Monitor - 14.04.2011, Blaðsíða 20

Monitor - 14.04.2011, Blaðsíða 20
Chalet Girl Leikstjóri: Phil Traill. Aðalhlutverk: Felicity Jones, Ed Westwick og Bill Nighy. Aldurstakmark: Ekkert. Lengd: 100 mínútur. Kvikmyndahús: Sambíóin Egilshöll og Álfabakka. Hin 19 ára Kim Matthews (Jones) hefur aldrei passað inn í umhverfi sitt í Englandi. Hún er fyrrum hjólabrettameistari og fær frábært tækifæri er henni býðst vinna í fínum skíðaskála í Ölpun- um. Í fyrstu á hún erfitt með að aðlagast í Ölpunum en byrjar svo að æfa sig á snjóbretti og þá fara hjólin að snúast. Kim skráir sig í snjóbrettakeppni til að reyna að komast yfir verðlaunaféð og svo hittir hún auðvitað strák (West- wick) sem hún verður skotin í til að toppa ævintýrið alveg. Rio Leikstjóri: Carlos Saldanha. Talsetning: Ævar Þór Benediktsson, Vilhjálmur Hjálmarsson, Nanna Kristín Magnúsdóttir, Björgvin Franz Gíslason, Vigdís Hrefna Pálsdóttir, Ólafur Sk. Þorvalds, Orri Huginn Ágústsson og Magnús Jónsson. Aldurstakmark: Ekkert. Lengd: 96 mínútur. Kvikmyndahús: Smárabíó, Háskólabíó, Laugarásbíó og Borgarbíó Akureyri. Sjaldgæfi arnpáfinn Blu lifir fábrotnu lífi í bókaverslun í Moose Lake í Minnesota. Þegar vísindamenn finna kvenkyns bláan arnpáfa í borginni Rio de Janeiro í Brasilíu er ákveðið að koma þeim saman til að viðhalda stofni tegundarinnar. Þegar þangað er komið kynnist Blu hinni frjálslegu Jewel og steinfellur fyrir henni. Til þess að vinna hjarta hennar þarf Blu þó að leysa eitt vandamál, flughræðslu. Ævintýrið gengur ekki snuðrulaust fyrir sig. kvikmyndir Hæð: 175 sentímetrar. Besta hlutverk: Sirius Black í Harry Potter. Staðreynd: Gary Oldman var handtekinn fyrir ölvunarakstur árið 1991 en leystur úr haldi morguninn eftir. Með honum í bílnum var enginn annar en Kiefer Sutherland. Eitruð tilvitnun: „Leikari sem segist lifa sig alveg inn í karakterinn er að bulla nema hann sé greindur með geðklofa.“ 1958Fæðist þann 21.mars í London. Oldman var mikill söngvari og tónlistarmaður sem barn en ákvað að gefa tónlistina upp á bátinn og snúa sér alfarið að leiklistinni á endanum. 1978Útskrifaðist úrleiklistardeild Rose Bruford College og lék næstu árin mikið í leikhúsum. 1986Fékk fyrsta stórahlutverkið sitt í kvikmyndinni Sid & Nancy þar sem hann fór með hlutverk hins sturlaða Sid Vicious, bassaleikara The Sex Pistols. 1990Giftist leikkonunniUma Thurman. Þau skildu tveimur árum síðar. 1991Lék mikilvægastahlutverk ferils síns í bandarísku kvikmyndinni JFK. Oldman fór með hlutverk morðingjans Lee Harvey Oswald og kom sér rækilega á kortið með frammistöðunni. 1993Kom fram í tón-listarmyndbandi Guns ‘n‘ Roses við lagið Since I Don‘t Have You sem djöfullinn. 2001Fékk Emmy-verðlaunin fyrir leik sinn í tvöföldum þætti af sjónvarpsþáttaseríunni Friends. Oldman leikur þar hrokafullan leikara sem hrækir ítrekað framan í Joey er þeir leika saman í kvikmynd um seinni heimsstyrjöldina. 2004Landaði hlutverkiSirius Black, guðföður Harry Potter og lék í fjórum kvikmyndum um galdrastrákinn knáa. Heyrst hefur að Oldman og Daniel Radcliffe sem leikur Potter hafi orðið mjög nánir vinir við gerð myndanna. 2005Lék hinn hógværaJames Gordon í kvikmyndinni Batman Begins. Fór aftur með hlutverk Gordon í framhaldinu The Dark Knight sem náði töluvert meiri vinsældum en fyrri myndin. Gary Oldman FERILLINN 20 Monitor FIMMTUDAGUR 14. APRÍL 2011 Frumsýningar helgarinnar Amanda Seyfried leikur Rauðhettu í myndinni Red Riding Hood og mun líklega leika Þyrnirós í væntanlegri Disney-mynd. Popp- korn Fjórða myndin í hryllingsmyndaflokkn- um Scream verður frumsýnd um helgina. Myndin er athyglisverð fyrir ýmsar sakir en einkum þær að sjálfur leikstjóri myndarinnar, Wes Craven, hafði orð á því fyrir sex árum síðan að afar hæpið væri að gera fleiri en þrjár myndir. Nú hefur hins vegar öllu verið tjaldað til og eru helstu persónur gömlu myndanna verið kallaðar til aftur og þar með leikararnir Courteney Cox, David Arquette og Neve Campbell sömuleiðis. Tölvuteiknimyndin frá Pixar, Cars 2, verður ein af sumarmynd- um 2011 og er hennar beðið af mikilli eftirvæntingu. Fyrri myndin um talandi bílana þótti afar vel heppnuð og því verður forvitnilegt að fylgjast með útkomu framhaldsmyndarinn- ar. Á meðal leikara sem ljá bílum rödd sína í myndinni eru Owen Wilson og Michael Caine. Alvöru aðdáendur Pixar- myndanna geta fylgst grannt með kynningu myndarinnar á netinu en á EmpireOnline.com hafa verið kynntar til leiks nýjar persónur úr myndinni með reglulegu millibili. Fyrir rúmu ári síðan var Broadway-söngleikur- inn American Idiot frumsýnd- ur vestanhafs. Söngleikurinn heitir eftir samnefndri plötu rokk- hljómsveitar- innar Green Day enda saminn í kringum lögin á plötunni og inniheldur eingöngu lög Green Day. Söngleikurinn hefur augljós- lega þótt vekja lukku því nú hefur kvikmyndarisinn Universal Pictures áform um að koma söngleiknum á hvíta tjaldið í kringum árið 2013. Maður að nafni Jack Jordan sem var dæmdur árið 2008 fyrir að ofsækja og áreita leikkon- una Uma Thurman verður í mánuðinum kallaður aftur fyrir rétt í New York fyrir að hafa reynt að setja sig í samband við leikkonuna á ný. Maðurinn, sem er sagður hafa mætt heim til hennar, hringt í fjölskyldu hennar og sent henni undarleg bréf árið 2008, var þá bannað að reyna að nálgast hana með nokkrum hætti í fimm ár. Heimildir kveða að hann hafi nú reynt að hringja í hana aftur í október en sjálf hefur Thurman ekki viljað tjá sig um málið. Red Riding Hood Leikstjóri: Catherine Hardwicke. Aðalhlutverk: Amanda Seyfried, Lukas Hass og Gary Oldman. Aldurtakmark: Bönnuð innan 12 ára. Lengd: 90 mínútur. Kvikmyndahús: Sambíóin Álfabakka, Kringlunni og Egilshöll. Hér er á ferðinni dekkri uppfærsla af ævintýrinu fræga um Rauðhettu og úlfinn þar sem hin unga Valerie (Seyfried) ákveður að hlaupast á brott með skógarhöggsmanninum Peter til að forðast annað hjónaband. Varúlfur hefur haldið sig í skógi bæjarins í nokkurn tíma og nú er hann orðinn virkilega svangur svo bæjarbúar fá prestinn Solomon (Oldman) til að hjálpa sér. Allt þetta fléttast saman í hryllingsævintýri þar sem Valerie virðist á dularfullan hátt tengjast varúlfinum sterkum böndum og grunur leikur á að hann sé í raun einn af íbúum bæjarins. Source Code fjallar um þyrluflugmanninn Colter Stevens (Jake Gyllenhaal) sem vaknar skyndilega um borð í lest. Á móti honum situr kona (Michelle Mon- aghan) en hún þekkir hann ekki sem Colter Stevens. Eftir aðeins 8 mínútur springur lestin og Stevens vaknar í einhvers konar hylki. Hann kemst fljótlega að því að hann þarf að fara aftur um borð í lestina og finna þann sem er ábyrgur fyrir sprengjunni. Annars springur önnur sprengja. Það sem er frábært við þessa mynd er að það er í rauninni enginn inngangur í myndinni. Myndin byrjar strax og grípur mann alveg frá byrjun. Maður hefur engan tíma í að velta því fyrir sér hver það er sem kom sprengjunni fyrir. Myndin er mjög hröð og maður gleymir sér alveg þegar maður horfir á hana. Öll tæknivinnsla er einnig mjög flott. Leikararnir eru allir mjög góðir og þar fer Jake Gyllenhaal fremstur í flokki. Gyllenhaal og Monaghan ná ótrúlega vel saman miðað við hvað það fer enginn tími í að kynna persónur myndarinnar. Full einföld á köflum Þessi mynd er sci-fi tryllir og þannig myndir fá oft áhorfandann til spyrja sjálfan sig ýmissa spurninga. Source Code gerir það. Endirinn skilur mann eftir veltandi hlutunum fyrir sér og er ég viss um að menn túlki endinn á ýmsa vegu. Það sem angraði mig hins vegar er að sumar lausnirnar í myndinni voru full einfaldar. Það var stundum eins og það væri ekkert mál að leysa þessi vandamál sem aðalpersóna myndarinnar stóð frammi fyrir. Myndin sveiflast svolítið frá því að vera einföld spennumynd yfir í djúpar Matrix-pælingar inn á milli. Myndin komst því ekki alveg yfir þröskuldinn í að vera virkilega góð mynd. Ég mæli samt hiklaust með henni. Hún er aðeins 93 mínútur sem ætti að heilla þá sem nenna ekki að sitja lengi yfir myndum. Tómas Leifsson Source Code K V I K M Y N D Leikstjóri: Duncan Jones. Aðalhlutverk: Jake Gyllenhaal, Michelle Monaghan og Vera Farmiga. Lengd: 93 mínútur. Groundhog Day á alvarlegri nótum ÆTLI ÞETTA SÉ ÚLFUR Í ÖMMUGÆRU? Boy Leikstjóri: Taika Waititi. Aðalhlutverk: James Rolleston, Taika Wait- iti og Te Aho Aho. Aldurstakmark: Ekkert. Lengd: 87 mínútur. Kvikmyndahús: Bíó Paradís. Árið er 1984 og Michael Jackson er kóngurinn, meira að segja í Waihau- flóa í Nýja Sjálandi. Hér hittum við Dreng, 11 ára strák sem býr á bónda- býli með ömmu sinni, geit og yngri bróður sínum, Rocky (sem heldur að hann búi yfir ofurkröftum). Skömmu eftir að amman heldur á brott í vikuferðalag birtist faðir Drengs. Drengur hafði ímyndað sér að faðir sinn væri mikil hetja að öllu leyti, en þarf nú að horfast í augu við veruleikann; pabbi hans er hæfi- leikalaus smábófi sem hefur snúið aftur einungis til að finna poka fullan af peningum sem hann hafði grafi í jörðu mörgum árum áður.

x

Monitor

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Monitor
https://timarit.is/publication/791

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.