Monitor - 21.07.2011, Blaðsíða 28
28
FIMMTUDAGUR
21. JÚLÍ
2011
Hve lengi hefur þú verið í Björgunarsveit-
inni?
Ég hef verið björgunarsveitarmaður síðan
1982 og alltaf í Vestmannaeyjum. Meðal
annars sá ég um gæsluna í ein 13 ár.
Undirbúið þið ykkur sérstaklega fyrir
hátíðina?
Í dag sjáum við í björgunarsveitinni eingöngu
um flugeldasýninguna. Undirbúningurinn
fyrir hana hefst strax í kringum áramótin en
þá er gerð hálfgerð beinagrind að sýningunni
og við pöntum efnið. Svo fara menn að
stilla saman strengi í byrjun sumars og sex
vikum fyrir hátíðina er allt komið á fullt og
þá byrjum við að setja hana upp og tengja.
Gæslan er svo sér en auðvitað erum við á
vaktinni eins og alltaf með símann opinn.
Hvað eru margir í björgunarsveitinni? Fáið
þið aukamannskap fyrir hátíðina?
Við erum 25-30 manns sem erum starfandi
björgunarmenn í eyjunni en auðvitað er
hellingur af fólki sem er tilbúið til að hjálpa
ef það er eitthvað mikið sem kemur upp á.
Nú hefur þú mikla reynslu úr gæslunni, en
hún þjónar ýmsum hlutverkum. Hvert af
þeim fannst þér erfiðast og hvert þeirra var
í mestu uppáhaldi?
Allt sem tengdist börnum fannst mér án
efa erfiðast, það er alltaf viðkvæmast. Sem
betur fer voru það þó alltaf mjög fá tilfelli og
hægt að bregðast við. Það sem mér fannst
hins vegar skemmtilegast var að hitta allt
þetta skemmtilega fólk sem kom í þeim
eina tilgangi að skemmta sér á Þjóðhátíð.
Það hafði ekkert annað í huga heldur en
að njóta þess að vera til og því gaf það svo
ofboðslega mikið af sér. Það er nú alltaf
langstærsti hópurinn sem er þannig, alveg
óskaplega glæsilegt fólk sem gaman er að
eiga samskipti við.
Sefur gæslufólkið eitthvað þessa helgi og
nær það að njóta hátíðarinnar?
Þetta duglega fólk er á 12 tíma vöktum og
reynir að sjálfsögðu að hvíla sig inn á milli.
Það nær svo að njóta þess m.a. með því að
eiga þessi áðurnefndu skemmtilegu sam-
skipti við gestina og svo hlustar það alltaf á
tónlistina og gleðina með öðru eyranu.
Hvað elskar þú mest við Þjóðhátíð?
Flugeldasýninguna, ég verð að segja það. Við
í sveitinni fáum ákveðið kikk út úr henni.
Svo slær auðvitað fátt út Brekkusönginn og
þegar blysin loga á sunnudagskvöldið. Þetta
þykja mér skemmtilegustu atburðirnir en
svo er það auðvitað allt þetta flotta fólk og
andrúmsloftið sem ríkir sem stendur líka
uppúr.
Adolf Þórsson
þaulreyndur björgunarsveitarmaður í Vestmannaeyjum
„Frábært að eiga samskipti við allt þetta glæsilega fólk“
Eru allir lögregluþjónarnir í Vestmannaeyj-
um á vakt á meðan á Þjóðhátíð stendur?
Ætli við séum ekki u.þ.b. 20 lögreglumenn
sem erum á vakt þessa helgi. Lögreglumenn
ásamt gæslufólki, heilbrigðisstarfsmönnum
og sálgæslufólki telja um 120-130 manns.
Svo að þetta er orðinn talsverður fjöldi sem
sér um gæsluna þegar upp er staðið.
Eru þið eitthvað í því að bjóða fólki far á
milli staða eða er það bara í boði þegar
það er á leið í fangaklefann?
Nei, við erum nú mest lítið í því, við
bendum fólki bara á bekkjarbílana sem allir
eiga endilega að prófa. Það eru svo alltaf
einhverjir sem lenda í því að vera ekið á
lögreglustöðina þar sem þeir fá gistingu í
fangageymslu. Klefarnir eru sex talsins og
yfir Þjóðhátíðina kemur það fyrir að þeir
séu fullsetnir. En ég get sagt með fullri vissu
að um 99,9 prósent þeirra gesta sem koma á
Þjóðhátíð eru alveg frábært fólk sem ekkert
vesen er á. Lífið er yndislegt á Þjóðhátíð og
það er það sem flestir hafa í huga.
Hefur ölvunarakstur verið til vandræða á
Þjóðhátíð?
Alls ekki. Þeir sem koma með bílana sína
með Herjólfi til Eyja leggja þeim yfirleitt í
bílastæði og geyma þá þar á meðan hátíðin
stendur yfir. Mikið eftirlit er með ökumönn-
um og margir stöðvaðir og athugað með
ástand þeirra, látnir blása o.s.frv.
Eru einhverjir óeinkennisklæddir
lögreglumenn á vappi um dalinn þegar
gleðin stendur sem hæst?
Já, það eru aldeilis nokkrir. T.d. get ég nefnt
fíkniefnalögregluna en þeir eru aldrei
einkennisklæddir og fylgjast vel með.
Eru einhver sérstök skilaboð eða tilmæli
sem þú vilt koma til gesta Þjóðhátíðar
2011?
Maður veit aldrei með veðrið, þess vegna
hvet ég fólk til að mæta vel búið og þá
skiptir veðrið minna máli. Þó það mæti hér
í sól og blíðu þá geta orðið snögg veðra-
brigði í Eyjum. Ég vil líka hvetja Þjóðhátíð-
argesti til að ganga hægt um gleðinnar dyr
og passa sig og sína. Góð regla er að vera
aldrei ein/n á ferð og að krakkar sem koma
saman til Eyja fylgist vel með hvort öðru
og haldi hópinn. Mikilvægt er að hafa góða
skapið með í Dalinn því Þjóðhátíð á að
vera gleðihátíð og ekkert annað.
Hvað elskar þú mest við Þjóðhátíð?
Tjaldastemningin í hvítu tjöldunum finnst
mér frábær. Bæði með fjölskyldunni á
daginn og á kvöldin og svo á nóttunni
þegar gítarspilið byrjar. Mér hefur alltaf
þótt gaman að syngja með Árna Johnsen
vini mínum, en hann kemur oftast inn í
tjald og tekur nokkur lög. Þessi sérstaka
stemning í Dalnum er yfir höfuð bara
frábær.
Pétur Steingrímsson
lögga í 26 ár
„Lífið er yndislegt á Þjóðhátíð“
UNDIRBÝR SKOTHYLKIN
FYRIR FLUGELDASÝNINGUNA
MINNIR GESTI Á AÐ GANGA
HÆGT UM GLEÐINNAR DYR
Litla bifhjólaprófið fylgir fyrstu 5 hjólunum, eða 30 þús. kr. afsláttur!
Ekta Vespa fæst
aðeins hjá Heklu!
www.vespur.is
Piaggio Vespa S 125, verð aðeins: 629.000 kr.
Piaggio Vespa LX 125, verð aðeins: 599.000 kr.
Piaggio Vespa LXV 125 - Afmælisútgáfa, verð: 689.000 kr.
25% afsláttur
af öllum vespum og aukahlutum
Sumarútsala
471.750 kr.
449.250 kr.
516.750 kr.
Betra verð en á Ítalíu
Einstakt tækifæri
Örfá hjól eftir
Myndir: Óskar Pétur Friðriksson, Vestmannaeyjum.