Monitor - 14.04.2011, Blaðsíða 17

17FIMMTUDAGUR 14. APRÍL 2011 Monitor
Axl-veldið
Guns N‘ Roses var án efa ein stærsta þungarokkhljómsveit heims á 9. og
10. áratugnum. Söngvari hljómsveitarinnar, Axl Rose, hefur verið útnefndur
besti rokksöngvari sögunnar af ýmsum miðlum auk þess sem gítarstefið í
laginu Sweet Child o‘ Mine hefur
verið verðlaunað af virtum tónlist-
artímaritum. Þótt hljómsveitin starfi
enn í dag á hún sinn sess í þessari
umfjöllun af skýrum ástæðum.
Hljómsveitin átti sitt gullaldarskeið frá 1987, með útgáfu Appetite for
Destruction, þar til allir hljómsveitarmeðlimirnir að undanskildum Axl
Rose fóru að heltast úr lestinni um og upp úr 1996. Í kringum Rose hefur
svo sannarlega aldrei verið lognmolla. Árið 1994 valdi hann nýjan rytma-
gítarleikara fyrir sveitina, Paul Huge. Slash hafði mikla óbeit á Huge og
þótti hann ekki henta sveitinni en Rose átti lokaorðið – eins og í flestum
málefnum bandsins. Nokkru áður hafði Rose troðið inn lögum á plötu sem
sveitin gaf út þvert gegn vilja annarra meðlima. Smám saman fengu menn
sig fullsadda og koll af kolli yfirgáfu máttarstólpar bandsins sveitina, fyrstur
þeirra var Slash árið 1996.
Axl Rose hefur upp frá því rembst áfram með hljómsveitina með hinum
ýmsu hljóðfæraleikurum í hverri stöðu. Hinir gömlu meðlimir GNR stofnuðu
saman hljómsveitina Velvet Revolver með Scott Weiland sem söngvara.
Ásamt því að standa í málaferlum við sína gömlu félaga vegna hinna ýmsu
ágreininga hefur Axl Rose opinberlega látið ýmis ósmekkleg ummæli flakka
í garð Slash. Árið 2009 líkti hann Slash við krabbamein í viðtali við NME
og lét fylgja: „Best er að að fjarlægja hann og forðast – því minna sem fólk
heyrir af honum og hans fylgimönnum, því betra.“ Hann nefndi jafnframt að
annar þeirra myndi deyja áður en þeir myndu nokkurn tímann stíga aftur á
stokk saman. Lífið í rokkinu er sem sé ekki alltaf dans á rósum.
GUNS N‘ ROSES
Flókið skilnaðarferli
fjórmenninganna
Sennilega hefur engin hljómsveit haft jafnmikil áhrif á vestræna dægur-
menningu og Bítlarnir. Þá þarf einfaldlega ekki að kynna til sögunnar. Um
endalok þessara fjórmenninga frá Liverpool sem gjörsigruðu heiminn hefur
margt verið ritað og ýmsum kenningum verið fleygt fram. Að sama skapi
er þó málefnið sveipað dulúð og jafnvel deiluefni í augum hinna hörðustu
Bítla.
Árið 1967 lést Brian Epstein, umboðsmaður Bítlanna. Epstein hafði verið
lykilmaður í að halda hópnum þéttum og einnig fór hann fyrir öllum
fjármálum Bítlanna. Í kjölfar andláts hans voru því fjármálin á rúi og stúi
fram til loka. Einnig kom til deilna innan bandsins um hver ætti að taka við
umboðsmennskunni. Um svipað leyti var George Harrison að gerast ágeng-
ari varðandi að fá að gefa út sínar lagasmíðar á plötum Bítlanna. Harrison
þótti tækifæri hans til að koma sínu efni á framfæri af skornum skammti og
jókst því pirringur hans hvað það varðar. Alþekkt er að tilkoma Yoko Ono inn
í líf John Lennon sé talin hafa haft stór áhrif á örlög Bítlanna. Lennon og Ono
voru algerar samlokur
sem varð til þess að
Lennon virti að vettugi
viðmið sem Bítlarnir
höfðu haldið uppi um að
kærustum eða eiginkonum væri ekki heimilt að mæta í upptökur. Allt þetta
hjó skörð í samstarfsvilja John, Paul, George og Ringo. McCartney hefur sagt
að í raun hafi Bítlarnir liðið undir lok snemma árs 1969 þótt síðasta platan
þeirra, Let It Be, hafi komið út sumarið 1970. Um það leyti voru þeir allir
komnir á kaf í vinnslu á sólóferlum. Árið 1971 kærði McCartney hljómsveit-
arfélaga sína fyrir brot á samningi sem Bítlarnir höfðu gert með sér og stóðu
þær deilur yfir til 1975 – en það ár má segja að flosnað hafi formlega upp úr
samstarfi hinnar goðsagnakenndu hljómsveitar sem Bítlarnir voru.
BÍTLARNIR
AÐRAR HLJÓMSVEITIR MEÐ
ATHYGLISVERÐA SKILNAÐARSÖGU:
ABBA - Cream - Pink Floyd - Trúbrot
FALSKIR FÉLAGAR
JOHN OG PAUL
Í FORGRUNNI
AÐ VANDA
Heitt hFyruelgartilboð !
Nýtt í do
rma


 
 
       
OPIÐ
   "  #
$ "  #%
& "  '#%
- Frábært pásk ti -
SPA línan, nýjung frá
Yankee Candle sem hefur
slegið í gegn !
Fyrir þá sem elska ilmkerti
Kauptu eitt og fáðu annað með
50%
*afslátturinn er af sama verði eða ódýrari
afslætti *
Tilboðið gildir á öllum Yankee Candle ilmvörum
yfir 40
*Afsláttur gildir af vöru á sama verði eða ódýrari.
ilmtegu
ndir