Monitor - 21.07.2011, Blaðsíða 4

4
FIMMTUDAGUR
21. JÚLÍ
2011
Ari Eldjárn hefur aldrei komið á Þjóðhátíð en er
lítið stressaður fyrir að koma þar fram í fyrsta
sinn. Hann væri meira en til í að fylla í skarðið
fyrir Bubba ef kóngurinn skyldi forfallast.
Nú hefur þú aldrei komið á Þjóðhátíð, hvernig stendur
á því?
Ég hef bara tvisvar komið til Vestmannaeyja og fyrsta
skiptið var um jólin í fyrra. Kostirnir við að koma svona
gamall í fyrsta sinn er að maður hélt að maður vissi
nokkurn veginn hvernig allt er á Íslandi. Svo kemur
maður í eitthvað samfélag sem er næstum því eins og
annað land. Það eina sem vantar er að þeir hafi sinn
eigin gjaldmiðil með myndum af lundum og Herjólfi.
Hvað ertu þá vanur að gera um Verslunarmannahelg-
ina?
Það hljómar kannski asnalega en ég hef alltaf verið í
Reykjavík um þessa helgi og ekki gert neitt. Mig langar
samt geðveikt að vera einhver kempa sem hefur farið á
allar hátíðarnar og kann að spila Nýdönsk á kassagítar.
Með límmiða frá öllum hátíðunum á gítartöskunni.
Hvað er það fyrsta sem þú hugsar þegar þú heyrir
minnst á Þjóðhátíð?
Með allt á hreinu. Þegar Út í Eyjum er að klárast og það
er klippt á Brennuna og Egill og Ragga sjást deila flösku
í forgrunni. Svakalega flott atriði.
Hvað veistu um Vestmannaeyjar?
Eitt og annað. Mest megnis eitthvað sem ég sá í Nýju
lífi en ég kann þá mynd utan að. Ég man að æskuvinur
minn bjó í Eyjum og þegar hann heimsótti mig í
Vesturbæinn talaði hann allt öðruvísi en ég og vinir
mínir. Það sem okkur fannst vera: „ýkt kúl“ fannst
honum vera: „öfga gæjalegt“. Hann var líka alltaf að tala
um „peyja“ sem við héldum að væri fuglategund. Það
var mikill léttir þegar sá misskilningur var leiðréttur og
maður sá allar sögurnar hans í nýju ljósi. „Ég hélt partí
um daginn. Drakk með nokkrum peyjum.“
Við hverju býstu á Þjóðhátíð? Ertu stressaður?
Mér skilst að þetta verði meira en 15.000 manns en ég
held ég hafi mest skemmt 1500 manns í einu þannig
þetta er 1000% aukning á áhorfendum fyrir
mig. Ég er merkilegt nokk ekkert stressaður, hef
aðallega áhyggjur af því að það komi hellidemba eða
eldgos.
Áttu von á einhverjum skotum frá hinum listamönn-
unum fyrir að vera nýliði á Þjóðhátíð?
Ætli það yrði þá ekki að vera skot frá öðrum grínurum?
Laddi og Þorsteinn Guðmundsson eru pottþétt að gera
grín að mér núna fyrir að vera að gera þetta í fyrsta
sinn. „Haha, peyjarnir eiga eftir að éta hann eins og
lunda.“
Hefur þú smakkað lunda?
Já, en það var reyndar í Stykkishólmi. Í
Vestmannaeyjum fékk ég hins vegar besta grillaða
humar sem ég hef smakkað, á 900 Grill. Suddalegir
bitar.
Ætlar þú að gista í Eyjum? Ef já, gistir þú í tjaldi?
Já, ég gisti eina nótt á hóteli og rýk svo í bæinn. Ég get
ekki gist í tjaldi, það er svo lélegt netsamband í þeim.
Hvernig muntu ferðast til Eyja?
Með flugvél. Herjólfur til vara. Ef hvort tveggja
klikkar leigi ég hvalaskoðunarbát hjá Eldingu.
Þinn maður Bubbi Morthens treður
upp á sunnudagskvöldinu. Ef
hann veikist skyndilega, gætir þú
hugsað þér að koma í hans stað í
dulargervi hans?
Fokk já! Ég myndi þá troða upp
sem Bubbi eins og hann var
þegar Í mynd með Egó kom út.
Hanakambur, sólgleraugu og
leðurjakki. Taka lög eins og
Mescalin og Í spegli Helgu. Synda
svo í land eins og Steindi Jr.
Étinn af peyjum í Eyjum?
M
yn
d/
Ó
m
ar
Hvað er það fyrsta sem þér dettur í hug þegar
þú hugsar um Þjóðhátíð í Eyjum?
Stórir hattar, regnstakkur, gítar með slitnum
strengjum, krumpaður Thule og botnlaust tjald.
Hefur þú farið oft á Þjóðhátíð í Eyjum?
Ekki svo ég muni.
Kíktir þú í hvítt tjald? Ef já, áttu skemmtilega
sögu af því?
Ég hitti fjölskyldu frá Akranesi sem bauð mér
í heimsókn í tjaldið sitt, þar var boðið upp á
heitt kakó með viskí útí og túnfisksamlokur.
Ég eyddi allri helginni með þeim, ég var týndi
sonurinn þeirra.
Hver er rómantískasta stundin sem þú hefur
upplifað í Dalnum?
Það er ekkert rómantískt í Dalnum, ekkert!
Dalurinn er „war zone“ og ef þú dettur þá er
ekkert víst að þú standir aftur upp.
Áttu einhverja góða sögu frá Eyjum?
Ég sá strák sem var að dansa missa sígarettu
ofan í ælu, hann leit í kringum sig, þurrkaði
af henni og fékk sér smók. Svo splæsti hann í
sláttuvélina og dansgólfið tæmdist.
Gætir þú hugsað þér að búa í Eyjum?
Já, já. Eyjamenn eru gull af mönnum, ég held að
það að alast upp í dreifbýli ýti undir sérkenni
manna. Ég held að það sé ástæðan fyrir því
hversu góðir Eyjamenn eru.
Hvort heldur þú að það finnist fleiri geðveikt
fínir gaurar eða peyjar sem eru gull af
mönnum í Dalnum?
Klárlega bæði, það verður endalaust af góðu liði
þarna. Annars hugsa ég að flagarar verði mest
áberandi í ár.
Hvað finnst þér um Herjólf?
Ég hef eiginlega enga skoðun á Herjólfi, enda er
hann bara bátur.
Hvað finnst þér um Brekkusönginn?
Árni Johnsen er algjör fagmaður. Hann minnir
mig stundum á mörgæsamanninn í Batman
Returns, ef hann væri með lengra nef, skalla,
mjög hvítur og með fit. Það væri æðislegt ef
Árni væri mörgæsamaður, en hann er toppn-
áungi!
Við hverju má búast frá þér á hátíðinni í ár?
Við erum að spila á laugardagskvöldinu, þetta
verður tryllt! Við ætlum að taka nánast öll lögin
okkar, við lofum góðri stemningu.
Flugvél, rella eða skip? Gúmmíbátur eða
loftbelgur?
Klárlega loftbelgur, en ég læt Herjólfinn duga
í ár.
Eyjamenn eru
gull af mönnum
Steinda Jr. rámar eitthvað í að hafa kíkt í Dalinn.
Þar hefur hann ekki upplifað mikla rómantík
enda finnst honum svæðið hálfgert „war zone“.
STEINDI Í UPPÁHALDSBOLNUM SÍNUM
ÖFGA GÆJALEGUR