Monitor - 23.06.2011, Blaðsíða 16
16 Monitor FIMMTUDAGUR 23. JÚNÍ 2011
stíllinn
Hvernig myndir þú lýsa stílnum þínum í fimm orðum?
Glingraður, framandi, fjölbreyttur, stutthærður og 60´s.
Hver er uppáhaldshönnuðurinn þinn? Ég get ekki sagt
að ég eigi neinn uppáhaldshönnuð þar sem ég
hef oft ekki hugmynd um hver
hannaði flíkurnar sem ég
geng í, eins vandræðalegt
og það er. Ég elska Urban
Outfitters, Topshop og American Apparel
en svo er auðvitað alltaf gaman að
lenda á skemmtilegum mörkuðum
eða í litlum hönnunarbúðum sem
selja einstakar flíkur. Ég fór til
dæmis í mjög skemmtilega búð
í Amsterdam þar sem kona í
bakherberginu saumaði flíkurnar
sjálf, ótrúlega kúl! Mamma mín
er líka snillingur í að sauma og
hún saumar oft kjóla fyrir mig.
Hversu mörg skópör átt þú? Eftir
að hafa talið öll sem ég kom auga
á eru þau í kringum 30, bæði hælar og
lágbotna. Ég elska dömulega drengjaskó
alveg jafn mikið og háa hæla.
Ef þú yrðir að fá þér tattú, hvað myndir
þú fá þér og hvar? Ég hef lengi vel pælt í
þessu þar sem mig langar alveg í tattú. Einu
sinni fékk ég mér hennatattú sem var fugl aftan á
úlnliðnum eins og Sienna Miller er með. Svo stal frænka
mín hugmyndinni minni og fékk sér alvöru þannig.
Annars myndi mig smá langa í texta úr ljóði eftir Einar
Benediktsson; „Eitt bros getur dimmu í dagsljós breytt“
á herðablaðið eða eitthvað.
Hvaða flík er
ómissandi að
þínu mati fyrir
sumarið? Sumarkjóll í fallegum
lit. Mér finnst allt litríkt vera
ómissandi um sumar en samt
alls ekki æpandi neongleði. Mér
finnst það alveg skelfilegt. Svo er
líka ómissandi að eiga fallegan
jakka sem heldur á manni hita á
sumarkvöldum.
Dóra Júlía Agnarsdóttir er 18 ára danskennari og mennta-
skólanemi sem er með einstaklega fallegan smekk.
Stíllinn fékk að forvitnast um hennar persónulega stíl.
fataskápurinn
BESTA
Rauður leðurjakki með kögri sem ég
keypti í Kolaportinu. Ég gjörsamlega
elska að klæðast honum, helst á
sumrin þegar veður leyfir. Hann er
frekar fönkí flík svo að það passar best
að vera í frekar látlausum fötum við.
DÝRASTA
Burberry-kápa. Nota
hana þegar það
er gott veður og
mig langar að vera
rosa fín. Það er
mjög gaman að
klæðast henni
þegar maður er
í stórborg eins
og til dæmis París
eða New York og vill
vera sjúklega chic.
ELSTA
Fiskabuxurnar sem
mamma keypti
þegar hún var ung í
Feneyjum og gaf mér
svo áratugum seinna.
Þær eru sjúklega
skemmtilegar og mjög
gaman að klæðast þeim
í skólanum. Þær lífga upp
á skammdegið á veturna.
NÝJASTA
Blár blúndusumarkjóll sem mamma
var að gefa mér í síðustu viku.
Hann er keyptur í Topshop og
ég er alveg ótrúlega ánægð
með hann. Ég get bæði
notað hann þegar ég
djamma og líka ef
ég vil vera fín þegar
ég labba niður í bæ eða
eitthvað svoleiðis.
SKRÍTNASTA
Það eru líklega klofhá rúskinnsstígvél
sem ég keypti á Portobello Road í Lond-
on þegar ég var 15 ára. Portobello er
risastór útimarkaður þar sem alls konar
eldri listaspírur selja af sér spjarirnar og
þar er svo sannarlega hægt að rekast á
skrítnar og skemmtilegar flíkur. Þó að ég
hafi bara notað þau einu sinni er mjög
gaman að eiga þau. Maður veit aldrei
hvenær þau koma að gagni.
Litríkar flíkur
ómissandi í sumar
FLOTTASTA
Jakki úr Karen Millen. Mér finnst hann
svo Jacky Kennedy-legur og maður
virkar mjög virðulegur í honum sem er
alltaf mjög gaman. Ég nota hann við fín
tilefni, veislur og fín matarboð.
ÞÆGILEGASTA
Munstraður sloppur sem ég
erfði frá afa mínum. Hann
hafði ótrúlega fágaðan og
glæsilegan smekk og þessi
sloppur er bæði fallegur
og ótrúlega kósý. Ég nota
hann helst þegar ég kem úr
sturtunni eða pottinum. Því
miður get ég lítið farið út á
almannafæri í honum.