Monitor - 25.08.2011, Blaðsíða 21

21FIMMTUDAGUR 25. ÁGÚST 2011 Monitor
Það er kannski vottur um þröngsýni og mikil-
mennskubrjálæði að tilnefna leik ársins í lok ágúst,
sérstaklega þegar hellingur af risastórum leikjum
eru rétt við það að koma út. En kallið mig þröngsýnt
svín, því Deus Ex Human Revolution er besti leikur
ársins hingað til og það þarf mikið til að slá þennan
af stallinum.
Leikurinn gerist árið 2027 eða 25 árum fyrir atburði
upprunalega Deus Ex leiksins og fara leikmenn í hlut-
verk Adam Jensen sem er yfirmaður öryggismála hjá
Sarif fyrirtækinu, en það fyrirtæki er nokkurskonar
Össur framtíðarinnar. Helsta markmið þeirra er að
setja ígræðslur í fólk til að hjálpa því að ná fullkomn-
um árangri. Í upphafi leiksins verður fyrirtækið
fyrir hryðjuverkaárás sem endar með því að kærasta
Adams deyr og hann sjálfur slasast lífshættulega.
Færustu vísindamenn Sarif tjasla Adam saman
með nýjustu tækni og þarf okkar maður að finna
út úr hvað gerðist og hverjir beri ábyrgð á þessum
illverkum.
Deus Ex Human Revolution er blanda af skot- og
hlutverkaleik sem spilast í fyrstu persónu. Sögu-
þræðinum er skipt upp í nokkur verkefni sem
leikmenn ráða algjörlega hvernig þeir leysa og eru
þar ótrúlega margir möguleikar. Leikmenn geta valið
að leysa allt með brjáluðum látum og skjóta á allt
sem hreyfist eða með því að læðast um og komast
óséðir á endapunktinn og svo allt þar á milli. Í hverju
verkefni fá leikmenn XP stig og geta þeir notað þau
til að uppfæra Adam á marga vegu, t.d. að láta hann
þola meiri skaða, hlaupa hraðar, vera betri í að tala
við persónur leiksins, fá betri sjón og margt fleira
sem hjálpar honum við verkefni leiksins.
Á milli þess sem maður læðist um eða lætur byss-
urnar tala þarf Adam að tala við persónur leiksins og
þarf maður að vanda sig þar vel því það getur skipt
miklu máli um útkomuna hvernig samtölin þróast.
Einnig eru í leiknum „hacking“ smáleikir þar sem
leikmenn geta hakkað sig inn í öll kerfi og er það
skemmtileg tilbreyting inn á milli.
Grafíkin í leiknum er mjög metnaðarfull og gaman
að sjá leik sem spreyjar metnaði hvert sem litið er.
Talsetningin er í góðu meðallagi, en leikurinn er
stútfullur af grjóthörðum stereótýpum og passar
það honum mjög vel. Tónlistin er
kröftug og skapar mikla spennu,
en hún keyrist upp í takt við
hasarinn.
Það gleður mig alltaf þegar ég
sé metnað lagðan í tölvuleiki,
en Deus Ex Human Revolution
hefur sjaldséðan metnað sem
ég hvet alla til að upplifa aftur
og aftur og aftur og aftur...
Ólafur Þór Jóelsson
MANNESKJA 3.0
Tegund: Skot-
og hlutverkaleikur
PEGI merking: 18+
Útgefandi: Square Enix
Dómar: Gamespot 8,5 af 10 /
IGN 9 af 10 / Eurogamer 9 af 10
Deus Ex Human
Revolution
TÖ LV U L E I K U R
Einar Lövdahl Gunnlaugsson
einar@monitor.is
ORÐ Í BELG
Ítæp tvö ár hefur undirritaður fylgst meðákveðinni tónlistarstefnu ryðja sér tilrúms hérlendis. Hún er þó ekki endilega
í uppáhaldi hjá undirrituðum, heldur er
ég einfaldlega áhugamaður um íslenska
tónlistarsenu. Tónlistarstefnan er sennilega
ein sú vinsælasta í hinum stóra heimi
handan Atlantshafsins og á meðal leiðtoga
stefnunnar þar á bæ eru risanöfn á borð
við Beyoncé og Justin Timberlake. Ég á að
sjálfsögðu við svokallað „R&B“.
Frumkvöðull þessarar tónlistarstefnu hér áFróni er án nokkurs vafa Friðrik Dór. Senneru liðin tvö ár frá því hann smellti lagi sínu,
Hlið við hlið, á YouTube og síðan þá hafa
rúmlega 213 þúsund manns hlustað
á lagið þar. Ef til vill mætti segja
að fyrstu viðbrögð landans við
laginu hafi verið blendin, enda
ekki vanur að heyra álíka tónlist
sungna á íslensku, en í dag eru
vinsældir Friðriks ótvíræðar. Það
verður að teljast virðingarvert
hvernig honum hefur tekist
að snúa hinum hörðustu
tónlistargagnrýnendum á sitt band
og stimplað sig sem metnaðarfullan
poppara með það að markmiði að semja
grípandi lög sem gleðja fólk.
Frá því Friðrik braut ísinn hafa fleiri íslenskirR&B-tónlistarmenn litið dagsins ljós þóttenn hafi enginn komist með tærnar þar sem
hann hefur hælana, þó kannski að undanskildum
grínlögum Steinda Jr. sem einnig hafa notið
virkilegra vinsælda. Friðrik hefur allt til brunns að
bera til að jafnast á við R&B-stjörnur Hollywood-
heimsins sé frátalinn einn þáttur. Hann á nefnilega
enn eftir að sýna sig og sanna sem dansari.
Usher, Chris Brown og Justinarnir Timberlakeog Bieber – allt eru þetta R&B-kynbræðurFriðriks sem allir eiga það sameiginlegt
að vera afbragðsgóðir dansarar. Á tónleikum
spilar reyndar dans sennilega álíka stóra rullu
í sviðsframkomu þeirra og
söngurinn. Í hinum harða heimi
vestanhafs er nefnilega ekki
nóg að vera sætur og með
góða rödd, það er skilyrði að
poppstjarnan geti dansað
líka.
Það er engum blöðum umþað að fletta að dansinner lykillinn að áður
ófundnum hæðum hjá íslenskum
R&B-listamanni. Daginn sem popparinn
hafnfirski færi að tjútta á sviði, jafnvel í flottri múnd-
eringu með míkrófón á spöng um hausinn til að geta
nýtt allan búkinn í dans, er ljóst að hann myndi
ekki eingöngu trylla hverja einustu unglings-
stúlku landsins, hann myndi nefnilega
líka gleðja hjarta yðar
einlæga.
Vissulegaþarfdirfsku
til að bænheyra
mig í þessu tilfelli
en að sama skapi
myndi þetta án efa
færa umrædda tónlistar-
stefnu á næsta þróunarstig,
því er þetta vonandi
einungis spurning um
hvenær en ekki hvort.
Ég veit að Friðrik ætlaði
ekki að dansa en úr
því hann er kominn í
gírinn þá er áskorun
mín skýr: Hér
kemur bassinn,
hrist’á þér
rassinn, maður!
Ætlaðir þú ekki að dansa?
Nokica C5-03
39.990 kr.
GPS og OVI maps
5 MP myndavél
3G og WiFi
Nokica X3-02
29.990 kr.
Snertiskjár og lyklaborð
5 MP myndavél
3G og WiFi
Kaupauki
200MB
gagnamagn
eða Risafrelsi
Kaupauki
200MB
gagnamagn
eða Risafrelsi
vodafone.is
Í skólann
Flottir símar á frábæru verði
í verslunum Vodafone