Monitor - 01.09.2011, Page 14
14 Monitor FIMMTUDAGUR 1. SEPTEMBER 2011
Það ætlaði allt um koll að keyra þegar Monit-
orTV sýndi myndskeið frá uppistandi þínu þar
sem þú gerðir grín að lagi með Á móti sól. Í
kjölfarið fórstu að skemmta mikið í veislum og
öðrum uppákomum. Er ekkert steikt að þurfa að
vera fyndinn hjá einhverju liði sem þú þekkir
ekki neitt?
Jú, það er mjög steikt en skemmtilegt. Þetta er
eiginlega mesta áskorun sem ég hef tekist á við af
því að maður gerist ekki meira nakinn en þegar
maður labbar einn inn í stóra veislu hjá fólki sem
maður þekkir ekki neitt, ætlar að fá athygli hjá
öllum og láta fólkið hlæja að sér. Þetta er hundrað
prósent þú og þú ert ekki með hljómsveit,
tökuvélar eða neitt álíka með þér. Þetta er bara þú
og míkrófónn og drullastu til að vera fyndinn!
Nú eru búnir tveir þættir af Týndu kynslóðinni
og sá þriðji líklega gott sem tilbúinn. Stenst
sjónvarpið væntingar þínar?
Já, hiklaust. Það eru líka forréttindi að vinna við
að tala við skemmtilegt og áhugavert fólk og búa
til skemmtiefni með því. Mér finnst líka gaman
að gera verkefni sem maður fær mikil viðbrögð
við. Hjá Monitor fékk ég mikil viðbrögð og í
sjónvarpinu fæ ég enn sterkari viðbrögð. Þar
er ég sjálfur meira í sviðsljósinu sem mér
finnst skemmtilegt að takast á við. Það er
líka hollt að fá gagnrýni á sjálfan sig því
að maður vill verða betri í öllu sem maður
gerir. Ég held að það skili sér í þættinum
hvað við erum að skemmta okkur vel við
að gera þetta. Mér finnst algjört lykilatriði
að hafa gaman af því sem maður er að
gera. Um leið og manni þykir leiðinlegt í
starfinu sínu þá á maður að hætta, ekki
spurning.
Sem ritstjóri Monitor gafstu út blað
vikulega og núna þarftu að senda þátt í
loftið í hverri viku. Er ekkert óþægilegt að
vera undir svona pressu 52 sinnum á ári?
Maður myndi kannski halda það en svo þegar
ég fer í sumarfrí og það er engin pressa þá geri ég
ekki rassgat. Svona finnst mér lífið mest spenn-
andi, þegar maður er stöðugt á tánum. Ég vinn
best undir pressu.
Er ekki ljúft að eiga skilningsríka og fallega
kærustu þegar álagið er mikið?
Jú, það er rosalega ljúft. Stundum er mikið stress
og álag og þá er hvergi betra að vera en í örmum
hennar.
En stenst bíllinn þinn álagið?
Nú ertu að vísa til Bláu þrumunnar sem er
Toyota Corolla árgerð 1997 sem ég er búinn að
eiga síðan ég fékk bílpróf fyrir tíu árum. Hún
hefur lifað tímana tvenna en mig langar mikið að
eiga þennan bíl að eilífu. Pabbi er alltaf að spyrja
hvort ég vilji ekki fá mér nýjan bíl en ég ætla
frekar að skipta bara um vél eða eitthvað. Það er
einfaldlega svo gott að sitja í þessum bíl að það
bætir alveg upp fyrir það að hann er kraftlaus
og við það að liðast í sundur. Ég vil vera grafinn í
þessum bíl í risagröf. Líkkistan þarf þá að vera
á stærð við gám. Jarðarförin verður styrkt
af Eimskip. Það ætti að vera auðvelt
að selja auglýsingar út á jarðarförina ef þátturinn
gengur vel.
Finnur þú fyrir því að þú sért að verða þekkt
andlit?
Ég finn að fólk horfir meira á mig en áður en ég
hugsa samt alltaf að það sé vegna þess að það sé
að hugsa: „Var þessi gaur ekki að vinna með mér
í Byko fyrir nokkrum árum?” Fólk er ekkert byrjað
að tjalda fyrir utan heimilið mitt ennþá. Ég held
að menn séu almennt mjög rólegir yfir mér.
Er ekki erfitt að vera sætur sjónvarpsmaður?
Þarftu ekki að líta alltaf út eins og á skjánum?
Setja í þig gel og farða þig jafnvel á morgnana?
Jú, ég er einmitt farinn að vakna klukkan fimm á
morgnana til þess að farða mig fyrir vinnu. Nei, ég
hef ekki pælt sérstaklega í þessu. En ég hef alltaf
haft gaman af fólki sem verður ruglað þegar það
verður frægt og ég hefði lúmskt gaman að því að
verða hægt og rólega að einhverju fríki, eins og
Boy George. Vonum samt að það gerist ekki strax.
Hvar sérðu þig eftir 5 ár?
Gamli framtíðardraumurinn minn var að
stýra skemmtilegum sjónvarpsþætti og ég er
að lifa þann draum núna. Ég á eftir að uppfæra
framtíðardrauminn, en ég á von á því
að ég vilji vinna áfram í sjónvarpi
og í skemmtanaiðnaðinum og því
tengdu. Stóri draumurinn minn er
samt að eignast svín. Ef ég gæti
búið í húsi með stóran garð
sem býður upp á vera með
svín þá yrði ég ákaflega
hamingjusamur.
Þetta er
bara þú
og míkrófónn og
drullastu til að
vera fyndinn!
HVORT MYNDIR ÞÚ?
Borða svín í hvert mál eða drekka Nupo Létt það
sem eftir lifir? Nupo Létt? Er árið 1993? Ég vel það
samt framyfir svínið því ég borða ekki svínakjöt.
Giftast og stunda kynlíf einu sinni í mánuði eða
stunda eins mikið kynlíf og þú vilt með ljónynju?
Þráhyggja núverandi ritstjóra Monitor fyrir
kynlífi með ljónynjum er áhyggjuefni. Ég vel þó að
sjálfsögðu ljónynjuna.
Fá Bo eða Bubba til að syngja í brúðkaupinu
þínu? Bo. Svo myndi ég fá hann til að kynna alla
dagskrárliði í athöfninni með Stöð 2-röddinni sinni.
„Hér rétt á eftir, brúðurin gengur
inn kirkjugólfið. En mun hún segja
já? Farið ekki langt.”
Borða hádegisverð með Michael
Jordan eða Pele? Michael Jordan.
Það sem vinnur helst gegn Pele í
þessari spurningu er að móðurmál
hans er portúgalska og svo held
ég að hann borði Pizza Hut í öll
mál.
Vilja festast í líkama Gillz eða
Gareth Bale? Gareth Bale. Þegar
ég hugsa um það þá væri ég mjög
mikið til í að festast í líkama Gareth Bale.
Kjósa að fá alla kosti Hemma Gunn eða Loga
Bergmanns? Þessi er erfið. Hemmi getur hlegið í
hálftíma án þess að anda en Logi er með einhverja
karlmannlegustu rödd vesturheims, enda var hann
í læri hjá Marlboro-manninum. Hér verð ég að
úrskurða jafntefli, enda tveir öðlingar á ferð sem
eru mörgum góðum kostum gæddir.
Fara til Alicante með tengdafjölskyldunni eða til
Las Vegas með öllum bestu vinum þínum? Væri
ekki eitthvað að mér ef ég myndi ekki velja Las
Vegas-ferðina? Annars myndi tengdamóðir mín
örugglega drekka mig og alla vini mína undir borðið
ef hún kæmi með til Vegas.