Monitor - 17.02.2011, Blaðsíða 8
8 Monitor FIMMTUDAGUR 17. FEBRÚAR 2011
Frægð og frama fylgja ekki bara gull og grænir skógar, held-
ur greinilega líka sturlaðir aðdáendur og ýmsar óþægilegar
uppákomur. Vefmiðillinn PopCrunch hefur grafið upp nokkra
óðustu aðdáendur sögunnar og þar skortir ekki sturlunina.
Óðustu
aðdáendur
sögunnar
RICHARD GERE
Óði aðdáandinn: Ursula Reichert-Habbishaw, þýsk,
51 árs, fjögurra barna móðir.
Hvað gerði hún?
Hún hringdi, sendi fax og tölvupóst meira en
þúsund sinnum og mætti sex sinnum óboðin í heim-
sókn í íbúð hans í Greenwich Village í New York.
Af hverju?
Hún sagði: „Ég þrái að vera með þér og vil eyða
lífinu með þér.“
Málalok:
Ursula slapp við fangelsisvist með því að snúa
aftur heim til Þýskalands. Til að gera söguna aðeins
bitastæðari þá lét hún líða yfir sig fyrir framan
ljósmyndara fyrir utan dómshúsið þegar málið var
tekið fyrir.
STEVEN SPIELBERG OG
JENNIFER LOVE HEWITT
Óði aðdáandinn: Diana Napolis.
Hvað gerði hún?
Hún hótaði að ráðast á Spielberg á frumsýningu
kvikmyndar og elti Hewitt á hina ýmsu viðburði og
kallaði hana morðingja.
Af hverju?
Hún trúði því að Spielberg og kona hans væru
djöfladýrkendur og að þau kæmu fyrir „sálaveið-
urum“ í hugum fólks til að stjórna því. Hún taldi
einnig að Hewitt væri að reyna að drepa sig með
hugarorkunni.
Málalok:
Hún fékk skilorðsbundinn fangelsisdóm og var
skipað að leita sér geðhjálpar og halda sig fjarri
Spielberg og Hewitt í allavega 10 ár.
GWYNETH PALTROW
Óði aðdáandinn:
Dante Michael Soiu, 51 árs gamall pítsusendill frá
Ohio.
Hvað gerði hann?
Hann skrifaði Paltrow fimm bréf á dag og sendi
henni ýmsar gjafir sem féllu ekki í kramið. Þeirra
á meðal voru klámmyndir, blóm og auðvitað pítsa.
Hann kíkti líka oft óboðinn í heimsókn til foreldra
hennar.
Af hverju?
Hann var einfaldlega hugfanginn af henni en í
réttarhöldum vegna málsins var hann úrskurðaður
vanheill á geði.
Málalok:
Hann var vistaður á öryggisgeðsjúkrahúsi í
Kaliforníu í kjölfar vitnisburðar Paltrow um að hún
óttaðist hann mjög mikið.
HALLE BERRY
Óði aðdáandinn:
Greg Broussard, 40 ára, sem segist hafa verið
sérsveitarmaður í sjóhernum.
Hvað gerði hann?
Hann sendi Berry fjölda bréfa með sturluðum
fullyrðingum um að hann ætlaði að giftast henni og
að þótt hann vildi ekki meiða neinn þá myndi hann
gera hvað sem er til að fá hana.
Af hverju?
Broussard skellti skuldinni á Guð, sem hann sagði
hafa skipað sér að giftast Berry.
Málalok:
Það reyndist Berry ekki erfitt að sannfæra dómara
um að setja nálgunarbann á hann. Hann hafði ýmsa
dóma á bakinu, meðal annars fyrir að snerta sig á
almannafæri.
CATHERINE ZETA-JONES
Óði aðdáandinn:
Dawnette Knight, 32 ára kona sem ætlaði sér að
verða barnasálfræðingur.
Hvað gerði hún?
Hún sendi fjölda bréfa þar sem hún hótaði
meðal annars að „skera hana í litla bita og gefa
hundunum sínum“.
Af hverju?
Hún var ástfanginn af eiginmanni hennar, Michael
Douglas, og ákvað að koma henni fyrir kattarnef.
Málalok:
Fórnarlambið Zeta-Jones fékk nærri því taugaáfall
en óði aðdáandinn var dæmdur í þriggja ára fangelsi.
MEL GIBSON
Óði aðdáandinn:
Zack Sinclair, 34 ára útigangsmaður frá Idaho.
Hvað gerði hann?
Hann sendi Gibson endalausan fjölda bréfa og mætti
einnig í messu í kirkjunni hans til að reyna að fá að
biðja með honum.
Af hverju?
Hann var með kvikmyndina Passion of the Christ,
eftir Gibson, á heilanum.
Málalok:
Sinclair var vistaður á réttargeðdeild í þrjú ár.