlínis fyrir tilstilli Framadaga.
„Þetta er auðvitað ekki alveg eins og árið
2007 þegar atvinnuleysi í landinu var í
algeru lágmarki. Þá bárust sögur af því að
fólk væri jafnvel að ganga út af Framadög-
um með starfssamninga í höndunum,“
segir hann. „Núna er þetta aðeins öðruvísi
og fólk er aðallega komið til að auka vit-
und á sér og auka starfsmöguleika sína.“
Auk þessa verða ýmsir áhugaverðir
fyrirlestrar í boði.
„Tryggvi frá Góðu vali verður með
fyrirlestur um það hvernig þú átt að bera
þig að til að fá draumastarfið, aðili frá Lazy
Town mun fjalla um fyrirtækið og hvernig
það var byggt upp, Northern Light Energy
mun fjalla um rafbílavæðingu á Íslandi
og um starfsemi nýsköpunarfyrirtækja og
maður frá Betware heldur fyrirlestur um
tækniþróun á 21. öldinni.“
Það er því ljóst hvar metnaðarfullir
háskólanemar munu halda sig næsta
miðvikudag. Nánari upplýsingar má
finna á Framadagar.is og á Facebook-síðu
Framadaga.
Framadagar fara fram í Háskólabíói miðvikudaginn 9. febrúar.
Tími til að huga
að sumarvinnu
EKKI BARA FRÆÐSLA
Þeir sem mæta á Framadaga eiga kost á að vinna sér inn
ýmsa veglega vinninga. Lukkuhjól verður á staðnum sem
öllum býðst að snúa. Þar verða vinningar á borð við veiði-
kort, máltíðir á Serrano og Saffran, gjafabréf í líkamsrækt,
go-kart, „river-rafting“, „river-jet“, leikhús og fleira.
Einnig verður happdrætti þar sem annars vegar verður 50
þúsund króna gjafabréf frá Flugfélagi Íslands og hins vegar
fjórhjól að andvirði 30 þúsund krónum.
KOMDU UNDIRBÚINN
• Skoðaðu hvaða fyrirtæki verða á staðnum. Hvaða
fyrirtækjum hefur þú áhuga á að vinna hjá og hjá hvaða
fyrirtækjum gæti þín menntun nýst?
• Undirbúðu spurningar til fulltrúa fyrirtækjanna. Hverju eru
þeir að leita að? Nýttu þér svo þessar upplýsingar þegar þú
sækir um starf.
• Ef þú átt góða ferilskrá taktu hana þá með og reyndu að
fá að skilja hana eftir ef þú spjallar við aðila hjá fyrirtæki
sem þú vilt vinna hjá. Skilaðu líka inn hefðbundinni umsókn.
• Ef þú útbýrð ferilskrá passaðu þá að hafa hana ekki svo
langa að lesandinn nenni ekki að lesa hana. Ein til tvær
blaðsíður eiga að nægja. Hafðu hana snyrtilega og vel upp
setta og láttu lesa yfir hana fyrir þig.
BRYNJARI FREY ER
EKKI SAMA UM FRAMA
FYRIRTÆKI SEM VERÐA
Á FRAMADÖGUM
Actavis - Aiesec - Arion banki - Betware - Dale
Carnegie - Evrópumiðstöðin - Félag íslenskra félags-
vísindamanna - Hagvangur - HÍ - HR - JCI - Kjarafélag
viðskipta- og hagfræðinga - KPMG - Landsbankinn
- Landsvirkjun - Marel - Matís - Nova - Nýsköpun-
armiðstöð Íslands - ORF - Félag íslenskra náttúru-
fræðinga - Orkuveita Reykjavíkur - Rauði Krossinn
- Ríkið - Skýrr - SSF - Stéttarfélag lögfræðinga
- Stéttarfélag bókasafns- og upplýsingafræðinga
- Stéttarfélag verkfræðinga - Tæknifræðingafélag
Íslands - Verkfræðingafélag Íslands
M
yn
d/
Si
gu
rg
ei
r