Monitor - 27.10.2011, Qupperneq 6

6 Monitor FIMMTUDAGUR 27. OKTÓBER 2011
Hljómsveitin Coldplay gaf út sína fi mmtu breiðskífu í
vikunni sem ber nafnið Mylo Xyloto. Monitor tók sam-
an fánýtan fróðleik um líf og starf hljómsveitarinnar.
Veit einhver
um hvað
Yellow er?
Kenndi Chris Martin
að drekka viskí
Tónlistarkonan Elíza Geirsdóttir Newman getur státað sig af því
ásamt fyrrum hljómsveit sinni, Bellatrix, að Coldplay hafi hitað upp
fyrir hana.
„Á þessum tíma vorum við í Bellatrix að fara í túr um Bretland og
Simon Williams, sem átti Fierce Panda, stakk upp á því að önnur
hljómsveit sem hann var líka með á sínum snærum færi með okkur.
Við hlustuðum á efni með hljómsveitinni og okkur fannst þetta
hljóma eins og einhverjir gamlir karlar. Þetta var mjög öðruvísi á
sínum tíma að vera með píanó og eitthvað þegar allir voru bara með
gítara. Þá var þetta sem sagt Coldplay. Við samþykktum þá og þeir
voru sem sagt „co-headline“ með okkur, við skiptumst á að vera aðal-
númer og upphitunarnúmer eftir
kvöldum,“ segir Elíza Geirsdóttir
Newman, tónlistarkona og fyrrum
söngkona hljómsveitarinnar
Bellatrix. „Þetta var mjög gaman
og við urðum mjög góðir vinir á
þessum túr. Þetta eru rosalega
fínir og góðir strákar, við vorum
algjörar grýlur við hliðina á þeim.
Við kenndum Chris Martin að
drekka viskí, hann var svona
voða rólegur gaur sem gerði
ekki neitt af sér. Á túrnum voru
hljómsveitirnar tvær með svona
keppni sín á milli, hvor ynni hvert
tónleikakvöld fyrir sig. Maður
vann sem sagt með því að fá fl eiri
aðdáendur og viðbrögð frá þeim,
með því að selja fl eiri boli og svoleiðis. Við unnum heildarkeppnina
á endanum, sem er frekar fyndið miðað við hvernig staðan er núna,“
bætir hún við og hlær. „Þeir voru frekar óreyndir á þessum tíma. Þó
svo að við höfum verið á svipuðum aldri og þeir þá höfðum við nátt-
úrlega gefi ð út þrjár plötur á þessum tíma þannig að þeir voru dálítið
að fá ráðleggingar frá okkur í hinu og þessu.“ En hvernig er að líta til
baka og hugsa til þess að ein stærsta hljómsveit samtímans hafi verið
að hita upp fyrir sig fyrir rúmum áratug? „Mér fi nnst það æðislegt,
einmitt af því að ég veit hvernig gæjar þetta eru. Þeir eiga þetta alveg
skilið, hafa unnið eins og vitleysingar og eru mjög metnaðargjarnir. Í
mínum huga er þetta góð lífsreynsla.“
Yellow samið um Elízu?
Efl aust myndu ýmsir aðdáendur um heim allan gefa ansi margt
fyrir að fá að umgangast þá Chris Martin og félaga í Coldplay, en hve-
nær hitti Elíza þá síðast? „Ég hitti þá síðast á einhverjum tónleikum
í Leeds fyrir nokkrum árum en annars heyrir maður ekkert í þeim.
Við héldum aðeins sambandi eftir túrinn en upp á síðkastið hefur
þetta orðið algjört súperstjörnudót svo maður er ekki beint að hanga
í pilsinu þar. Ég fylgist bara með þeim úr fjarlægð.“ Allir áhugamenn
um hljómsveitina Coldplay kannast við lagið Yellow, en það er jafnan
talið lagið sem þeir slógu endanlega í gegn með. Höfundur lagsins,
Chris Martin, segist sjálfur ekki vita um hvað lagið sé í raun og veru.
Erlendis segja menn að textinn sé innblásinn af gulu síðunum í
símaskránni en hérlendis hefur sú saga gengið tónlistaráhugamanna
á milli að lagið sé hvorki minna né meira en samið um Elízu. „Ég hef
heyrt þessa sögu líka en get ekki staðfest hana. Það væri voða gaman
ef þetta væri satt en ég segi ekki meira en það,“ segir hún í léttum
tón.
Hafnaði Coldplay
Haraldi Frey Gíslasyni, Pollapönkara með meiru, bauðst að gerast
trommuleikari Coldplay skömmu áður en sveitin skaust upp á
stjörnuhimininn. Hann afþakkaði pent og þykir honum reyndar
ekki mikið til tónlistar þeirra koma.
„Þegar Coldplay voru ekki ennþá
búnir að gefa út Parachutes, þá
fékk ég sem sagt bréf frá þeim í
pósti, eða umboðsmanni þeirra.
Anna Hildur Hildibrandsdóttir,
sem núna er hjá ÚTÓN, hafði
verið eitthvað í tengslum við
Coldplay og bent þeim á mig. Þeir
höfðu nefnilega rekið trommar-
ann sinn á þessu tímabili, sem
varð reyndar aftur trommari
bandsins síðar, svo þá vantaði
trommara til að túra með þeim
um Bretland þarna áður en Para-
chutes kom út, þetta var árið 1999
að mig minnir. Þeir sendu mér
eitthvað demó og spurðu hvort
ég væri til í að taka þennan túr,“ segir Haraldur Freyr Gíslason, oft
kenndur við Botnleðju og Pollapönk. Hann segir að líklega hafi þeir
fengið að heyra eitthvað efni sem hann hafði spilað með Botnleðju
en þetta var skömmu eftir að sú hljómsveit hafði túrað um Bretland.
Hann segist ekki eiga þetta sögulega bréf varðveitt neins staðar. „Þeir
sendu mér demó af lögum sem fóru síðan á Parachutes. Ég sagði bara
nei, mér fannst þetta ógeðslega leiðinlegt efni. Þessi demó fannst mér
ekki góð en þessi lög heppnuðust reyndar töluvert betur í endanlegri
útgáfu á plötunni. Mér fannst reyndar Parachutes ágætisplata en mér
fi nnst restin með þeim bara drasl og fi nnst Coldplay mjög leiðinleg
hljómsveit.“ Er það að hafa verið boðið að tromma með sveit sem
er eitt stærsta nafnið í poppbransanum í dag sem sagt ekki eitthvað
sem maður montar sig af? „Ég hvorki monta mig af þessu né neita
þessu, þetta er bara eitthvað sem kom upp. Ég væri ekki til í að vera
trommuleikari Coldplay í dag og hefði ekki viljað taka þátt í þessu.
Þetta er ekki tónlist sem höfðar til mín en samt sem áður fannst mér
Parachutes fín plata, eins og ég segi.“ elg
Parachutes
Útgáfudagur: 10. júlí 2000
Seld eintök: 7,5 milljónir.
Smáskífur af plötunni:
Shiver, Yellow, Trouble og
Don‘t Panic.
- Útnefnd plata ársins á Brit-verðlaununum árið 2001.
- Útnefnd plata ársins í fl okki „alternative albums“ á
Grammy-verðlaununum árið 2003.
A Rush of Blood
to the Head
Útgáfudagur: 26. ágúst 2002
Seld eintök: Rúmlega 12 milljónir.
Smáskífur af plötunni: In My Place, The Scientist,
Clocks, God Put a Smile upon Your Face.
- Útnefnd plata ársins í fl okki „alternative albums“ á
Grammy-verðlaununum árið 2003.
- Inniheldur lagið Clocks sem var útnefnd lag ársins á
Grammy-verðlaununum 2004.
(Sölutölur eru fengnar af Wikipedia.)
Meðlimir hljómsveitarinnar kynntust allir í University College London.
Þar var Chris Martin í fornaldarsögu,
gítarleikarinn Johnny Buckland var í
stærð- og stjörnufræði, trommarinn
Willy Champion lærði mannfræði og Guy
Berryman var í verkfræðinámi.
Bassaleikari Coldplay, Guy Berryman, er örvhentur en spilar á bassann sem
rétthentur.
Chris Martin hefur aldrei gefi ð út um hvað lagið Yellow er. Í viðtölum hefur
hann alltaf sagst ekki hafa hugmynd en
sumir hérlendis hafa sagt lagið samið um
Elízu í Bellatrix (sjá viðtal við Elízu).
Hljómsveitin hefur skrásett sérstakar hljómsveitarreglur sem hún verður
að fara eftir. Þar stendur meðal annars
að plötur megi ekki vera lengri en 42
mínútur og innihalda í mesta lagi níu lög.
Þar stendur líka að tölvur séu hljóðfæri,
ekki upptökutæki, að þeir skulu alltaf
halda ákveðinni dulúð og fara því ekki í
of mörg viðtöl og að bannað sé að neyta
fíkniefna. Neyti einhver fíkniefna verður
hann að hætta í hljómsveitinni, sam-
kvæmt reglunum.
Þegar hljómsveitin vinnur að plötu krota þeir hugmyndir sínar að textum
á hvítan fl ygil í húsnæði þeirra. Þegar
platan hefur verið kláruð mála þeir
fl ygilinn upp á nýtt svo þeir geti byrjað
aftur frá gunni fyrir næstu plötu.
Trommari Coldplay, Will Champion, hafði aldrei spilað á trommur áður
en hann gekk til liðs við hljómsveitina á
nítján ára afmælisdaginn sinn. Hann var
rekinn úr hljómsveitinni árið 1999 (sjá
viðtal við Harald Frey hér til hliðar) en
var síðan beðinn um að snúa aftur eftir
skamma stund.
Chris Martin er sagður hafa samið lagið Fix You handa Gwyneth Paltrow
þegar faðir hennar féll frá.
Hljómsveitin átti upphafl ega að heita Starfi sh þar til þeir fengu hugmynd-
ina að nafninu Coldplay frá vini þeirra.
Í myndbandinu við lagið The Scientist sést Chris Martin ferðast aftur á bak
í gegnum dramatíska atburðarás. Fyrir
myndbandið þurfti hann að læra að fara
með texta lagsins aftur á bak, sem er sagt
hafa tekið hann mánuð. Myndbandið
sópaði til sín verðlaun á MTV-verðlaun-
unum árið 2003, meðal annars sem
myndband ársins.
Gítarleikarinn Joe Satriani höfðaði frægt mál gegn Coldplay á þeim
forsendum að þeir hefðu stolið melódíu
hans úr laginu If I Could Fly og notað í
laginu Viva la Vida. Coldplay höfnuðu því
með öllu og var málið fellt niður eftir að
málsaðilar komust að samkomulagi utan
dómsalar.
Hljómsveitin neitar að leyfa notkun á tónlist sinni til að auglýsa söluvarn-
ing heldur einungis fyrir kvikmyndir,
sjónvarpsþætti eða annað slíkt efni.