Monitor - 26.05.2011, Blaðsíða 10
10 Monitor FIMMTUDAGUR 26. MAÍ 2011
Hvar værir þú í dag hefðir þú ákveðið að fara frekar
í arkitektinn? Ég væri búin að teikna upp drauma-
húsið og innrétta það.
Þú hefur sungið mikið í gegnum tíðina. Kæmi til
greina að leggja leiklistina á hilluna fyrir tónlist-
arferil? Nei, það er ekki inni í myndinni. Ég hlusta
mikið á tónlist og mér finnst gaman að hafa hana
með í bland en ég myndi ekki vilja vinna við að vera
alltaf að syngja á tónleikum. Þó það blundi í mér að
setja saman stórsveit og leigja Hótel Borg, fara í síð-
kjól og taka nokkur vel valin lög frá þriðja og fjórða
áratugnum, hver veit? Við hjónin erum reyndar að
gera plötu saman núna og mér finnst æðislegt þegar
hann spilar á gítarinn heima og ég syng.
Hvernig plata er þetta sem þið hjónin eruð að gera?
Þetta eru íslensk og erlend dægurlög í bland. Ég held
ofsalega mikið upp á Erlu Þorsteins, Helenu Eyjólfs,
Ellý Vilhjálms og allar þessar yndislegu söngkonur
sem hafa fylgt manni í gegnum tíðina.
Heimildir Monitor herma að þú sért mikið fyrir dul-
speki. Ferð þú oft á miðilsfundi og lest í tarotspil?
Ég hef mjög mikinn áhuga á öllum svona spiritisma
en hef ekki farið mikið á miðilsfundi. Ég fer meira
til læknamiðla eða spámiðla. Þetta er eitthvað sem
ég geri öðru hvoru og getur verið eins og að fara
til sálfræðings eða slíkt til að spá og spekúlera.
Stundum þegar framtíðinni er kastað upp fær maður
góða yfirsýn á allt saman. Ég les svolítið í tarotspil en
er ekki farin að taka fólk heim ennþá. (Hlær)
Sagan segir einnig að þú sért mjög næm á fólk.
Hvernig lýsir það sér helst? Það er bara eitthvað
innsæi sem ég er farin að hlusta betur og betur á með
tímanum. Ég hef alltaf verið svolítið næm en ég kann
ekki alveg að útskýra það. Stundum get ég líka verið
alveg utan við mig og ekki lesið aðstæðurnar vel.
Ég er ekki skyggn eða neitt slíkt þó ég sé stundum
berdreymin.
Þú ert þá ekki norn eða neitt svoleiðis? Ég er
reyndar meðlimur í nornaklúbbi. Þá komum við
saman vinkonurnar, leggjum niður spil, spáum í bolla
og spekúlerum í hinum ýmsu hlutum. Ég upplifi enga
yfirnáttúrulega hluti en ber rosalega mikla virðingu
fyrir fólki sem upplifir slíkt.
Er Fjalla-Eyvindur fyrsta samstarfsverkefni þitt
og Mörtu Nordal? Nei, við lékum saman í Borgar-
leikhúsinu og settum svo saman upp sýningu með
Stúdentaleikhúsinu og það samstarf gekk alveg
rosalega vel.
Hvernig kom það til að þið ákváðuð að setja upp
leiksýningu á eigin fótum? Ég var atvinnulaus og
hún í fæðingarorlofi svo tímasetningin réði öllu.
Ég var búin að ráða mig í tvö verkefni fyrir norðan
síðasta haust og varð ólétt um sumarið. Svo kom að
því að við áttum að byrja að æfa og ég læt leikhús-
stjórann vita að ég sé ólétt. Nokkrum dögum síðar
fékk ég símtal frá leikhússtjóranum þar sem hún
segir mér að það sé búið að fresta öllu um eitt ár.
Ég var auðvitað hæstánægð og var þá einmitt að
pakka fyrir ferðalag til Aðalvíkur fyrir vestan sem
var gamall draumur. Sama dag missti ég fóstrið og
lífið tók skyndilega U-beygju. Á einum degi breyttist
allt og ég þurfti einhvern veginn að gefast upp fyrir
almættinu. Það er samt einhver vellíðunartilfinning
sem fylgir því að gefa sig á vald hins æðra og trúa því
að eitthvað gott muni verða í framhaldinu. Á svona
erfiðum tímum slær maður í klárinn og hugsar með
sér: „Núna ætla ég að gera eitthvað ódauðlegt.“ Þó
útlitið sé slæmt felast ákveðin tækifæri í svona stöðu.
Sýningin hefur fengið frábærar viðtökur og þá
sérstaklega túlkun þín á Höllu. Ég er svo stolt af
þessari sýningu. Við gerðum þetta fyrir nánast enga
peninga og gerðum þetta á okkar eigin forsendum.
Það er búið að vera æðislegt að fá viðurkenningu frá
kollegunum og auðvitað áhorfendum sem mættu á
sýninguna. Ég hef aldrei lent í öðru eins. Fólk var að
koma til mín eftir sýninguna, faðma mig og þakka
mér innilega fyrir. Ein konan sagði: „Leikhús hefur
ekki snert mig svona í langan tíma, ég hélt það væri
dautt.“ Þetta er ótrúlegur heiður og ég trúi varla
hversu vel þetta hefur gengið.
Er þetta dramatískasta hlutverkið þitt hingað til?
Alveg tvímælalaust. Mig hefur alltaf langað til að
leika meira drama og glíma við eitthvað svoleiðis.
Ég viðurkenni reyndar að þegar við byrjuðum að
lesa Fjalla-Eyvind komu tímabil þar sem mér fannst
hlutverkið vera of langt frá mér og fannst ég ekki
eiga innistæðu fyrir þessu. Þú ert með einhverjar
hugmyndir um karakterinn í hausnum og allt í einu
passa þær ekki við þig. Síðan þegar ég fann að ég
hafði þessa innistæðu kom það mér á óvart og var
alveg frábært.
Hvað er framundan hjá þér? Við Marta sóttum um
styrk og erum að fara að gera verk um morð sem
áttu sér stað á Rauðarársandi fyrir mörgum öldum.
Vinnuheitið er Fólk í myrkri: Morðsaga. Við ætlum
að gera grind að sýningunni og leikgerð sem verður
svipuð og í Fjalla-Eyvindi. Sagan segir frá Steinunni,
Bjarna, Jóni og Guðrúnu. Okkur langar að fjalla um
ástina, hatrið og hvernig þetta fólk fór að því að búa
saman í pínulitlu plássi. Einangrunin og ótrúleg
náttúra, losti, rifrildin og auðvitað morðin. Þetta er
mögnuð saga. Ég fann leiðið hennar Steinunnar í
Hólavallakirkjugarði og hleyp stundum við hjá henni.
Í eitt skiptið fór ég með tvær skeljar frá Rauðasandi.
Hún mun leiða okkur í gegnum þetta.
Hver er þinn villtasti leikhúsdraumur? (Syngur)
Allt annað en að koma nakin fram. Nei, ætli það sé
ekki að leika Hamlet, eða leika Marie Antoinette í
Versölum, það væri rosalegt.
Hvað finnst þér skemmtilegast að gera þegar þú
ert í fríi? Mér finnst ótrúlega gaman að ferðast um
landið og hef sérstaklega gaman af að heimsækja
Vestfirði. Svo finnst mér Austfirðirnir og bara allt
landið alveg æðislegt. Það eru svo margir seiðmagn-
aðir staðir á landinu og Flatey er alveg mitt uppáhald.
Þangað fer ég á hverju sumri. Í Flatey líður tíminn
hægar og maður blikkar hægar. Það líður úr manni
streitan og maður skilur tilgang lífsins. Svo finnst
mér alveg rosalega gaman að elda góðan mat, fá
mér kalt hvítvín og vera með vinum mínum. Mér
finnst mjög gaman að halda matarboð því það gerist
alltaf eitthvað skemmtilegt í matarboðum heima hjá
okkur. Einu sinni kom meira að segja lúðrasveit.
Ert þú mikið á Facebook? Ég er á báðum áttum með
Facebook. Í aðra höndina finnst mér þetta skemmti-
legt en svo er þetta eitthvað svo skrítið. Ég stend mig
að því að setja einhverja statusa þarna sem eru samt
svo asnalegir. Svo fer ég á eftir og set inn statusinn:
„Var í viðtali fyrir forsíðu Monitor. Ætla núna að elda
kjúkling.“ Maður getur verið svo mikill fáviti.
Svo fer ég á eftir og set
inn statusinn: „Var í við-
tali fyrir forsíðu Monitor. Ætla
núna að elda kjúkling.“ Maður
getur verið svo mikill fáviti.