Monitor - 20.04.2011, Blaðsíða 6

„Geturðu ekki bara hringt þegar það
eru liðin tíu ár frekar?“ voru fyrstu
viðbrögð þegar blaðamaður rifjaði
upp með Magna að brátt væru liðin
fimm ár frá ævintýrinu vestanhafs.
„Mér finnst eiginlega eins og þetta hafi
verið í öðru lífi. Þetta er svona eins og
þegar maður fattar að maður sé ekki
lengur menntskælingur. Lífið manns
tekur ýmsum stökkbreytingum og
þetta gerðist fyrir svona tveimur
stökkbreytingum hjá mér,“ segir
Magni um hvernig Rock Star-ævintýrið
horfi við honum í dag.
„Eini maðurinn sem ég held
einhverju sambandi við er hann Toby.
Maður tekur Facebook-ið á hann
annað slagið,“ segir Magni en segist
að öðru leyti hafa misst samband
við hina keppendurna, enda erfitt að
halda sambandi við fólk sem býr í
annarri heimsálfu og öðru tímabelti.
Magni segir að rokkaranafnið
Magni-ficent lifi enn góðu lífi. „Ég þarf
svolítið að lifa við það, þessi frasi er
notaður á mig svona 40 sinnum í viku.
Fyrst var það Magni á móti sól en svo
tóku við Magni Rockstar, Magni okkar
Ásgeirsson eða Magni-ficent. Þetta eru
brandarar sem eru ódauðlegir og ég fæ
aldrei leiða á,“ segir hann hress með
kaldhæðnislegum tón. Hann segist
hins vegar sjálfur ekki hafa rifjað upp
frammistöðu sína úr þáttunum með
því að horfa á þá og bætir við: „Ef það
kemur einhvern tímann sá tími að ég
taki upp þessa DVD-diska sem ég á frá
þessu þá mun ég örugglega ekki eiga
DVD-spilara lengur, það verður komið
eitthvað annað format. Ég hugsa að
það sé það langt í að ég horfi á þetta.“
Þegar blaðamaður náði tali af Magna
var hann að láta hlúa að meiðslum
sem hann hafði orðið fyrir í Hárinu
en hann leikur í uppsetningu þess á
vegum Silfurtunglsins sem sýnd er
þessa dagana í Menningarhúsinu Hofi
fyrir norðan.
Áhugasamir eru hvattir til að athuga
sýningatíma á www.harid.is.
MAGNI
Kallaður Magni-ficent
40 sinnum í viku
Flestum er kunnugt að Lukas Rossi stóð uppi með pálmann í höndunum eftir
þáttaröðina. Í þáttunum var hann í svo miklu uppáhaldi ofurþremenninganna að ætla
mætti að þeir litu á hann sem draumason.
Líkt og lesa má framar í greininni gengu verkefni Rock Star Supernova ekki sem
skyldi og sagði Rossi skilið við ofurbandið. Síðan þá hefur hann gefið út sólóefni
aðallega í akústískum gír ásamt því að stofna nýja hljómsveit, Stars Down. Hljómsveit-
in tók upp plötu en gaf hana aldrei út að sögn Lukas Rossi vegna þess hve ósáttur hann
var með útkomuna.
Vesenið í kringum Supernova og félaga bar þó ávöxt fyrir ástarmál Rossi en Tommy
Lee kynnti hann fyrir ofurskutlu að nafni Kendra Jade sem hann giftist árið 2007.
Tommy Lee
kynnti hann fyrir ástinni
LUKAS ROSSI
HEIMALAND: KANADA
FÆÐINGARÁR: 1976
ÁRANGUR Í KEPPNINNI: 1. SÆTI
DILANA
Dilana þótti standa sig ótrúlega vel í þáttaröðunum og var lengst af talin sigur-
stranglegust. Með silfurmedalíuna í farteskinu hélt Dilana galvösk í hljóðver til að
taka upp plötuna InsideOut. Því miður fyrir hana strandaði útgáfusamningur hennar
við fyrirtækið sem ætlaði að gefa hana út og að lokum var annað fyrirtæki sem
keypti réttinn á plötunni en gaf hana eingöngu út á stafrænu formi.
Dilana gerði það gott með Magna á tónleikum Rock Star Supernova-húsbandsins
sem staldraði við í Laugardalshöll þar sem þau tóku saman kassagítarsett. Fyrir slíka
frammistöðu hlutu reyndar Magni og Dilana hlustendaverðlaun FM957 árið 2007.
Hún hefur einnig leikið í einni lítilli bíómynd í Bandaríkjunum en síðast spurðist til
hennar hér á Fróni þegar fjölmiðlar komust á snoðir um að hún væri í hljóðveri með
Þorvaldi Bjarna þar sem hún var ráðin til að syngja í íslenskri rokkóperu.
HEIMALAND: SUÐUR-AFRÍKA
FÆÐINGARÁR: 1972
ÁRANGUR Í KEPPNINNI: 2. SÆTI
Vann Hlustenda-
verðlaun FM957
TOBY RAND
HEIMALAND: ÁSTRALÍA
FÆÐINGARÁR: 1977
ÁRGANGUR Í KEPPNINNI: 3. SÆTI
Kynlífsráðgjafi með meiru
Frá því að Ástralinn Toby Rand keppti til úrslita í þáttunum hefur
eitt og annað drifið á daga hans. Þessi ágæta athygli sem söngvarinn
hlaut í kringum þættina kom sér vel fyrir hann og áströlsku rokk-
hljómsveit hans, Juke Kurtel, en þeir höfðu nýlokið við breiðskífu
um leið og þættirnir fóru í loftið. Í kjölfarið hitaði hljómsveitin upp
fyrir Rock Star Supernova á sínu tónleikaferðalagi en einnig fyrir
stórhljómsveitina Nickleback. Juke Kurtel hefur átt góðu gengi að
fagna í heimalandinu.
Toby hefur látið að sér kveða á öðrum sviðum en árið 2008 var
hann valinn einn af eftirsóttustu piparsveinum heimalandsins
í ástralska kvennablaðinu Cleo en einnig er hann viðmælandi í
bókinni „Sex Tips from Rock Stars“ sem kom út árið 2008.
STORM LARGE
HEIMALAND: BANDARÍKIN
FÆÐINGARÁR: 1969
ÁRANGUR Í KEPPNINNI: 5. SÆTI
8 mílna leggöng
Hin hávaxna Storm Large vakti athygli fyrir kraftmikinn karakter sinn í
þáttaröðinni en athygli vekur að hún var 37 ára þegar Rock Star-ævintýr-
ið átti sér stað. Storm átti sennilega eftirminnilegasta frumsamda lagið í
þáttunum en það var lagið Ladylike.
Frá því að leiðir hennar og þáttaraðarinnar skildu hefur Storm lítið látið
reyna á sólóferil í tónlist en hefur fengist við leiklist og er hún einmitt
menntuð leikkona. Hún gaf þó út tónlistarmyndband árið 2009 sem var
ansi sérstakt en lagið jafnvel enn athyglisverðara. Lagið heitir 8 Miles
Wide þar sem aðalinntak viðlagsins er það að leggöng hennar séu 8 míl-
ur á vídd. Af því litla sem annars finnst um Storm á netinu kemur fram
að hún sé tvíkynhneigð en kjósi helst að kalla sig „alætu í kynhneigð“
– hvað sem það nú þýðir!
6 Monitor MIÐVIKUDAGUR 20. APRÍL 2011
HEIMALAND: ÍSLAND
FÆÐINGARÁR: 1978
ÁRANGUR Í KEPPNINNI: 4. SÆTI