Monitor - 10.03.2011, Blaðsíða 7

7FIMMTUDAGUR 10. MARS 2011 Monitor
Nafnið var upphaflega Sin Fang Bous. Af hverju hættir þú að nota Bous-ið?
Ég fór fljótlega að segja bara Sin Fang þegar ég vísaði í verkefnið svo endi
nafnsins datt bara frekar náttúrulega af.
Hvað er málið með blúnduskeggið? Ég var með pappírsskegg á fyrri
plötunni og langaði að halda áfram með skeggin. Á næstu plötu verð ég með
öðruvísi skegg.
Hver hannaði það? Mamma og Inga kærastan mín.
Hvar er hægt að kaupa svona blúnduskegg? Það er ekki hægt en það er
hægt að kaupa Sin Fang-bol þar sem skeggið er prentað framan á. Þá er hægt
að draga bolinn yfir andlitið til að fá skegg.
Hvernig er þinn eigin skeggvöxtur? Allt í lagi. Mætti vera minni „dónöt“
stíll yfir honum. Ég væri alveg til í að vera alskeggjaður með sítt hár og
snælduruglaður en ég verð víst að láta heróín-sjík lúkkið duga eins og er.
Hvað þýða öll þessi húðflúr sem þú ert með? Þýðingin er mjög misjöfn.
Flest þýða ekkert sérstakt. Ég er með nokkur sömu tattú og vinir mínir og
svo útlínur af hendi dóttur minnar á handleggnum. Mér þykir sérstaklega
vænt um þau tattú.
Hvað er framundan hjá Sin Fang? Spila á tónleikum og alls konar í kringum
það. Nýtt myndband kemur á næstunni og svo er ég að taka upp smelli á
næstu plötu.
Hvar finnst þér best að semja? Heima í stofu og einn inni í stúdíói.
Hver er þinn helsti innblástur? Bara allt sem hreyfir við mér. Ég er alltaf að
leita að innblæstri í öllu eins og til dæmis bókum, kvikmyndum, myndlist,
kaffi og svo framvegis.
Þú ert sagður mikill áhugamaður um fótbolta. Með hvaða liði heldur þú í
enska? Engu en mér finnst samt gaman að horfa á flesta leiki. Ég bjó reyndar
í West Ham hverfi í Englandi í smá tíma þannig að ég ætti tæknilega séð að
halda með þeim. Ég nenni samt ekki að halda með einhverju liði. Best er að
halda bara með liðinu sem á minni séns á að vinna í hverjum leik.
Ert þú sjálfur góður í fótbolta? Tja, ég er búinn að vera senter í fótboltaliði
undanfarin tvö ár og held ég sé búinn að skora fimm mörk á þeim tíma. Held
ég sé skárri í tónlistinni.
Hverjir eru stærstu tónleikarnir sem þú hefur spilað á? Einhverjar
tónlistarhátíðir í Þýskalandi ábyggilega. Svo spilaði ég eitt lag með múm um
daginn í Póllandi fyrir zilljón manns í einhverri skemmu.
TÖFRARNIR GERAST Í
KJALLARASTÚDÍÓI SINDRAMynd/Sigurgeir S
Væri
alveg
til í
alskegg
Sindri Már Sigfússon er maðurinn
á bak við Sin Fang. Hann var að
gefa út nýja plötu og í þetta skiptið
varð blúnduskegg fyrir valinu.
SMEKKSATRIÐI
Besta platan? Nýja platan með Munnfylli af galli.
Besti söngvarinn? Kolbeinn Gauti Friðriksson.
Besta hljómsveitin? Lovers Without Lovers.
Besti gítarleikarinn? Kjartan Trauner.
Besta lagið? Sveitballakóngurinn með Lovers
eða Sjúddann með Gallinu.
SIN FANG
Hinn 28 ára gamli Sindri Már Sigfússon byrjaði að glamra á gítar
tvítugur að aldri. Aðeins fjögur ár eru liðin síðan hann hóf að gefa
út plötur en fyrsta breiðskífan sem hann tók upp var með hljóm-
sveit sinni, Seabear, og kom hún út árið 2007. Síðan þá hefur Sindri verið
iðinn við kolann og árið 2009 kom út fyrsta breiðskífan í sólóverkefni hans, Sin Fang
Bous. Clangour hét frumraunin sem fékk mikla athygli og Sin Fang
hefur haldið tónleika í Evrópu, Bandaríkjunum og Brasilíu til að kynna
stykkið. Nú er komin út önnur breiðskífa Sin Fang sem ber nafnið
Summer Echoes. Platan hefur fengið góða dóma og það verður
spennandi að sjá Sindra fylgja verkefninu eftir með tónleikum víða
um heim, skemmtilegum myndböndum og breytilegum skeggjum. ÍSLE
N
S
K
A
S
IA
.I
S
M
S
A
52
93
9
12
/1
0
100%
HÁGÆÐA
MYSUPRÓTEIN
WWW.MS.IS
NÚ EINNIG FÁANLEGUR Í FERNU
PRÓTEINDRYKKURINN SEM
ÍSLENDINGAR FÁ ALDREI NÓG AF
HLEðSLA ER KJÖRIN FYRIR ALLA ÞÁ SEM TREYSTA Á
HOLLA OG UPPBYGGILEGA NÆRINGU EFTIR GÓðA ÆFINGU,
LANGT HLAUP EðA MILLI MÁLA. ÞAð ER ENGIN TILVILJUN
Að ÍSLENDINGAR FÁ ALDREI NÓG AF HLEðSLU.
HENTAR VEL FÓLKI MEð MJÓLKURSYKURSÓÞOL.
MJÓLKURSAMSALAN
NÝBRAGð-TEGUND