Monitor - 18.08.2011, Síða 7

Í hjarta Reykjavíkur leynist lítil gata sem heitir
Haðarstígur. Þar býr ansi gestrisið fólk sem
ætlar að bjóða öllum sem vilja í heimsókn á
laugardaginn í tilefni af Menningarnóttinni.
Þorgerður Pálsdóttir sagði Monitor frá þeirri
sérstöku stemningu sem ríkir í götunni.
Hvað er um að vera á Haðarstígnum á Menn-
ingarnótt? Það er mikið um að vera hjá okkur,
við ætlum að reima á okkur svunturnar,
bjóða fólki upp á kaffi og okkar margrómaða
bakstur. Svo erum við svo heppin að fá til liðs
við okkur hann Davíð Örn Halldórsson, sem
vinnur nú að listaverki á rólóvellinum okkar.
Verkið verður síðan afhjúpað á Menningarnótt
þar sem videolistaverki verður
varpað á vegginn sem lista-
verkið prýðir. Svo verður nóg
um söng og gleði, Bartónar
Kaffibarsins munu meðal
annars troða upp. Íbúarnir
ætla sumir hverjir að opna
kompur og geymslur og selja
skemmtilega hluti sem þar leynast.
Er búið að skipuleggja hver gerir hvað? Við
erum að fara yfir hlutverkaskiptinguna þessa
dagana en fyrst og fremst hjálpumst við öll
að. Við þurfum að setja upp stórt tjald, borð
og stóla og bera veitingarnar út. Þetta fór
framúr björtustu vonum í fyrra svo við eigum
von á margmenni hér í götuna aftur í ár. En
ef við verðum hress og kát öll sömul eins og
venjulega þá verður dagurinn góður.
Er alltaf geggjuð stemning á Haðarstíg?
Já, það er mjög sérstök stemning hérna hjá
okkur. Það eru allir góðir vinir og samstíga
í flestum málum. Það er oft þannig eftir
klukkan fjögur og í sumarfríum þá eru börnin
úti á götu að leika og foreldrar og íbúar standa
úti að spjalla saman. Börnin skipa stóran sess
í lífinu hér við Haðarstíginn og það er mikið líf
hér í götunni. Á 17. júní sláum við til dæmis
upp heljarinnar teiti þar sem íbúar fara út á
götu með borð og stóla og vinir og kunningjar
koma í heimsókn og allir borða saman. Í raun
vill maður ekki flytja héðan því stemningin er
svo góð.
Haðarstígur er vistgata. Hvaða merkingu hef-
ur það fyrir ykkur? Það vill svo skemmtilega
til að flest okkar í götunni eru mjög róttæk
og árið 2009 fengum við það í
gegn að götunni yrði breytt í
vistgötu. Við héldum einmitt
götuhátíðina það árið í fyrsta
skiptið til að minna á okkur
og það gekk upp. Gatan er ansi
þröng og hér eru ekki gang-
stéttir og því bauð það hættunni
heim þegar bílar voru að keyra
hér á miklum hraða enda börn að leik oft og
tíðum. Nú í ár vonumst við til að ná þessu enn
lengra og fá götunni breytt í göngugötu þar
sem einungis er leyfilegt fyrir íbúa að keyra.
Á að gera eitthvað annað þennan dag
eða tekur það alla restina af deginum að
ganga frá eftir ókunnuga gesti? Það tekur
lúmska stund að ganga frá öllu hér en mér
finnst rosalega gaman að fara niður í bæ og
skoða mismunandi atburði. Það er svo mikið
spennandi í gangi. Svo verð ég náttúrulega að
sjá flugeldasýninguna.
7FIMMTUDAGUR 18. ÁGÚST 2011 Monitor
Nýr matseðill
á Ruby Tuesday
Höfðabakka 9 & Skipholti 19 Sími 577-1300
Komdu í heimsókn
og gæddu þér
á fjölda nýrra rétta
ENGINN SKILINN ÚTUNDAN
Hljómsveitin Samaris sigraði Músíktilraunir í ár og er á leið til Hollands
á tónlistarhátíð. Monitor ræddi við Jófríði Ákadóttur sem gerir ekki upp á
milli hljómsveitarmeðlima.
Hvað þýðir Samaris? Samaris er nafn sem ég fann í gömlu tölublaði af
Vikunni frá 1960. Í teiknimyndasögunni Skuggi var persóna sem hét
Samaris og ég pikkaði það nafn upp á síðustu stundu fyrir Músíktilraunir.
Hvað ert þú að gera fyrir utan tónlistina? Ég er eiginlega bara í tónlist.
Reyndar fer ég stundum í jóga en annars er ég voða mikið að spila á gítar
og klarinett.
Hversu skapandi var sumarstarfið ykkar? Mjög. Við vorum mikið að
semja tónlist og vinna í henni ásamt því að gera nokkur cover-lög. Svo
vorum við líka að búa til myndbönd og alls konar skemmtilegt.
Myndir þú segja að þetta væri besta sumarvinna í heimi? Jájá, ætli það
ekki bara.
Hvað eruð þið að fara að gera í Hollandi? Við erum að fara að taka þátt
í hátíð þar sem sex hljómsveitir frá mismunandi löndum í Evrópu koma
saman og vinna saman. Svo í lokin spilum við á stórum lokatónleikum á
bæjarhátíð í Hollandi.
Hver er mest skilin/n útundan í hljómsveitinni? Ég veit það nú ekki alveg.
Þetta er allt voðalega jafnt hjá okkur og það er erfitt að gera upp á milli.
Hvaða húsdýri líkist Samaris mest? Samaris væri köttur því við erum
svolítið dularfull.
Samaris spilar fyrir framan Hitt
húsið kl. 14:00 á Menningarnótt.
RÖFF, TÖFF OG
SPILA HOTT STÖFFMy
nd
/E
rn
ir
AGNARSMÁ
EN GESTRISIN
KISI KISI MJÁ MJÁ
BÝÐUR UPP Á VÖFFLURMynd/Sæberg
Haðarstígur býður heim
frá klukkan 14:00 til 16:00