Monitor - 03.03.2011, Blaðsíða 13
13FIMMTUDAGUR 3. MARS 2011 Monitor
Í leiknum Bulletstorm fara
leikmenn í hlutverk málaliðans
Grayson Hunt, en hann er ásamt
vini sínum Ishi Sato fastur á
framandi plánetu. Ástæðan er
einföld, félagarnir ýfðu stélfjaðr-
irnar á einhverju mesta illmenni
sólkerfisins. Á plánetunni er allt
risavaxið og lenda leikmenn þar
í stórbrotnum ævintýrum.
Persónur leiksins eru mjög
vel gerðar, en Grayson Hunt er
einhver harðasti náungi sem við
höfum séð og vinur hans Ishi er
hálft vélmenni. Samskipti þeirra
eru kostuleg og gera heilmikið
fyrir söguþráðinn. Mikið er
blótað í samskiptum og klárt
að handritið er skrifað með 18+
aldurshópinn í huga.
Listræn dráp
Bulletstorm er fyrstu persónu
skotleikur og inniheldur allt
sem slíkir leikir eiga að gera
og reyndar meira til. Leikurinn
hvetur menn áfram til að drepa
óvininn á sem „listrænastan“
máta, en menn fá stig byggð á
því hversu frumleg drápin eru.
Til að krydda þetta geta leik-
menn sparkað í óvinina og þeytt
þeim þannig áfram, en einnig er
hægt að nota svipu til að hefja
óvinina á loft. Mestu stigin fást
svo þegar byssa, fótur og svipa
eru notuð á sama augnabliki.
Stigin sem menn fá fyrir drápin
er hægt að nota til að uppfæra
vopn leiksins og kaupa skotfæri.
Öflug vopn og grafík
Vopn leiksins eru mjög öflug,
en meðal þeirra eru til dæmis
fjögurra hlaupa haglabyssa,
sprengjuvarpa og vélbyssa sem
getur skotið 100 skotum í einu.
Söguþráður leiksins tekur um
6-10 tíma í spilun, en fyrir utan
hann geta leikmenn bæði unnið
fjórir saman í co-op hluta við að
sameinast um að drepa óvinina
eða farið í spilunarmöguleika
sem gengur út á að fá sem flest
stig sem sett eru á netið þar sem
leikmenn geta borið sig saman
við aðra.
Grafíkin í Bulletstorm er
stórkostleg og með því besta
sem gerist í tölvuleikjum í dag
og sama má segja um tónlist
og talsetningu, en þar er allt
til fyrirmyndar. Þannig að þeir
sem vilja vandaðan fyrstu
persónu skotleik
þar sem þarf að
sýna frumleika
og útsjónarsemi
ættu að tékka
á Bullet-
storm.
Ólafur Þór
Jóelsson
Tegund: Skotleikur
PEGI merking: 18+
Útgefandi: Electronic Arts
Dómar: Gamespot: 8 / IGN: 8 /
Eurogamer: 9
Bulletstorm
TÖ LV U L E I K U R
Svipur,
spörk og
blótsyrði
DREPUM
SAMAN
Mér finnst alltaf mikið afrek þegar kvikmyndagerðarmönnum tekst að
gera kvikmynd í fullri lengd sem gerist öll á einum stað. Í þessu tilfelli er
um að ræða líkkistu og því ekki ráðist á garðinn þar sem hann er lægstur.
Ég hugsaði með mér áður en ég fór á myndina hvað mögulega gæti gerst
merkilegt hjá einum manni í líkkistu í 90 mínútur. Er ég að fara að horfa
á mann hrópa á hjálp í 90 mínútur sem fattar svo í lokin að þetta er allt
saman einn stór misskilningur eða draumur? En svo var aldeilis ekki.
Myndin heldur manni spenntum allan tímann og eru höfundarnir
duglegir að kynna til sögunnar nýja hluti sem auka spennu og skemmt-
anagildi myndar-
innar. Aðalleikari
myndarinnar, Ryan
Reynolds, stendur
sig með stakri
prýði en hann
hefur hingað
til ekki þótt
vera mjög
dramatískur
leikari. Hér
sýnir hann á
sér nýja hlið
og er mjög
trúverðugur í hlutverki sínu. Maður
finnur virkilega til með honum.
Versta martröð
Að vakna grafinn í líkkistu er klárlega
ein versta martröð og lífsreynsla sem
hægt er að hugsa sér. Myndin getur
því verið mjög óþægileg áhorfs og er
réttast að vara fólk með mikla
innilokunarkennd við henni. Maður þarf að vera tilbúinn að eyða
90 mínútum með manni í líkkistu. Ég vil þó mæla með því að
fólk fari á hana í bíó til að upplifa myndina eins og á að upplifa
hana. Held að hún sé ekki eins góð heima í stofu þar sem hægt
er að ýta á pásu, kveikja ljósin, standa upp og fullvissa sig um að
maður sé örugglega ekki lokaður inni.
Það eina sem ég hef út á hana að setja er að mér fannst
tónlistin oft svolítið yfirgengileg á köflum og ekki alltaf í
samræmi við myndina. Fannst stundum eins og ég væri
að horfa á Fear Factor-þátt. Að öðru leyti er hér um að
ræða virkilega góða og athyglisverða mynd.
Kristján Sturla Bjarnason
Leikstjóri:
Rodrigo Cortés.
Aðalhlutverk:
Ryan Reynolds.
Lengd: 95 mínútur.
Dómar: IMDB: 7,3 / Metacricic: 6,5
/ Rotten Tomatoes: 86%
Buried
K V I K M Y N D
Versta martröðin
ALLT FARIÐ Í VASKINN
HJÁ VAN WILDER