Monitor - 05.05.2011, Blaðsíða 11
Quarashi í
hnotskurn
Quarashi var ein vinsælasta hljómsveit Íslands á sínum
tíma og hefur með árunum orðið að eins konar költ-
hljómsveit. Í sumar kemur hljómsveitin í fyrsta skipti
saman í heild sinni síðan hún lagði upp laupana árið
2005 á útihátíðinni Besta útihátíðin. Fyrir þá sem þekkja
ekki til sveitarinnar er tilvalið að fara örsnöggt yfir
stórmerkilegan feril þeirra Sölva, Hössa, Steina, Ómars
og Tiny.
Plöturnar ófáanlegar í dag
Fyrsta smáskífa Quarashi var gefin út árið 1996 og
seldist upp á einum degi, sem hlýtur að teljast ótrúlegt á
íslenskum markaði. „Á þessum tíma var engin kúl tónlist
í útvarpinu á Íslandi,“ útskýrir Sölvi Blöndal, forsprakki
Quarashi, sem stofnaði sveitina ásamt þeim Höskuldi
Ólafssyni og Steinari Orra Fjeldsted. Eftir velgengni
smáskífunnar Switchstance gaf Quarashi út sína fyrstu
plötu, Quarashi, og fékk rapparann Ómar Swarez til liðs
við sig í nokkrum lögum. Sú seldist einnig upp líkt og
önnur plata hljómsveitarinnar, Xeneisis. „Engar þeirra
fást lengur nema kannski mögulega Jinx,“ segir Sölvi og
á þá við þriðju breiðskífu Quarashi sem var gefin út um
allan heim eftir að hljómsveitin vakti athygli bandaríska
útgáfufyrirtækisins EMI á fyrstu Iceland Airwaves-
hátíðinni árið 1999. „Þeir ákváðu að bjóða okkur til
Bandaríkjanna þar sem við bjuggum í smátíma,“ segir
Sölvi. „Þar spiluðum við á fáránlega mörgum tónleikum,
vöktum athygli og hjólin fóru að snúast,“ útskýrir hann
en í framhaldinu fór Quarashi í tónleikaferðalag um
Evrópu og í Japan.
Hössi hættir – Tiny tekur við
Árið 2002 tilkynnti Hössi að hann væri hættur í Quar-
ashi, aðdáendum sveitarinnar til mikillar óánægju. „Við
erum báðir sterkir persónuleikar með ólíkar skoðanir
sem urðu ólíkari með árunum en það var Spinal Tap sem
gerði útslagið,“ útskýrir Sölvi en deilur hans og Hössa
urðu til þess að hinn síðarnefndi hætti í hljómsveitinni.
„Hann vildi meina að Spinal Tap væri feik en ég veit
að þessi mynd er ekkert feik,“ bendir Sölvi á. Quarashi
þurfti þó ekki að örvænta án Hössa því stuttu seinna
gáfu þeir út lagið Mess It Up með rapparann Ólaf Pál
„Opee“ Torfason sem gest. Lagið sló í gegn á Íslandi og
fyrr en varði hafði Quarashi fengið Egil Ólaf Thorarensen,
betur þekktur undir nafninu Tiny, til liðs við sig. Síðasta
breiðskífa hljómsveitarinnar, Guerilla Disco, var gefin út
árið 2004 og seldist upp eins og vaninn var hjá Quarashi.
Ári seinna var tilkynnt um endalok hljómsveitarinnar
og meðlimir hennar fóru hver í sína áttina. „Á ákveðn-
um tímapunkti fannst mér þetta miklu leiðinlegra en
skemmtilegt og þá vildi ég hætta,“ segir Sölvi sem styðst
við svokallaða tíu ára kenningu um gæði hljómsveita.
„Það er eiginlega engin hljómsveit sem hefur gefið út
góða plötu eftir tíu ára samstarf. Ef þú finnur einhverja
slíka máttu endilega hringja í mig því ég hef leitað víða.“
Quarashi
11FIMMTUDAGUR 5. MAÍ 2010 Monitor
FLIPP Á ÆFINGU
ÓLAFUR PÁLL „OPEE“
RAPPAÐI Í SMELLINUM
MESS IT UP EFTIR
FRÁHVARF HÖSSA
SÖLVI OG HÖSSI MEÐAN
ALLT LÉK Í LYNDI
QUARASHI OG SINFÓ
Á GÓÐRI STUNDU
Í LEIT AÐ STAÐGENGLI
FYRIR HÖSSA
ÓMAR BÝÐUR
TINY VELKOMINN
Í HLJÓMSVEITINA
TÓNLISTARVERÐLAUN RADÍÓ X
OG UNDIRTÓNA ÁRIÐ 2003
UNGIR OG ÓREYNDIR
Í ÚTGÁFUTEITI FYRSTU
PLÖTUNNAR