Monitor - 24.02.2011, Blaðsíða 6

Killzone 3 byrjar aðeins nokkrum mínút-
um eftir atburði Killzone 2, en þar hafa
góðu gæjarnir (ISA) lent á plánetunni
Helghan og ráðist þar á höfuðvígi vondu
gauranna (Helghast) og drepið foringjann
Visari. Í kjölfarið verður allt brjálað og
er markmið leiksins að koma ISA-her-
mönnunum heilum aftur til jarðarinnar.
Killzone 3 er fyrstu persónu skotleikur
sem inniheldur bæði stórbrotinn en
einfaldan söguþráð. Netspilunin er
fullkomin og geta leikmenn valið þar um
mismunandi persónur og með tímanum
er hægt að þróa þær og gera öflugri. Fjölmörg borð eru í netspilun leiksins sem er
bæði fjölbreytt og líklega sú flottasta sem komið hefur fram í langan tíma. Leikinn er
hægt að spila með því að nota Move-stýripinnana og virkar það ótrúlega vel, enda var
sérstakt tillit tekið til þessa möguleika við hönnun leiksins.
Flottasti fyrstu persónu skotleikurinn?
Hvað grafík varðar er Killzone 3 líklega einn flottasti fyrstu persónu skotleikur sem
nokkurn tíma hefur komið út. Það á bæði við borð leiksins sem eru uppfull af sterkum
litum og smáatriðum og einnig á það við um persónur leiksins sem lifna við með
raunverulegum andlitshreyfingum. Þeir sem eiga þrívídddarsjónvarp geta spilað allan
leikinn í fullkominni þrívídd sem gerir upplifunina ennþá sterkari.
Það er klárt að enn hefur framleiðendum Killzone tekist að bæta sig með Killzone 3.
Leikurinn er svo sem ekki sá frumlegasti á árinu, en gerir allt sem hann gerir mjög vel
og klárt að þessi appelsínugulu augu hafa sjaldan eða aldrei skinið skærar.
Ólafur Þór Jóelsson
Tegund: Skotleikur
PEGI merking: 18+
Útgefandi: Sony Computer
Entertainment
Dómar: Gamespot: 8,5 / IGN: 8,5 /
Eurogamer: 8
Killzone 3
TÖ LV U L E I K U R
Þessi appelsínugulu augu…
FJÖLMÖRG BORÐ OG
FULLKOMIN NETSPILUN
Eins og Airwaves,
bara margfalt stærra
Hljómsveitirnar Swords of Chaos og FM Belfast spila ásamt um
2.000 öðrum hljómsveitum á tónlistarhátíðinni South by Southwest.
SWORDS OF CHAOS
LEGGJA LAND UNDIR FÓT
Harðkjarnarokksveitin Swords of Chaos stendur í ströngu þessa
dagana við að undirbúa ferð sína til Bandaríkjanna á tónlistar-
hátíðina South by Southwest (SXSW). Hátíðin fer fram í Austin í
Texas og er ein sú stærsta sinnar tegundar í Bandaríkjunum.
„Þetta er eiginlega eins og Airwaves nema miklu, miklu
stærra. Það eru eitthvað um tvö þúsund bönd sem spila
þarna,“ segir Úlfur Alexander Einarsson, liðsmaður í
sveitinni. „Þetta er svokölluð „show-case“ hátíð þar sem
bönd sem hafa gefið eitthvað út reyna að koma sér á
framfæri,“ segir hann en ýmsar fleiri íslenskar sveitir
hafa farið á hátíðina í gegnum árin. Má þar nefna Mammút,
Seabear og Rökkurró.
Erykah Badu eitt af stóru nöfnunum
Það eru þó ekki bara hljómsveitir sem eru að reyna
að koma sér á framfæri sem heiðra gesti SXSW með
nærveru sinni en þrátt fyrir mikið úrval er Úlfur
nokkuð viss um hvaða listamann hann er spenntastur
að sjá. „Erykah Badu verður þarna og ég myndi segja að ég væri
spenntastur fyrir henni. Ég hef alltaf verið mikill aðdáandi henn-
ar,“ segir hann. Það kann að koma einhverjum á óvart þar sem
tónlist Badu er töluvert frábrugðin háværu harðkjarnar-
okki Swords of Chaos. En Úlfur á sér mýkri hliðar því
hann spilar einnig með hljómsveitinni Útidúr.
„Það er töluvert ólíkt. Mér finnst mjög gaman af
harðkjarnarokkinu og ég er líka í annarri rokkhljóm-
sveit sem heitir Fist Fokkers. En mér finnst mjög
gaman að vera í poppinu líka. Maður fær að kynnast
allt annarri hlið á tónleikamenningunni, að sjá hvernig
tónleikarnir eru frábrugðnir og hvernig fólk mætir á hvora
um sig.“
Hátíðin fer fram dagana 11. til 20. mars og því farið að
styttast verulega í brottför. Og þeir munu ekki bara spila í
Austin. „Við höfum aldrei spilað í Bandaríkjunum þannig við
ætlum að stoppa í nokkra daga í New York. Við munum svo
spila þrjú gigg þar,“ segir Úlfur að lokum.
SÖFNUNARTÓNLEIKAR Á SÓDÓMA
Töluverður kostnaður fylgir ferðalaginu hjá Swords of
Chaos en til að safna fyrir kostnaðinum hafa þeir félagar
kallað til nokkrar vinahljómsveitir til að spila á sérstökum
söfnunartónleikum. Þær sveitir eru ekki af verri endanum, FM
Belfast (sem einnig spila á SXSW), Orphic Oxtra, Quadruplos
og Muck.
Tónleikarnir fara fram á Sódóma Reykjavík, fimmtudags-
kvöldið 24. febrúar klukkan 20 og kostar einungis 1.000
krónur inn.
TÍU
ÁHUGAVERÐUSTU
Listamenn frá fjölda landa
koma fram á SXSW. Vefsíð-
an MtvIggy.com hefur tekið
saman tíu áhugaverðustu
alþjóðlegu hljómsveitirnar
sem fram koma og vert er
að kynna sér. FM Belfast er
ein þeirra.
SOUTH BY SOUTHWEST Í 25 ÁR
South by Southwest-hátíðin í Austin í Texas
(skammstöfuð SXSW) fer fram í 25. sinn í ár.
Hátíðin snýst ekki einungis um tónlist
heldur einnig um kvikmyndir og
gagnvirka tækni. Tónleikarnir eru
þó fyrirferðarmiklir enda mæta
um 2.000 hljómsveitir til leiks ár
hvert og tónleikastaðirnir eru um 90
talsins.
Hátíðin er ein sú stærsta sinnar
tegundar í Bandaríkjunum og er stærsti
viðburður ársins í Austin.
FM BELFAST SPILA BÆÐI Á
SÖFNUNARTÓNLEIKUNUM OG Á SXSW
El Guincho (Spánn)
Ebony Bones (Bretland)
Le Butcherettes (Mexíkó)
Braids (Kanada)
Tiê (Brasilía)
FM Belfast (Ísland)
El Hijo de la Cumbia (Argentína)
Doctor Krápula (Kólumbía)
Alcoholic Faith Mission (Danmörk)
Kids of 88 (Nýja Sjáland)
KIDS OF 88
LE BUTCHERETTES
EL GUINCHO
ALCOHOLIC FAITH
MISSION
ÚLFUR
ALEXANDER
ERYKAH BADU
6 Monitor FIMMTUDAGUR 24. FEBRÚAR 2011