Monitor - 02.06.2011, Page 11
11FIMMTUDAGUR 2. JÚNÍ 2011 Monitor
FÉKK SÉR
TATTÚ
Á RASSINN
FYRIR PÍTSUSNEIÐ
Hvað varst þú gamall þegar þú byrjaðir að
rappa? Það var árið 2002, þá var ég þrettán ára.
Þá kom ég fram á Rímnaflæði sem var fyrsta
sviðsframkoman mín. Ég gat ekki hætt að rappa
eftir það. Mér gekk ágætlega og var með góðan
stuðningshóp með mér úr Breiðholtinu en lenti
ekki í neinu sæti. Þarna byrjuðu allir að segja
að ég væri mjög efnilegur. Fólk er reyndar enn
að segja þetta við mig svo ég er búinn að vera
efnilegur í tíu ár.
Hver er þín helsta fyrirmynd í tónlistinni? Ég á
mér enga sérstaka fyrirmynd en tek eitthvað úr
öllu sem ég er að hlusta á og reyni að notfæra
mér þá eiginleika á einhvern hátt. Ég lít ekki
upp til einhvers eins rappara en Michael Jackson
hefur alltaf verið uppáhaldstónlistarmaðurinn
minn. Það meikar samt ekki sens að hann sé
fyrirmyndin mín í rappinu þó hann sé kóngurinn.
Hvað heitir fyrsta lagið sem þú samdir? Það
heitir Reykjavík og ég rappaði það á Rímnaflæði
árið 2002. Ég ætlaði að taka tvö lög sem heita
Reykjavík og Ljóti drjólinn en svo mátti bara taka
eitt lag í keppninni. Þeir sem voru að skipuleggja
keppnina héldu að lagið héti Reykjavík og ljóti
drjólinn svo það var prentað á dagskrána í
misskilning. Ég var einmitt að
hlusta á þetta lag um daginn
og það er alveg út úrkortinu,
bara einhver tilviljanakennd
orð og eitthvað bull.
Hvaðan sækir þú innblástur
fyrir rímurnar? Í daglegt líf. Ég
skrifa um það sem ég lendi í
og spinn í kringum það.
Lagið Elskum þessar mellur sem þú gafst út
með Blaz Roca sló rækilega í gegn á síðasta ári.
Er von á fleiri ástaróðum til auðveldra stúlkna
frá þér? Enginn veit hvað framtíðin ber í skauti
sér en ég held að það verði ekki mikið meira
um ástarjátningar í þessum dúr. Elskum þessar
mellur er gott lag og mér fannst fínt að það
sjokkeraði allar mömmurnar í bænum. Það er
reyndar ástarlag á nýju plötunni og væmna hlið
Emmsjé Gauta lætur sjá sig í því.
Hvað áttu margar grúppíur? Hvað eru margar
stelpur á Íslandi?
Þú hefur nú þegar fyllt vinakvótann á Facebook.
Hvar endar þetta? Ég gerði smá mistök í því.
Maður á náttúrulega að búa til aukasíðu fyrir
tónlistina og hafa svo persónulega síðu fyrir
sig. Ég vissi ekki að maður gæti bara átt 5000
vini á Facebook og samþykkti bara alla. Vinur
minn stofnaði aðdáendasíðu fyrir mig sem við
stjórnum saman og mér finnst smá plebbalegt að
hún sé merkt sem slík en ég get ekki breytt því.
Heimildir Monitor herma að þú hafir lengi
verið með hattadellu. Hvað áttu marga hatta
í dag? Þetta er tímabil sem allir strákar lenda í
á ævinni. Þeir halda að þeir líti geðveikt vel út
með einhvern hatt og ég var aðeins of lengi á því
tímabili. Þegar ég skoða gamlar myndir af mér sé
ég að þessi hattur var ekki að gera sig. Núna er ég
hins vegar að safna derhúfum sem er smá della.
Eru flott derhúfa og væn motta að verða að ein-
kennislúkki þínu? Mölletið, mottan og derhúfan
eru málið. Ég líkist reyndar smá nauðgaranum
Josef Fritzl á einni mynd af mér og lít út svolítið
eins og nammipervert með þessa mottu svo ég
þyrfti kannski að fara að taka hana af.
Hvað ert þú að gera fyrir utan tónlistina? Ég er í
Tækniskólanum í grafískri miðlun og svo vinn ég
bæði á bar og við að hjálpa fötluðum manni að
fara í sund og allskonar skemmtilegt.
Hvað átt þú mikið eftir af
stúdentsprófinu? Ég á tvær
annir eftir svo ég klára á
næsta ári. Þegar ég segi fólki
að ég sé í skóla verður það
alltaf rosalega hissa. Ég setti
til dæmis stúdentshúfu á mig
um helgina í djóki og það kom
gaur upp að mér, hló og sagði:
„Ekki sjéns!“ Ég tók hana
af mér, roðnaði og labbaði
skömmustulegur í burtu.
Hvernig er dæmigerður dagur í lífi þínu? Ég
vakna, fer í freyðibað, kíki kannski smá í PS3
og fer á netið. Dagarnir eru mjög misjafnir hjá
mér. Stundum geri ég tónlist, stundum skeita ég
og stundum hangi ég með vinunum. Mér finnst
frekar leiðinlegt að plana dagana langt fram í
tímann.
Hvað tákna tattúin þín? Ég er til dæmis með eitt
tattú sem er fyrir vin minn sem lést í flugslysi
árið 2007. Svo er ég með flott tattú á rassinum,
lítið hjarta og fyrir ofan það stendur Júlíus. Þegar
ég var 17 ára og mjög blankur í enda eins mán-
aðarins sagði ég við Júlíus vin minn: „Ég myndi
gera hvað sem er fyrir Devito‘s pítsu.“ Hann leit
glottandi á mig og ég gerði honum ljóst að ég
væri samt ekki að fara að sjúga hann. Þá stakk
hann upp á að ég fengi mér þetta tattú á rassinn.
Ég bætti þremur bjórum við áskorunina og svo
héldum við á tattústofu. Tattúlistamaðurinn
þurfti að hringja í mömmu og fá leyfi hjá henni
því ég var yngri an 18 ára og hún leyfði þetta.
Gaurinn spurði hana hvort hún gerði sér grein
fyrir hvað ég væri að gera og þá sagði hún: „Ég er
löngu búin að missa stjórn á þessu öllu saman.“
Eftir að ég fékk tattúið fórum við á Devito‘s og ég
borðaði bestu pítsu í heimi.
Sagan segir að þú hafir eitt sinn komist í kast
við lögin. Hvað var málið? Djöfulsins leiðindi
voru það. Við vorum nokkrir að rölta niður
Laugaveginn og mér fannst fyndið að setjast
upp í löggubíl sem var þarna. Löggan tók þessu
mjög alvarlega og handtók mig. Svo náðu þeir
í einhvern róna sem var í annarlega ástandi og
skutluðu honum heim. Mér var svo skutlað beint
á lögreglustöðina.
Hverju mega aðdáendur þínir búast við á nýju
plötunni? Nýju efni, ógeðslega fersku og fullt af
gestasnillingum.
Hver er staðan á íslensku rappi í dag að þínu
mati? Það er fullt af fersku dóti í gangi en mér
finnst að fólk mætti vera duglegra að koma sér á
framfæri. Þegar ég var yngri spilaði ég hvar sem
ég gat. Það vantar svolítið í fólk núna.
Hvað er það vandræðalegasta sem hefur komið
fyrir þig á tónleikum? Þegar ég hoppaði einu
sinni út í áhorfendaskarann á grunnskólatón-
leikum. Greyið krakkarnir voru of litlir til að
grípa mig og ég slammaði á gólfið ásamt því að
handleggsbrjóta svona fimm manns. Ég kláraði
giggið en var mjög illt í bakinu lengi á eftir.
Hefur þú reynt að hafa samband við nafna
þinn og kollega, hinn franska MC Gauta? Það er
helvíti skemmtilegt að hann sé til. Margir hafa
peppað mig í að hringja í hann og gera lag með
honum. Hann er reyndar hræðilegur rappari en
kannski tökum við dúett saman einn daginn.
Hvernig væri draumagiggið? Ef ég gæti spólað
aftur í tímann væri það á Hróarskeldu í fyrra.
Ég myndi vilja taka lag eftir mig og Prins væri
að spila á gítarinn. Tónleikarnir hans voru bestu
tónleikar ævi minnar.
Ef þú myndir hitta Prince úti á götu og fengir að
spyrja hann einnar spurningar, hver yrði hún?
Má sleikja gítarinn þinn?
Á 60 SEKÚNDUM
Fullt nafn: Gauti Þeyr Másson.
Fyrstu sex: 171189.
Uppáhaldstölvuleikur: Duke Nukem.
Uppáhaldsmatur: Illaði kjúklingarétt-
urinn sem ég elda mér sjálfur.
Uppáhaldshljómsveit: Atmosphere.
Emmsjé Gauti fagnar
útgáfu plötunnar Bara ég
með stórfenglegum útgáfu-
tónleikum í Þjóðleikhúskjall-
aranum fimmtudaginn 9.
júní. Ásamt Emmsjé Gauta
koma fram á tónleikunum
ótalmargir listamenn og
má þar til dæmis nefna
Blaz Roca, Friðrik Dór,
Gnúsa Yones og Berndsen.
Platan verður tekin í heild
sinni og verður gripurinn
auðvitað til sölu á staðnum.
Að sögn Emmsjé Gauta
fylgir gæðamjólk fyrstu 100
miðunum svo það er um að
gera að mæta tímanlega á
tónleikana.
Fyrsta plata rapparans Emmsjé Gauta kemur út á næstu dögum og ríkir mikil
spenna fyrir útgáfunni. Monitor ræddi við hann um rímurnar, grúppíurnar,
Prince, auðveldar stelpur og auðvitað Facebook.