Monitor - 09.06.2011, Blaðsíða 6
6
FIMMTUDAGUR
9. JÚNÍ
2011
RúrikKolbeinnJóhann Berg
Gylfi ÞórBjarni Þór
EggertHólmarJón GuðniHjörtur Logi
VERÐUR LÍMDUR VIÐ SKJÁINN
GUÐMUNDUR BENEDIKTSSON
„Mér líst einkar vel á liðið og hópinn þó ég
sé nú kannski ekki sammála öllu í valinu
þá væri nú ekkert gaman ef allir væru
sammála með það. Maður einhvern veginn
gerir þá kröfu miðað við það sem á undan
hefur gengið að við séum að fara að
gera góða hluti þarna. Við eigum að fara
upp úr þessum riðli og undanúrslit væri
frábær árangur. Það að Ólympíusæti skuli
vera í boði er auðvitað frábært líka. Að
ná að eiga knattspyrnulið á Ólympíuleikunum væri bara magnað.
Maður verður allavega límdur við skjáinn til að fylgjast með
þessu. Þetta er ekki á hverju ári sem við erum með karlalandslið
á alvöru lokamóti.“
ERUM Á MEÐAL 4-5 BESTU
HJÖRTUR JÚLÍUS HJARTARSON
„Eins og flestum öðrum, að ég held, líst
mér mjög vel á þetta. Ég verð sjálfur úti í
Danmörku að lýsa þessu fyrir Sjónvarpið
svo ég er mjög spenntur af fleiri en einni
ástæðu. Ég er handviss um að íslensku
strákunum eigi eftir að ganga vel. Þeir
eru góðir í fótbolta, ég held að það efist
enginn um það og síðan eru þeir líka fullir
af sjálfstrausti. Mér finnst þeir eitt af
fjórum, fimm bestu liðunum á mótinu og
það er vonandi að það dugi þeim til þess að ná allavega þriðja
sætinu.“
NÁUM ÓLYMPÍUSÆTINU
HJÖRVAR HAFLIÐASON
„Ég geri ráð fyrir að liðið fari alla leið í
undanúrslit og tryggi sér þar með sæti
á Ólympíuleikunum á næsta ári. Fyrir
mér eru það svona stærstu verðlaunin
á öllu þessu móti. Ólympíuleikarnir eru
stærsta íþróttamót sem haldið er og
það yrði mikið afrek að Eyjólfi og hans
strákum ef þeir kæmust þangað. Það
verður gaman að fylgjast með stúkunni
á þessu móti. Það kæmi mér ekkert á
óvart ef Ísland yrði með besta stuðning-
inn á þessu móti. Það eru náttúrlega margir á leiðinni þarna út
og fullt af Íslendingum búsettir í Danmörku svo það gæti verið
þáttur með okkur í liði.“
Birkir Bjarnason og Björn Bergmann Sigurðarson eiga
fleira sameiginlegt en að vera báðir liðsmenn í U21
landsliði Íslands. Báðir spila þeir og búa í Noregi, báðir
heita þeir tveimur nöfnum sem byrja á bókstafnum B,
þeir eru báðir sóknarmenn og skarta báðir síðu og ljósu
hári. Þar sem norska deildin er spiluð á sumrin líkt og
hér heima eru Norsararnir tveir í miðju kafi með liðum
sínum, Viking og Lillestrøm, þegar EM skellur á.
„Ég er bara í góðu formi enda í miðju móti úti svo mér
líst vel á þetta. Maður hefur svona eitthvað aðeins verið
að stríða norsku samherjunum,“ segir Birkir en norska
U21 landsliðinu tókst ekki að tryggja sér sæti á mótinu
í Danmörku. „Ég hef spilað í Noregi mjög lengi núna
og fór þangað ungur með fjölskyldunni svo ég er löngu
orðinn vanur lífinu þar.“
Birni hefur einnig gengið vel í Noregi en í vor var birt
viðtal við hann á heimasíðu Lillestrøm undir fyrirsögn-
inni „Sigurðarson betri með nýrri kærustu“ þar sem
hann kvaðst sáttur með lífið og tilveruna í Noregi, þótt
kærastan búi heima á Skaganum.
Líklegt
BYRJUNARLIÐ
Haraldur
Aron Einar
BIRKIR
Fæðingardagur:
27. maí 1988.
Félag: Viking FK.
Uppruni: Akureyri, KA.
Skóstærð og –tegund:
41, Nike.
Skilaboð til íslensku
þjóðarinnar: „Styðjið við bakið
á okkur strákunum.“
Birkir Bjarnason og Björn Bergmann Sigurðarson eru þeir
leikmenn U21 sem spila í Noregi og eru því Norsarar liðsins.
Sælir Norsarar
BJÖRN
Fæðingardagur:
26. febrúar 1991.
Félag: Lillestrøm SK.
Uppruni: Akranes, ÍA.
Skóstærð og –tegund:
44, adiZero F50.
Skilaboð til íslensku
þjóðarinnar: „Endurreisnin
er hafin. Við ætlum að gera
Íslendinga stolta.“
Monitor heyrði í þremur þekktum spark-
spekingum og spurði þá út í væntingar
þeirra til komandi átaka.
SPÁ SPEKINGANNA
BARA SIGURVEGARAR SEM
KOMAST SVONA LANGT
INGA LIND KARLSDÓTTIR
„Alltaf þegar ungt fólk er að gera
góða hluti og stefnir að því að
gera enn betur þá ber manni bara
skylda til að fylgjast með því,
sama á hvaða sviði það er. Þetta
eru stjörnur framtíðarinnar, það er
kominn tími til að kynnast þeim.
Á þessum tímum þegar allir eru
neikvæðir og umræðan er lituð af
fortíðinni, þá er svo hressandi að
fylgjast með þessu framtíðarfólki. Ég hef alla trú á okkur
mönnum en vil ekkert í þeim hópi sem setur einhverja
massífa pressu á þá. Ég trúi bara að þeir geri sitt besta
og hlakka til að sjá þeirra besta. Það eru bara sigurvegar-
ar sem eru komnir svona langt eins og þeir.“
ÞESSIR MENN ERU KÓNGAR
NILLI
„Þeim á eftir að ganga rosalega
vel. Þeir eru búnir að leggja sig alla
fram þarna og nú er bara komið
að úrslitastund. Þetta er keppnin
sem við erum öll búin að bíða eftir.
Ég vil meina að þessir menn séu
kóngar. Eigum við ekki bara að
stefna á svona fyrstu þrjú sætin
og sjá svo bara til?“
VONA AÐ DANAGRÝLAN
FYLGI EKKI ÞESSU LANDSLIÐI
ÓMAR RAGNARSSON
„Við höfum nú farið áður með
glæsilegt landslið til Danmerkur
sem þótti eitthvað það glæsileg-
asta sem við höfum átt. Þeim
tókst að skora tvö glæsimörk
en því miður skoruðu Danir sjö
sinnum fleiri glæsimörk. Ég vona
að Danagrýlan fylgi ekki þessu
landsliði og allra síst Eyjólfi
Sverrissyni sem á þann einstaka bakgrunn að hafa
skorað glæsimark á móti heimsmeisturunum í París fyrir
fullum leikvangi. Ég óska honum og hans lærisveinum alls
hins besta.“
Monitor heyrði einnig í þremur þjóðþekkt-
um sem gefa sig að minnsta kosti ekki út
fyrir að vera miklir sparkspekingar.