Monitor - 18.08.2011, Blaðsíða 10
10 Monitor FIMMTUDAGUR 18. ÁGÚST 2011
Ólöf Helga Gunnarsdóttir útskrifaðist úr Alvin Ailey
danskólanum í New York í vor og sýnir lokaverkefn-
ið Within It á Menningarnótt.
Hvernig myndir þú lýsa dansverkinu í fimm
orðum? Minningar, reiði, óvissa, söknuður og sorg.
Hvað er þetta „it“ sem þú ert „within“? Líklega
er best að lýsa þessu „it“ sem óvissu en svo kemur
nafnið á verkinu líka frá nafni lagsins sem það er
samið við, Tornado með Jónsa. Því mætti líka segja
að nafnið vísaði í að vera inni í fellibylnum, fellibyl
af óvissu.
Hvað fékkst þú í einkunn fyrir verkið? Það er ekki
beint gefin einkunn fyrir verkin þar sem þetta var
sýnt á svona lokasýningu í vor en ég fékk frábærar
viðtökur eftir sýninguna. Svo eru gefnar einkunnir
fyrir hvern kúrs fyrir sig og auðvitað stóð ég mig
mjög vel í þessu öllu saman (hlær).
Lifir þú í gegnum dansinn eða dansar þú í gegnum
lífið? Ég myndi segja að ég dansi í gegnum lífið
vegna þess að mér finnst gaman að dansa en hef
líka gaman af öðrum hlutum svo ég lifi ekki beint
fyrir dansinn.
Hver er þinn helsti dansdraumur? Hvað varðar
dansinn langar mig mest að nota það sem ég lærði
úti og kenna það hérna heima. Í skólanum úti var
kennd svokölluð Horton-tækni sem hefur ekki verið
kennd hér heima. Þessi danstækni er mjög líkamleg
og styrkir dansarann ótrúlega mikið þannig að hann
getur í raun gert hvað sem er í dansi og öðru.
Hyggst þú leggja dansinn fyrir þig? Ég ætla aftur
til New York í haust og sjá hvað ég get fengið þar.
Samkeppnin er auðvitað svakaleg en ég ætla að
láta á þetta reyna samferða því að vera í fjarnámi í
efnafræði í HÍ.
Sólóverkið Within It verður sýnt kl.18 í Listasafni Reykja-
víkur, Hafnarhúsi, á Menningarnótt. Verkið er aðeins
fjórar mínútur svo gestum er bent á að mæta tímanlega.
EKKI ER VITAÐ HVERSU LENGI
ÓLÖF GETUR HALDIÐ ÞESSARI STÖÐU
Halldór Halldórsson fer mikinn á laugardaginn í Lands-
bankanum. Þá stígur hann á svið með félögum sínum í
Mið-Íslandi og varpar einnig nýju ljósi á Íslendingasög-
urnar í leikriti sem hann skrifaði ásamt Bergi Ebba og
Uglu Egilsdóttur.
Hvernig leikrit er þetta? Þetta er söguleg og mannleg
rannsókn á Íslendingasögunum þar sem við pælum í
því hvað gerðist, hvað gerðist ekki og hvar höfundurinn
greip inn í. Þetta er gamanleikrit sem ætti að henta
öllum sem hafa húmor.
Hvernig verður uppistandið hjá ykkur? Verða bara
brandarar um Landsbankann og Menningarnótt? Þetta
verður eitthvað menningarlegt bankagrín, það er alveg
ljóst. Nei, nei, við erum búnir að nota sumarið í að semja
efni fyrir komandi vertíð.
Má búast við sprengju í haust? Sýningarnar í Þjóðleik-
húskjallaranum gengu mjög vel í fyrravor og því ætlum
við að vera áfram þar. En nú verður þetta með örlítið
breyttu sniði þar sem við erum að búa til alveg magnað
„sjó“ og þetta verður keyrt eins og sýning sem verður
sýnd einu sinni í mánuði fram að jólum. Svo ætlum við
að fá erlenda gesti og við erum með alla helstu grínista
Norðurlandanna í startholunum.
Flytja þeir efnið sitt á ensku? Þeir flytja efnið á ensku
þó að norskan og danskan ættu ekkert að flækjast fyrir
öllum þeim sem lærðu „kylling og softice og pølser“ í
dönskutímunum í gamla daga.
Verða engir loftfimleikar? Jú, við ætlum einmitt að hafa
þetta svona Vesturports-fimleika-uppistand.
Ætliði ekkert að selja Mið-Ísland boli? Nei, við erum
ekki með boli en við erum að gera sérstakar Ara Eldjárn
hettupeysur.
Hvað á að gera annað á Menningarnótt? Spóka sig
um og vera sprækur. Svo er ég með mjög góðan díl við
Björgunarsveitina og er að fá nokkra flugelda frá þeim
eftir flugeldasýninguna. Þannig að ef þið heyrið hvelli
eða finnið púðurlykt vitið þið að ég er ekki langt undan.
Leikritið Bændur flugust á er sýnt klukkan
15:00 í útibúi Landsbankans á Austurstræti.
Klukkutíma síðar stígur Mið-Ísland á svið.
ARI VAR Á
HETTUPEYSU-
FUNDI ÞEGAR
MYNDIN VAR
TEKIN TVÖFÖLD
ÁNÆGJA
M
yn
d/
Si
gu
rg
ei
r
DANSANDI
ÓVISSU-
FELLIBYLUR
M
yn
d/
Er
ni
r