Monitor - 17.03.2011, Blaðsíða 10
10 Monitor FIMMTUDAGUR 17. MARS 2011
Það er ótrúlega svekkjandi að eyðileggja nýja
kjólinn eða uppáhaldsskyrtuna sína með því
að hella niður á sig. Monitor tók saman nokkur
húsráð en tekur
enga ábyrgð
á fatnaði
lesenda.
Er mamma
hætt að
þvo af þér?
BLÓÐ
Það getur komið fyrir besta fólk
að skera sig illa við matargerð og
oftar en ekki fer blóðið í spariföt
kvöldsins. Þá skal strax nudda
blettunum upp úr saltvatni og
köldu vatni. Að því loknu er best
að láta flíkina liggja í saltvatni
áður en hún er þvegin venjulega.
BLEK
Vinnuslys eru af ýmsum toga og
eitt þeirra er þegar penninn lekur
yfir nýju skyrtuna. Finndu sam-
starfskonu sem er með hársprey í
veskinu og úðaðu miklu magni af
því á blettinn. Láttu hárspreyið
þorna og skelltu svo skyrtunni í
næsta þvott. Einnig er sniðugt að
láta flíkina liggja í mjólk yfir nótt
áður en hún er þvegin.
RAUÐVÍN
Ef þú sullar niður rauðvíni í
partíi þarf að hafa hraðar hendur.
Besti rauðvínsblettahreinsirinn
er einnnig tíður partígestur svo
ekki örvænta. Taktu tusku, dýfðu
henni ofan í hvítvín og dumpaðu
létt yfir blettinn. Ef bletturinn
er of stór til að framkvæma
hvítvínstrikkið er best að sturta
úr saltstauknum yfir blettinn.
GRASGRÆNA
Til að fjarlægja óþolandi gras-
grænubletti úr fötum skal fyrsta
nota mjólk og svo uppþvottalög.
Byrjaðu á að dýfa blettinum ofan
í mjólkina og skolaðu svo vel
með vatni. Því næst skal skella
uppþvottaleginum á blettinn í 4-6
klukkustundir. Passið að upplita
ekki efnið með því að hafa löginn
og lengi á! Það er líka hægt að
nota spritt á grasgrænu með því
að nudda blettinn ákaft.
FITA
Löðrandi franskar og sveittir
hamborgarar skilja oft eftir sig
vegsummerki á fötum neytenda.
Til að fjarlægja fitubletti er best
að setja smá myntuolíu á þá
og þvo svo í heitu vatni. Það
gæti þurft að endurtaka ferlið
nokkrum sinnum svo ekki gefast
upp í fyrstu lotu.
VAX
Blettir eftir bráðnað vax eru
kannski ekki þeir algengustu
en geta verið mjög erfiðir
viðureignar. Straujaðu blettinn
með brúnum pappír yfir. Lyftu
pappírnum oft til að gá hvernig
gengur. Ef allt gengur að óskum
ætti pappírinn að sjúga í sig
vaxið og bletturinn að hverfa.
Ef allt klikkar...
Helltu einni dós af kóki með næsta þvotti til að
ná öllum erfiðu blettunum úr. Drykkinn fræga
má víst nota til að gera margt annað en að
svala þorstanum svo sem taka ryð af hlutum,
þrífa glugga, stilla verki, ná svertu úr pottum,
drepa skordýr og laga magakveisur.