Monitor - 27.10.2011, Síða 21
21 FIMMTUDAGUR 27. OKTÓBER 2011 Monitor
Mér hefur alltaf þótt gaman að rifja upp gamla tíma en þeir sem mig þekkja vita að ég er mikill fortíðarþrárseggur. Í þeim efnum fi nnst mér
hvað skemmtilegast að rifja upp æskuminningar. Þegar
ég var lítill ætlaði ég lengst af að verða atvinnumaður í
knattspyrnu og jafnvel leikari í hjáverkum. Í því samhengi
var ég heltekinn af fótbolta og lék mér þar af leiðandi mikið
með bolta. Ég lék mér þó ekki einungis með bolta því þess
á milli lék ég mér sýknt og
heilagt með leikfangakarla,
leikfangavopn og í tölvu-
leikjum.
Fyrir skemmstu varð mér hugsað út í þessa leiki sem maður lék sér í. Við kölluðum það að leika okkur með vopnin „byssó“, eins og
algengast er. Þá áttum við vinirnir hinar ýmislegu
skammbyssur og riffl a, jafnvel sérstakar James Bond-byss-
ur, ásamt fornaldarlegri vopnum eins og víkingasverðum og
öxum. Leikurinn með hasardúkkurnar var kallaður „kölló“.
Þar stillti maður gjarnan upp Spiderman gegn
einhverju hrottalegu illmenni eða tefl di fram
strumpi á móti Batman og lét þá berjast fram í
rauðan dauðann. Í tölvuleikjadeildinni byrjaði
maður í Super Mario þegar maður var ennþá
undir einum metra á hæð en seinna urðu
leikirnir fl óknari. Þá voru spilaðir íþróttatölvu-
leikir og jafnvel byssuleikir, þegar stóri bróðir
leyfði manni að prófa. Í öllum þessum leikjum
gat maður skemmt sér tímunum saman, jafnt
með vini sínum eða bara einn með sjálfum sér.
Síðast þegar ég heimsótti þessar minningar var það reyndar á merki-lega dramatískum forsendum. Það
voru sorglegu fréttirnar sem manni eru
færðar í sjónvarpsfréttum sem fengu
mig til að pæla í þessum leikjum.
Það voru fréttir frá stríðshrjáðum löndum, þar sem fólk
er skotið í sundur og sprengt í tætlur. Fólkið er oftast nær
blásaklaust en býr einfaldlega við þær ömurlegu aðstæður
að vera fætt inn í þennan heim á stríðshrjáðum slóðum.
Í ljósi þessa getur maður ekki annað en velt fyrir sér hvort það sé ekki hálfbrenglað að litlir strákar uppi á hinu friðsæla Íslandi leiki sér að því að ímynda sér að
þeir séu í stríði. Bakgarður besta vinar míns varð ófáum
sinnum blóðugur vígvöllur, ég skemmti mér konunglega
við það að tæta vini mína í sundur með hríðskota-
byssu. Ég lék mér að því að drepa. Kölló-leikurinn var
líka oft og tíðum ansi ofbeldisfullur þar sem Spider-
man sleit jafnvel handleggina af Batman, beitti
aðferðum sem hörðustu stríðsglæpamenn létu sér
ekki detta í hug. Er ekki eitthvað klikkað við það?
Ég er ekki að mælast til þess að hætt verði að selja dótabyssur og Batman-karla úti í leikfangabúðum eða að sett verði á
laggirnar herferð til að börn leiki sér einungis með
bangsa og límmiðabækur. Ég veit líka að
þetta er engin nýlunda, pabbi minn lék
sér í kábojaleikjum og afi minn hefur
efl aust stundum þóst vera breskur
dáti í seinni heimsstyrjöldinni. Ég er
einfaldlega að varpa ljósi á hvað þetta
er klikkuð tilhugsun.
Þegar öllu er á botninn hvolft þakkar maður bara fyrir að koma frá landi sem þekkir
hvorki sverð né blóð. Á sama
tíma vonar maður bara að
þótt krakkar iðki svona leiki læri
þeir síðar og seinna meira að vera
þakklátir fyrir friðinn og geri ekki
lítið úr alvarleika hörmulegra hluta
eins og styrjalda. Ég hef reyndar
engar áhyggjur, enda er að minnsta
kosti enginn þessara vina minna
né ég orðinn hryðjuverkamaður eða
ófriðarsinni. Allavega ekki ennþá.
Einar Lövdahl Gunnlaugsson
einar@monitor.is
ORÐ Í BELG
Ég drap vini mína oft
FÖ
Ð
U
R
LA
N
D
IÐ
MIÐASALA Á MIDI.IS OG Í BRIM, LAUGAVEGI OG BRIM KRINGLUNNI
THE ENTIRELY TOO MUCH INFORMATION TOUR
HÁSKÓLABÍÓ 9. NÓVEMBER
KL 21:00
Geggjaði Jackassgrínistinn Steve O mun heimsækja okkur Íslendinga
í nóvember og vera með alveg brjálað uppistand í Háskólabíói.
The Entirely Too Much Information Tour er að mestu leyti uppistand,
þar sem Steve O fer á kostum með sprenghlægilegar sögur sínar.
Þeir sem þekkja Steve O vita að það er ekki langt í Jackasssprellið og
mun hann skella sér í einhver frábær áhættuatriði á sýningunni.
Steve O hefur ferðast um öll Bandaríkin, Evrópu og eins Ástralíu með
sýninguna The Entirely Too Much Information Tour og hefur hún alls
staðar slegið í gegn enda frábær skemmtun hér að ferð.