Monitor - 18.08.2011, Side 11
11FIMMTUDAGUR 18. ÁGÚST 2011 Monitor
Lögfræðingurinn, Diljá Mist Einarsdóttir, hefur verið hvað
öflugust í að safna áheitum fyrir Reykjavíkurmaraþonið þetta
árið. Á laugardaginn hleypur hún tuttuguogeinn kílómetra fyrir
styrktarsjóð systur sinnar, Susie Rutar, en sjóðurinn vinnur að
forvörnum gegn vímuefnum.
Hverjir eru það sem eru að heita á þig? Það hafa bæði verið vinir
og fjölskylda en svo hefur það líka verið fólk sem hefur áhuga á
málefninu og vill styðja það. Það er mjög skemmtilegt. Ég, vinir
mínir og fjölskylda erum búin að vera dugleg að pósta þessu á
Facebook. Er það ekki besti miðillinn í dag til að koma einhverju
á framfæri?
Ert þú þekkt fyrir að hlaupa mikið eða er þetta alveg nýtt fyrir
þér? Ég er svo sannarlega ekki þekkt fyrir að hlaupa. Ég held
jafnvel að einhverjir hafi verið að heita á mig af því að þeim þykir
svo merkilegt að ég sé yfir höfuð að fara að hlaupa svona langa
vegalengd. Ég hef aldrei stundað íþróttir. Þetta var einhver rosaleg
bjartsýni hjá mér í vor en ég er frekar ánægð með mig. Ég er búin
að vera að hlaupa í sumar með Robba, kærastanum mínum og
Garpi, hundinum mínum. Þeir hafa staðið sig vel sem þjálfarar.
Þannig að þú hafðir í raun bara hlaupið fyrsta apríl þangað til
í vor? Ég segi það nú kannski ekki alveg. Ég hef nú alveg hlaupið
í gegnum tíðina en þá alltaf bara styttri vegalengdir. Ég var
svakaleg í sprettunum; ég er svo létt á fæti (hlær).
Ætlar þú að gera eitthvað annað á Menningarnótt eða verður þú
í súrefnistjaldi það sem eftir lifir dagsins? Hlaupið er snemma
að morgni sem kemur sér ekkert sérstaklega vel fyrir mig þar
sem ég er svo mikil B-manneskja og ég hugsa að ég verði með
vökva í æð eitthvað fram eftir degi. Nokkrar vinkonur mínar eru á
leið í nám erlendis og ég ætla að nýta þessi helgi til að kveðja þær
svona rétt á meðan ég er ekki í hlaupagallanum. Ég ætla því rétt
að vona að ég nái að jafna mig áður en Bubbi stígur á svið.
Heldur þú að systir þín fylgist með? Já, ég er búin að vera að
hugsa mikið undanfarna daga hvað systur minni, henni Susie
Rut, finnist um þetta uppátæki mitt. Hún er annað hvort yfir sig
hneyksluð eða hún skemmtir sér konunglega yfir þessu. Ég veit
og vona að hún á eftir að fylgjast með svo ég treysti frekar á það
heldur en að vera borin á brott af einhverjum sjúkraflutninga-
mönnum.
MEÐ VÖKVA Í ÆÐ
FRAM EFTIR DEGI
Reykjavíkurmaraþon Íslandsbanka hefst klukkan
8:40 fyrir framan útibú bankans á Lækjargötu.
DILJÁ AÐ KYNNA SÉR LOG
UM MARAÞONHLAUP
Anna Gulla hannar hatta og er með
sýningu ásamt tveimur öðrum hatta-
hönnuðum á Menningarnótt.
Af hverju hattar? Ég fékk þessa hugmynd
þegar ég var 16 ára en gleymdi henni um
stund og ákvað að kýla á þetta 25 ára
gömul. Þá fann ég mér tveggja ára nám í
Gautaborg og lauk við það núna í júní.
Er mikil eftirspurn í hattabransanum á
Íslandi? Miklu meiri en ég hélt, við feng-
um pantanir um leið og við byrjuðum í
sumar sem ég var alls ekki búin undir.
Það er búið að vera fullt að gera sem er
æðislegt.
Hvernig hatta er fólk þá aðallega að
kaupa? Þetta eru ekki þessir brúð-
kaupshattar sem margir kannast við frá
Bretlandi heldur er ég aðallega að hanna
herrahatta á konur. Þeir eru langvinsæl-
astir þó þeir séu mjög hefðbundnir.
Hvernig hatta finnst þér skemmtilegast
að hanna? Það er mjög misjafnt en helst
úr filt-efni. Ég er ekki mikið fyrir svona
sumarlega stráhatta og reyni að vera
aðallega í tískumiðaðri hönnun. Þetta eru
oft eins og skúlptúrar og enginn hattur
eins.
Hvað átt þú sjálf marga hatta? Þegar
ég bý til hatt á sjálfa mig kemur alltaf
einhver og vill kaupa hann svo ég á bara
einn hatt þrátt fyrir að hafa búið til yfir
50 stykki.
Er erfitt að fatta hatta? Ekki fyrir mig.
Sýningin Yfirhöfuð 2011 verður í verslun
Eggerts feldskera frá hádegi á Menningarnótt.
ÞÚ HANNAR EKKI HATT
HÖFUÐFATSLAUS
ENGINN
HATTUR
EINS
Mynd/Sigurgeir
M
yn
d/
Sæ
be
rg