Monitor - 30.06.2011, Side 18

BESTA
Besta flíkin mín er líklega sú flík sem ég
væri til í að vera alltaf í! Það er ótrúlega
fallegur, bleikur samfestingur sem ég keypti
í H&M. Hann er plíseraður að neðan svo að
hann lítur út eins og kjóll þegar ég er í honum.
Hann er ótrúlega klæðilegur og í æðislegum lit.
NÝJASTA
Ég ákvað að hverfa aftur til fortíðar og rifja
upp hvað það var gaman að vera massaskinka
og keypti mér hvítar buxur á
dögunum. Það sem breytist
þó milli ára að ég mun án efa
ekki nota hlébarðamynstur
óspart við heldur reyna að
vera aðeins smekklegri. Ég
keypti þær í Zöru og finnst
gaman að nota þær í sum-
arstemningu við flotta liti
eins og appelsínugulan
eða bleikan.
FLOTTASTA
Það er örugglega þessi
brjálaði pallíettukjóll sem
ég keypti á útsölu í Kultur
fyrir fjórum árum. Ég var
ótrúlega ánægð með hann
og notaði hann tvenn
áramót í röð. Núna skelli
ég mér oft í hann þegar
ég veit ekkert í hverju
ég á að vera og langar
að vera „fabulous“,
hann er rosalega mikill
glamúrkjóll.
stíllinn
18 Monitor FIMMTUDAGUR 30. JÚNÍ 2011
Steinunn Edda Steingrímsdóttir er
tvítugur blaðamaður sem skrifar hin
alræmdu Skvísu-ráð á Pressunni. Þessa
dagana er Steinunn Edda að vinna á
fullu og segist einnig
hafa eytt undanförn-
um dögum í óþreyju-
fulla bið. „Guðný
vinkona mín býr í Mílanó og hennar er
sárt saknað! Ég bíð spennt eftir að hún
komi heim,“ segir Steinunn Edda sem er
skvísa með meiru.
Hvernig myndir þú lýsa stílnum þínum
í fimm orðum? Uppá síðkastið mjög svo
litríkur.
Hver er uppáhaldshönnuðurinn þinn?
Ég er alls ekkert merkjafrík en ég verð að
segja Steve Madden og Jeffrey Campbell.
Ég er voðalega hrifin af skónum þeirra
þó svo að ég kaupi mér
aldrei par. Mamma
segir að ég sé svo mikill
skóböðull að það myndi
hreinlega ekki borga sig.
Hversu mörg skópör átt þú? Ég á 16
skópör allt í allt. Ég nota samt líklega
bara svona þrjú pör af einhverju viti en
tími voðalega sjaldan að losa mig við
skóna mína.
Ef þú yrðir að fá þér tattú, hvað myndur
þú fá þér og hvar? Ef ég bókstaflega
yrði að fá mér tattú myndi ég líklega fá
mér stafinn S með fallegri skrautskrift
einhvers staðar á hægri úlnliðinn.
Hvaða flík er ómissandi fyrir úti-
legurnar í sumar? Flík í skærum
lit eða falleg og góð Cintamani-
peysa, helst í einhverjum
æðislegum lit. Kóngablá
Jónínu-peysa er efst
á mínum óskalista
í augnablikinu, er
meira að segja á
biðlista!
Steinunn Edda stökk aftur til fortíðar um daginn og keypti
sér hvítar buxur til að rifja upp hversu gaman var að vera
massaskinka. Hún leyfði Stílnum að kíkja í fataskápinn sinn.
fataskápurinn
Tímir ekki að henda
Basshunter-bolnum
Myndir/Eggert
ÞÆGILEGASTA
Ég myndi segja að
þægilegasta flíkin
mín sé svartur
samfestingur sem
ég keypti í Washing-
ton í vinnuferð. Hann
er úr H&M og hann er
svona flík sem er alltaf
hægt að fara í ef maður
finnur ekkert annað og
hann er einstaklega
klæðilegur!
DÝRASTA
Ætlið það sé ekki 66°Norður úlpan mín. Hún kost-
aði sitt en hefur klárlega borgað sig upp í notkun.
Hún er svo hlý að ég gæti bókstaflega farið út í
henni einni klæða og yrði samt heitt.
ELSTA
Ég er nokkuð dugleg að losa mig
við flíkur sem ég nota ekki eða hafa
hreinlega verið ofnotaðar. Þess vegna
er mín elsta flík, flík sem ég tímdi ekki
að henda vegna samblands af húmor
og tilfinningagildi. Ég dansaði nefnilega
með Basshunter á sínum tíma þegar
hann kom til landsins og mér
finnst það mjög fyndið. Það
er óspart gert grín að þessu í
vinahópnum en ég veit að ég
mun hafa gaman að þessu, meira
að segja þegar ég verð gömul.
SKRÍTNASTA
Ég rakst á þetta vesti á útsölu
í Bandaríkjunum og hugsaði:
„Já kúl, ég mun pottþétt nota
þetta einhvern tímann“. Þegar
ég sýndi kærasta mínum
vestið spurði hann mig hvort
ég ætlaði að gerast indíáni. Ég
tók því mjög bókstaflega og
mun líklega ekki nota þetta
vesti í nánustu framtíð,
þetta var djörf ákvörðun.