Monitor - 09.06.2011, Blaðsíða 20

20
FIMMTUDAGUR
9. JÚNÍ
2011
Í HOFFENHEIM
Alfreð fær töluvert
af pókum til baka
þar sem hann er sjálfur
mikið í því að póka.
G
Y
L
F
I
Þ
Ó
R
S
IG
U
R
Ð
S
S
O
N
STELPURNAR
Þú ert samningsbundinn Hoffenheimnæstu þrjú tímabil. Hvernig líður þér hjáliðinu? Mér leið ekki vel fyrr en í síðustu
fjórum leikjunum í deildinni. Þá fyrst fór ég
að byrja inni á en fram að því þurfti ég að þola
mikla bekkjarsetu. Slíkt er ekki skemmtilegt,
sérstaklega í svona litlum bæ þar sem er lítið
annað um að vera og sjálfstraustið datt eilítið
niður á tímabili en þetta leit aðeins betur út
undir lokin. Ég átti gott spjall við nýja þjálfarann
áður en ég flaug til Íslands og hann leggst betur
í mig en pappakassinn sem var á undan honum.
Þannig að ég býst við að ég taki allavega eitt
tímabil í viðbót í Þýskalandi og ef allt gengur vel
sé ég mig klára samninginn þar. Allir í kringum
liðið eru mjög fínt fólk en þetta snýst jú um að
fá að spila svo ég vona að maður leiki stærra
hlutverk á næsta tímabili.
En hefur þú óvart öskrað „Hitler“ á dómarana í
þýsku deildinni? Nei, það hefur ekki gerst enn-
þá. Ég hef reyndar verið að prófa að segja þetta
við strákana í liðinu og reyni að fá smá viðbrögð
frá þeim en þeir kippa sér lítið upp við þetta.
Hvað gerir þú þegar þú ert að chilla með
gaurunum í Hoffenheim-liðinu? Við spilum
golf, FIFA-tölvuleikinn og förum í bíó. Það er
nú lítið annað hægt að gera í þessum litla bæ.
Við getum farið til Heidenberg og Mannheim
sem eru stærri borgir hér stutt frá. Ef maður er
í verslunarfíling getur maður farið til Frankfurt,
Stuttgart eða jafnvel Parísar. Ég tek kærustuna
stundum þangað í rómantískar ferðir.
Já, þú ert einmitt með fyrrverandi ungfrú
Ísland, Alexöndru Helgu Ívarsdóttur, ekki satt?
Já, ég kynntist henni stuttu eftir að ég kom til
Hoffenheim og er mjög ánægður með henni.
Er ekki erfitt að vera kærastan þín? Þarf hún
ekki að lemja stelpur í burtu frá þér? Nei,
þær eru lítið í því að ofsækja mann hér. Það
eru svona þrjú þúsund manns sem búa hér og
flestar stúlkur eru bara að hugsa um einhver
hænsni úti í garði hjá sér svo að Alexandra þarf
litlar áhyggjur að hafa.
En ertu að fá mörg pók á Facebook? Ég get nú
ekki sagt það. Ég held að Alfreð sé að fá eitthvað
af pókum. Hann fær töluvert af pókum til baka
þar sem hann er sjálfur mikið í því að póka.
Er hann að monta sig mikið af pókunum? Nei,
hann hefur vit á því að þegja þar sem hann veit
að það eru margir í liðinu sem eru að vinna
hann í pókunum.
Hvenær ætlar þú að eignast lítinn fótbolta-
gutta? Það eru nokkur ár í það. Ég er á góðum
stað í lífinu í dag og það er gott að njóta þess í
smá stund í viðbót.
En ef þú eignast stelpu mun hún þá ekki heita
Andrea Gylfadóttir? Ég held ég finni eitthvað
annað nafn. Ég ætla ekki að ala dótturina upp í
söngkonu því ég er sjálfur slappur söngvari.
Hefur þér ekki dottið í hug að stofna svona
starfsteymi í kringum þig í anda
Entourage-þáttanna? Ekki ennþá. Ég er
nú samt duglegur að fá til mín vinina
frá Íslandi. Það er leiðinlegt að vera
einn úti án vina og því nauðsynlegt
að bjóða þeim stundum út. Það er
ekkert gaman að vera kominn á
þennan stað í lífinu og njóta þess ekki til fulls
með vinum og fjölskyldu.
Hvernig ertu að fíla þig sem stjórnarformann
hjá útgerðarfélagi? Ég náttúrlega kem lítið
að þessu. Ég er bara að tryggja framtíðina því
maður spilar ekki fótbolta að eilífu. Ég er svona
smám saman að koma mér inn í þetta þó að
þetta sé nú mest í höndum föður míns.
Hefur þú farið á sjó sjálfur? Ég hef nú aldrei
farið á togara eða eitthvað slíkt en ég hef nú
eitthvað verið að leika mér á minni bátum í
sjóstangveiði.
Lætur þú flytja hluta af afurðunum út til þín
svo að þú getir metið gæði fisksins sjálfur?
Já, ég geri það einmitt. Fiskurinn þarf að vera
ferskur svo það er mjög gott að senda hann út
til Hoffenheim áður en hann er seldur.
Hafnarfjörður, Reading eða Hoffenheim? Ég
held að það sé best að vera í Hafnarfirðinum,
í Setberginu. Gott að detta í Vesturbæjarís í
Hafnarfirðinum og fara í smá körfubolta hjá Set-
bergsskóla. Það er líka alltaf svo frábært veður á
Íslandi, maður er yfirleitt bara á stuttermaboln-
um í körfu og með ís. Mér verður alls ekkert kalt
þannig.
M
yn
d/
Er
ni
r
Gylfi Þór Sigurðsso
n
er útgerðarmaður
í Hoffenheim
GYLFI ÞÓR
Fæðingardagur:
8. september 1989.
Félag: Hoffenheim.
Uppruni: Hafnarfjörður, FH.
Skóstærð og –tegund: 43,
adiZero F50.
Skilaboð til íslensku
þjóðarinnar: „Það er löng leið
frá Íslandi til himnaríkis.“
HUGSA BARA
UM HÆNSNI