Monitor - 22.09.2011, Blaðsíða 7

7FIMMTUDAGUR 22. SEPTEMBER 2011 Monitor
endur stöðvanna að hér væri á ferðinni ný
gróðamaskína og því hófu þeir að spila tónlist
í anda Nirvana. Myndin af unga barninu sem
seilist eftir dollaraseðlinum er því táknræn
því plötufyrirtækin og útvarpsstöðvarnar
virtust vera að leika sama leik.
Á svið í hjólastól
Ein af eftirminnilegustu framkomum
Nirvana var þegar þeir voru aðalbandið á
Reading-tónlistarhátíðinni árið 1992. Sterkur
orðrómur hafði verið á sveimi um slæma
heilsu Cobain og margar fréttir höfðu birst um
eiturlyfjafíkn hans. Sökum þessa var innkoma
hans á hátíðina áhrifamikil þegar hann kom
rúllandi inn á svið í hjólastól. Nirvana var
orðið stórt nafn og Cobain gat komist upp
með alls kyns framkomu. Skömmu eftir
hjólastólauppákomuna kom hljómsveitin
fram á VMA-verðlaunahátíð MTV þar sem
Cobain stalst til að spila upphafið að laginu
Rape Me en aðstandendur hátíðarinnar höfðu
áður bannað honum að spila lagið. Eftir
upphafsstefið fóru þeir yfir í lagið Lithium og
hirtu svo seinna um kvöldið verðlaun fyrir
besta „alternative“-myndbandið og sem besti
nýliðinn.
Snar endir
Nirvana fylgdu eftir Nevermind með
plötunni In Utero sem þeir gáfu út í septemb-
er árið 1993. Sú var ekki eins poppuð og Ne-
vermind en seldist þó mjög vel og stökk beint
í fyrsta sæti Billboard-listans. Í nóvember
sama ár komu þeir mörgum á óvart þegar þeir
samþykktu að taka þátt í órafmagnaðri tón-
leikaröð MTV. Þar sýndu þeir gæði laga sinna
því að hálfnakin lögin fengu áheyrendur til að
heyra vel hve sterkar laglínur þau höfðu að
geyma. Kurt Cobain var oft talinn talsmaður
X-kynslóðarinnar svokölluðu en sú staða og
frægð hans og frami ollu honum miklu hug-
arangri og þunglyndi. Smám saman varð fíkn
hans meiri og var tónleikaferð Nirvana um
Evrópu aflýst að hluta eftir að hann fannst
meðvitundarlaus á hótelherbergi sínu eftir að
hafa blandað saman óhóflegu magni af lyfjum
og áfengi. Cobain fór í meðferð í Seattle en
gafst upp á innan við viku og flúði meðferðar-
heimilið. Viku seinna, þann 8. apríl árið 1994,
fannst hann svo látinn á heimili sínu í Seattle
eftir að hann hafði stytt sér aldur.
Goðsögnin lifir
Dauði Kurt Cobain hjúpaði Nirvana í fortíð-
arþrá og á augabragði urðu meðlimir Nirvana
holdgervingar breytingarinnar á tónlistarsen-
unni eins og hún leggur sig. Þeir opnuðu dyr
margra neðanjarðarlistarmanna að poppsen-
unni og kenndu fólki að allar stærðir og form í
tónlistinni eiga möguleika á að ná langt. Hroki
þeirra og oft og tíðum húmor gerði þá spenn-
andi og hvatti aðra til að vinna með tónlist
í alls kyns áttir. Þeir gáfu tilraunarokkurum
von og veittu um leið poppsenunni mikilvægt
aðhald. Kurt Cobain var 27 ára þegar hann dó.
Merkileg tala þessi 27.
GRUNGE
Þegar talað er um Grunge-tónlistarstefnuna
er Nirvana yfirleitt nefnd í sömu andrá ásamt
hljómsveitinni Pearl Jam. Stefnan á upptök sín
í Seattle í kringum miðjan áttunda áratuginn.
Grunge þýðir í lausri þýðingu eitthvað sem er
óhreint og lýsir það vel mengaða rafmagnsgítar-
hljómnum sem einkennir stefnuna. Oftar en ekki
er rafmagnsgítarinn gerður óhreinn með mikilli
hljóðbrenglun eða „distortion“ og endurkastið
frá magnaranum er gjarnan notað í miklum mæli.
Stefnan er undir áhrifum frá harðkjarna pönki og
þungarokki en er þó yfirleitt lágstemmdara og
takturinn er hægari í Grunge-stefnunni.
NIRVANA ALVEG
GRJÓTHARÐIR
Ertu námsmaður?
Viltu leigja stóra íbúð
fyrir lítinn pening?
Á Ásbrú í Reykjanesbæ eru rúmgóðar og vel búnar
námsmannaíbúðir sem ætlaðar eru einstaklingum,
pörum eða fjölskyldufólki sem stundar nám hvort
sem er í staðnámi eða fjarnámi, hjá Keili eða
í öðru háskólanámi á höfuðborgarsvæðinu.
Íbúðirnar eru allar rúmgóðar og aðstaða eins og best
verður á kosið. Svæðið er mjög fjölskylduvænt og öll
helsta þjónusta í seilingarfjarlægð, s.s. líkamsræktarstöð,
veitingastaður, grunnskóli og leikskólar.
Gjaldfrjálsar rútuferðir eru milli Ásbrúar og Reykjavíkur.
Nánari upplýsingar er að finna á vefslóðinni: www.keilir.net/keilir/nemendaibudir
Einnig má hafa samband við húsnæðissvið Keilis í síma 578 4000.
Dæmi um íbúðir og leiguverð
3 herbergja íbúðir 106 - 110 m2 69.081 kr.
4 herbergja íbúðir 135 - 145 m2 85.979 kr.
5 herbergja íbúðir 164 - 182 m2 104.659 kr.
6 herbergja íbúðir 203 - 210 m2 123.065 kr.
Innifalið er sjónvarp og internet.