Monitor - 19.05.2011, Blaðsíða 21
21FIMMTUDAGUR 19. MAÍ 2011 Monitor
Ég ætla ekki að fara mikið út í söguþráðinn á Drive
Angry. Það er mjög langt síðan ég sá aðra eins vitl-
eysu. Handritshöfundar myndarinnar hafa örugglega
skemmt sér vel við að skrifa þetta því ég stórefa að
þeim hafi verið alvara. Þráðurinn í gegnum myndina
er fyrst og fremst hefnd. Inn í það blandast svo þetta
klassíska, ung stúlka sem á engan að, heimskar
löggur og hasaratriði sem meika ekkert sens. Til
að toppa þetta allt saman er mikið um svokallað
bílarúnk. Það er vinsælt þessa dagana í Hollywood.
Ég veit ekkert um bíla og því gerir það ekkert fyrir
mig að sjá nýbónaðan ´65 Mustang. Eina sem ég veit
er að það er töff þegar það stendur eitthvað upp úr
húddinu. Þá veit ég að þetta er hraðskreiður foli.
Fyrst og fremst grínmynd
Til þess að geta þolað Drive Angry þarf maður að
fara með því hugarfari að maður sé að fara að horfa
á grínmynd. Ef þú gerir það þá áttu eftir að hafa
gaman. Ef þú gerir það ekki þá er best að sitja heima.
Nicolas Cage er aðalmaðurinn í þessari mynd. Hann
er enginn stórleikari en hann hefur eitthvað sem
áhorfandinn kann að meta. Hann er flottur í þessari
mynd. Hann talar lágt og svona hvæsir á fólk sem
maður í hans stöðu verður að gera. Ég skemmti mér
allavega virkilega vel yfir þessu öllu.
Í myndinni eru atriði sem fengu
mig til þess að vilja einfaldlega
standa upp og klappa. Þau voru
bara of góð. Ég mæli hiklaust með
henni fyrir þá sem vilja mikinn
hasar og ekki miklar pælingar. Í
lokin náði myndin svo nýjum
hæðum í nettleika og maður
spyr sig, er hægt að enda mynd
á svalari hátt?
Tómas Leifsson
K V I K M Y N D
Leikstjóri: Patrick
Lussier.
Aðalhlutverk: Nicolas
Cage, Amber Heard og
William Fichtner
Lengd: 104 mínútur.
Aldurstakmark:
Bönnuð innan 16 ára.
Kvikmyndahús:
Sambíóin Álfabakka
og Egilshöll.
Drive Angry
Keyrði glaður heim
Vinsæl einmana eyja
Gríntríóið The Lonely Island nýtur
mikilla vinsælda í Bandaríkjunum
um þessar mundir. Í síðustu viku
gaf The Lonely Island út plötuna
Turtleneck & Chain og stökk platan
beint í þriðja sæti bandaríska Bill-
board-listans yfir mest seldu plötur
landsins.
The Lonely Island er skipað
leikaranum Andy Samberg úr
grínþáttunum Saturday Night Live
og félögum hans Akiva Schaffer og
Jorma Taccone. Turtleneck & Chain
inniheldur grínlög frá þeim tríóinu
en mörg þeirra hafa birst í Saturday
Night Live þáttunum og notið
vinsælda. Aðdáendur Steindans
okkar ættu ekki að verða fyrir
vonbrigðum með The Lonely Island,
en hópurinn hefur verið Steinda
mikil fyrirmynd í þeim lögum sem
hann hefur gert í þáttum sínum.
Á meðal gestasöngvara á Turtlen-
eck & Chain eru Snoop Dogg, Akon,
Rihanna, Justin Timberlake, Nicki
Minaj, Michael Bolton, John Waters
og Beck. Íslendingar ætti síðan að
kannast vel við lagið I Just Had Sex
þar sem Akon syngur viðlagið, en
það hefur notið mikilla vinsælda
upp á síðkastið bæði hér á Íslandi
og erlendis.
Djass, dóp, spilling og dráp
Gerð: Hasarleikur
Form: PS3 og Xbox 360
Aldurstakmark: 18+
Framleiðandi: Rockstar Games
Dómar: Gamespot: 9,0 / IGN: 8,5 /
Eurogamer: 8,0
L.A. NOIRE
TÖ LV U L E I K U R
Þegar Rockstar-fyrirtækið gefur út leiki þá er
yfirleitt ástæða til að reima fast á sig strigaskóna
og hlaupa eins og vindurinn í átt að eintaki. Það
er einmitt málið með nýjasta leik fyrirtækisins,
L.A. Noire. Leikurinn gerist í Los Angeles á fimmta
áratugnum, en á þessum árum var borg englanna
uppfull af spillingu, eiturlyfjum, flottri tónlist og
spennandi persónum.
Klifið upp metorðastigann í löggunni
Í L.A. Noire fara leikmenn í hlutverk lögreglu-
mannsins Cole Phelps, en hann er nýkominn heim
úr stríðinu og er tekinn inn í lögregluna. Í upphafi
leiksins er Phelps settur í götulögguna, en þegar
líður á leikinn klifrar okkar maður upp metorðastig-
ann og þarf að takasta á við flóknari glæpi á borð
við morð, íkveikjur, dópsmygl og spillingu.
Spilun leiksins svipar mikið til Grand Theft Auto
leikjanna, en leikmenn geta gengið um götur Los
Angeles borgar, keyrt um á allskyns farartækjum,
rifið upp byssu í mögnuðum hasaratriðum og látið
hnefana tala í slagsmálum. Auk þessarra þátta þurfa
leikmenn að yfirheyra grunaða, finna vísbendingar
á vettvangi og rannsaka hvert mál í þaula. Öll
sakamál leiksins eru byggð á raunverulegum málum
sem gerir þau enn meira spennandi, en það tekur
á bilinu 15-20 klukkustundir að klára söguþráð
leiksins og við það má bæta 5-10 klukkutímum ef
leikmenn taka öll aukaverkefni leiksins að sér.
Lesið í andlit persóna
Grafík leiksins er mjög góð og frábært að sjá
hvernig framleiðendur hans hafa náð að endur-
skapa Los Angeles borg, en hún er í raun stjarna
leiksins og setur stemminguna. Leikurinn skartar
nýrri skönnunartækni þar sem andlit leikara voru
skönnuð inn og nýtist það mjög vel í yfirheyrslu-
atriðunum, en þar þurfa leikmenn að lesa í andlit
persónanna og hegðun þeirra og ákvarða útfrá því
hvort viðkomandi sé að ljúga eða ekki.
Tónlist leiksins er góð og kemur manni í gírinn, en
við erum að tala um slatta af klassískum
djasslögum í bland við lög sem samin
voru sérstaklega fyrir leikinn. Talsetn-
ingin er vel unnin og í þeim gæðum sem
við er að búast frá Rockstar-fyrirtækinu.
Það er klárt að Rockstar fyrirtækið
getur gert meira en að pumpa út
Grand Theft Auto-leikjum. Það hafa
þeir sannað með Red Dead Red-
emption og nú með L.A. Noire, þar
sem allt er uppfullt af djassi, dópi,
spillingu og slatta af drápum.
Ólafur Þór Jóelsson
JORMA TACCONE, AKON
OG ANDY SAMBERG
Nánari upplýsingar
á expressferdir.is
eða í síma 5 900 100
F
í
t
o
n
/
S
Í
A
Tónleikar
Take That í Parken
Flug og miði á tónleikana aðeins:
69.900 kr.Innifalið: Flug með sköttumog öðrum greiðslum og miði áTake That í Parken 16. júlí nk.
15.–17. júlí
Pet Sho
p
Boys
hita upp
!
Í Proactiv® Solution, þriggja þrepa bólu- og húðhreinsikerfinu, eru efni sem hreinsa
húð þína og eyða bólum. Með daglegri notkum koma efnin í veg fyrir að nýjar bólur nái
að myndast og halda húð þinni hreinni og frískri.
Vegna þess hve örugg við erum um að Proactiv® Solution sé rétta bólu- og húð-
hreinsikerfið fyrir þig bjóðum við þér að prófa það án áhættu og með skilarétti í allt að
60 daga. Þannig sannfærist þú um virkni Proactiv® Solution.
Við bjóðum þér að prófa Proactiv® Solution og erum fullviss um að þú náir sama
árangri og milljónir ánægðir notendur um allan heim.
Ef þú nærð ekki árangri, þá færðu endurgreitt. Við lofum því.
Kynntu þér Proactiv® Solution nánar á heilsubudin.is án áhættu!
Eftirtalin sjálfstæð Apótek selja einnig Proactiv Solution:
REykjaVíkuRaPótEk, Seljavegi 2 // LyfjaboRg aPótEk, Borgartúni 28 //gaRðSaPótEk, Sogavegi 108
uRðaRaPótEk, Grafarholti // RIMa aPótEk, Grafarvogi // ÁRbæjaRaPótEk, Hraunbæ 115
LyfjaVER - Suðurlandsbraut 22 // aPótEk HafnaRfjaRðaR, Tjarnarvöllum 11