Monitor - 20.10.2011, Blaðsíða 6
FLOTTASTA
Af einhverjum ástæðum
og fyrir algjöra tilviljun
er ég búin að vera
að kaupa gylltar eða
silfurlitaðar flíkur mikið
undanfarið. Gulllitaður
vintage-kjóll með kögri
úr Rokki & rósum er
búinn að vera í miklu
uppáhaldi frá því ég
fékk hann. Algjör
glamúrkjóll.
6 Monitor FIMMTUDAGUR 20. OKTÓBER 2011
stíllinn
Hvernig myndir þú lýsa stílnum
þínum í fimm orðum?
Þægilegur, klæðilegur, fjölbreytilegur, retró, smá
rokkaður.
Hver er uppáhaldshönnuðurinn þinn?
Ég hef alltaf verið rosa hrifin af Alexander
Wang og svo líka The Row sem Olsen-
systurnar eru með.
Hversu mörg skópör átt þú?
Ég er nú ekki alveg með það á
hreinu, en myndi segja að það
væru ca. 15 pör sem ég nota
reglulega svo á ég skópör sem ég
nota aldrei eða þá mjög sjaldan.
Geng oftast í flatbotna eða þá í fyllt-
um hæl svona dagsdaglega í skólanum.
Svo frá því að ég fékk mér Jeffrey Campbell
Lita-skóna verða þeir oftast fyrir valinu þegar
ég kíki út, þeir eru mega háir og þægilegir.
Hvaða snyrtivöru gætir þú ekki verið án?
Reyni að mála mig sem minnst svona daglega,
en gæti ekki verið án MAC StudioFinish hyljara
og augnhárabrettara. Finnst rosa gott að setja
smá hyljara áður en ég fer út
og bretta upp augnhárin, bara
það að bretta þau getur gert
mikið þótt ég sé ekkert máluð.
Ef þú yrðir að fá þér tattú,
hvað myndir þú fá þér og
hvar?
Ég myndi aldrei fá mér
tattú en ef það væri upp á líf
og dauða myndi ég fá mér
eitthvað mjög lítið eins og stjörnu eða millinafn-
ið mitt June. Það væri líklegast á stað þar sem
enginn sæi eins og undir ilina.
Hvað telur þú vera „must have“ fyrir veturinn?
Ég er mikið í þykkum peysum, svo finnst mér
pelsarnir vera algjört möst fyrir veturinn og mjög
þykkir og langir treflar er líka sjúklega flottir og
góðir fyrir veturinn.
Jenný June Tómasdóttir er á sínu síðasta ári í Fjölbrauta-
skólanum við Ármúla. Jenný hefur brennandi áhuga á
tísku og leynist margt fallegt í fataskápnum hennar.
Stíllinn spjallaði við hana um fatastílinn,
förðun og hvað væri ómissandi fyrir veturinn.
fataskápurinn
Pelsarnir
algjört möst
ÞÆGILEGASTA
Hekluð hvít, frekar þykk peysa úr Spúútnik sem ég
get alltaf hent mér í. Passar við buxur og er líka
nógu síð til þess að fara í sokkabuxur eða leggings
við. Svona víðar peysur er eitthvað sem ég er
klárlega að fara að vera mikið í í vetur.
BESTA
Myndi segja að besta
flíkin mín væri örugglega
svarti leðurjakkinn minn
úr Warehouse sem ég er
búin að eiga í nokkur ár.
Get notað hann við öll
tækifæri þar sem hann
passar við allt. Það er
mjög þunnt leðrið í honum
sem mér finnst flottast
við hann og passleg sídd.
DÝRASTA
Æðislegur pallíettukjóll úr
All Saints sem ég fékk í
tvítugsafmælisgjöf til þess
að vera í við það tilefni.
ELSTA
Núna undanfarið er búið að
vera mikið um skó með þykkum
botni í staðinn fyrir hæl/fylltan
hæl. Í sumar var ég að gramsa
heima og leita að skópari þegar
ég rakst á svoleiðis skó sem
mamma mín á, sem hún er
reyndar löngu hætt að nota.
Brúnir með þykkum botni, 10
ára gamlir held ég.
NÝJASTA
Hvítur Acne-stuttermabolur og
háar flauelsbuxur úr Topshop. Ég
er rosa mikið fyrir að vera í hvítu,
er oft í þá annaðhvort hvítum
bol, skyrtu eða peysu og einmitt
við svartar buxur og bæti líka
stundum einhverju skarti við.