Monitor - 12.05.2011, Page 8
8 Monitor FIMMTUDAGUR 12. MAÍ 2011
Af hverju íþróttafræði? Það var margt sem spilaði inn
í ákvörðunina en í raun er þetta gamall draumur sem
ég þorði ekki að fylgja eftir fyrr en núna.
Hvernig myndir þú lýsa náminu í fimm orðum?
Fjölbreytt hreyfing, fjölbreyttir nemendur, fjölbreytt
nám, fjölbreyttir kennarar og fjölbreyttar nálganir.
Þetta eru kannski of mörg orð en við erum einmitt
ekki mikið í stærðfræði í íþróttafræðinni.
Það besta við námið? Við stöndum upp úr stólunum
og lærum að gera hlutina með hreyfingu. Við erum
ekki bara að læra á líkamann í bókunum heldur próf-
um æfingarnar sjálf og lærum á okkar eigin líkama.
Hvað er það skemmtilegasta sem þú hefur lært í
íþróttafræðinni? Að vinna með fólki og skipuleggja
tíma minn og annarra. Svo er auðvitað hrikalega
gaman að vera í formi á sama tíma og maður vinnur
sér inn háskólagráðu. Allir vinir mínir tala um að ég
sé bara í leikskóla.
Hvernig hyggst þú nýta námið í framtíðinni? Námið
og samnemendur mínir hafa komið mér mjög mikið
á óvart og fjölmargar dyr hafa opnast í höfðinu á mér
í vetur svo það eru ótrúlega margir möguleikar í boði
fyrir mig að námi loknu.
Af hverju tölvunarfræði? Einfaldlega vegna þess að ég er
menntaður rafvirki og vildi ekki vinna við það í framtíðinni.
Ég ákvað því að prófa tölvunarfræðina í HR og sé ekki eftir því.
Hvernig myndir þú lýsa náminu í fimm orðum? Skemmti-
legt, krefjandi, áhugavert, gefandi og djamm.
Það besta við námið? Námið er vel skipulagt að þörfum hvers
og eins nemanda og verkefnin tengja oft við raunveruleikann
eins og í atvinnulífinu. Svo skemmir ekki fyrir hversu frábært
félagslífið er í deildinni.
Hefur þú tíma fyrir eitthvað annað en að læra? Maður gefur
sér stundum aðeins of mikinn tíma í eitthvað annað en að
læra. Ef maður skipuleggur sig vel á maður að hafa nægan
tíma til að sinna náminu vel og hafa líka tíma í allt hitt sem
maður þarf að gera.
Hvað er það skemmtilegasta sem þú hefur lært í tölvun-
arfræðinni? Við lærum á ótalmörg forritunarmál sem gerir
okkur kleift að búa til ótrúlegustu hluti úr engu. Fær tölvunar-
fræðingur getur búið til hvað sem er sem tengist tölvum eða
Netinu. Það eina sem stoppar mann kannski er ímyndunar-
aflið.
Hvernig hyggst þú nýta námið í framtíðinni? Bara til að
moka inn peningum og vinna einhverja skemmtilega vinnu.
Er það ekki ágætt?
Af hverju lögfræði? Það var í raun algjör til-
viljun. Ég hafði alltaf hugsað mér að verða
tónlistarkennari en að stúdentsprófi loknu
sótti ég þó um nám í stjórnmálafræði í HÍ
og lögfræði í HR. Ég er ánægður með valið
enda finnst mér umræður um stjórnmál
almennt niðurdrepandi.
Það besta við námið? Námið er spennandi
og fjölbreytt sem endurspeglast í þeim ólíku
störfum sem lögræðingum standa til boða.
Flestir geta fundið hvar sín áhugasvið liggja
innan lögfræðinnar og fylgt þeim eftir.
Það versta við námið? Það er augljóslega
álagið sem fylgir því að vera á fyrsta ári en
flestir höndla það nokkuð vel.
Hefur þú tíma fyrir eitthvað annað en
að læra? Nei, ekki mikinn. Laganám er að
mínu mati mun meira en 100% starf. Það er
þó oftast litið upp úr bókunum á föstu-
dögum sem oftar en ekki enda í nokkrum
bjórum.
Hvernig hyggst þú nýta námið í fram-
tíðinni? Ég hef ekki hugsað mikið út í
það. Hefðbundin lögmannsstörf eru að
sjálfsögðu líkleg en það er fjölmargt annað
áhugavert í boði.
FÖSTUDAGARNIR ENDA
OFT Í NOKKRUM
BJÓRUM HJÁ ÓMARI
Meira en
100% starf Ómar Berg Rúnarsson 1988
LÖGFRÆÐI LÖGRÉTTA
M
yn
d/
Si
gu
rg
ei
r
Með háskólagráðu
í hörkuformi
Mynd/Sigurgeir
VINIR VÖLU SEGJA
HANA VERA Í LEIKSKÓLA
Valgerður Kristmundsdóttir 1984
ÍÞRÓTTAFRÆÐI ATLAS
Áhugavert og
gefandi djamm
GUÐMUNDUR HYGGST
MOKA INN PENINGUM
Guðmundur Sveinsson 1984
TÖLVUNARFRÆÐI TVÍUND
Mynd/Sigurgeir