Austri - 29.05.1981, Blaðsíða 4
4
AUSTRI
Egilsstöðum, 29. maí 1981.
Tímamót í skólamálum
Austfirðinga
FRAMHALDSSKÓLINN í NESKAUPSTAÐ - KJARNASKÓLI
IÐN- OG TÆKNIMENNTUNAR Á AUSTURLANDI - TEKUR
TIL STARFA í HAUST
Þann 27. apríl sl. var mikið
framfaraspor stigið í skólamál-
um Austfirðinga, en þann dag
var undirritaður samningur á
milli Neskaupstaðar og Mennta-
málaráðuneytisins um skólahald
á frarnhaldsskólastigi í Nes-
kaupstað. Kveður samningurinn
á um að sérstakur framhalds-
skóli skuli stofnsettur í bænum
og skuli hann taka til starfa
næsta haust, eða í upphafi skóla-
árs 1981-1982. Á skólinn að bera
heitið Framhaldsskólinn í Nes-
lcaupsta'ð og á hann að verða
kjarnaskóli iðn- og tæknimennt-
unar á Austurlandi. Samkvæmt
samningum á þessi nýi skóli að
taka alfarið við starfsemi Iðn-
skóla Austurlands og Gagn-
fræðaskólans í Neskaupstað.
ÁSTÆÐUR SKÓLASTOFN-
UNARINNAR
Hingað til hefur verið boðið
upp á framhaldsnám í Neskaup-
stað af tveimur skólum. Iðnnem-
ar hafa stundað nám í Iðnskóla
Austurlands, en í framhalds-
deildum Gagnfræðaskólans hafa
þeir nemendur setið sem feng-
ist hafa við bóklegt nám. Nem-
endur, sem stundað hafa fram-
haldsnám í þessum skólum,
hvorum um sig, hafa verið fáir
og hefur nemendafjöldinn skor-
ið starfseminni þröngan stakk.
Vegna smæðarinnar hefur stað-
an gagnvart fjárveitingavaldinu
oft reynst erfið og ókleift að
bjóða upp á eins fjölbreytt nám
og æskilegt hefði verið.
Við stofnun Framhaldsskól-
ans, sem taka á alfarið yfir
starfsemi Iðnskólans og Gagn-
fræðaskólans, styrkist fram-
haldsnám í Neskaupstað til mik-
illa muna. Staðan gagnvart f jár-
veitingavaldinu batnar umtals-
vert og auðvelt ætti að vera að
auka námsframboð frá því sem
nú er. Allt byggist þetta á því
að Framhaldsskólinn verði
stærri en þeir skólar, sem hafa
boðið upp á framhaldsnám til
þessa. Aukið námsframboð ætti
að leiða til þess að nemendum
fjölgaði talsvert umfram þann
fjölda, sem hefur stundað nám
í framhaldsdeildum Gagnfræða-
skólans og í Iðnskóla Austur-
lands á því skólaári sem nú er
nýlokið.
UNDIRBÚNINGUR SKÓLA-
STARFSINS
Ekki er gert ráð fyrir því að
skólameistari verði ráðinn að
hinum nýja skóla fyrr en 1. á-
gúst nk. Fram að þeim tíma
munu skólastjórar Gagnfræða-
skólans og Iðnskólans, skólafull-
trúi og formaður nýstofnaðrar
skólanefndar annast umsjón
með því skipulags- og undirbún-
ingsstarfi, sem þarf að inna af
hendi áður en skólameistari hef-
ur störf.
HÚSNÆÐISMÁL
Framhaldsskólinn mun fá til
afnota allt það húsnæði sem Iðn-
skóli Austurlands hefur haft til
umráða á neðstu hæð nýju
sjúkrahússbyggingarinnar auk
Gagnfræðaskólahússins. Nú er
fyrsti áfangi þeirrar byggingar,
sem sérstaklega verður reist
með húsnæðisþarfir Framhalds-
skólans í huga, fokheldur. Er
þessi fyrsti áfangi glæsilegt
1340 m2 hús á þremur hæðum.
Stefnt er að því að taka hluta
hússins í notkun í upphafi skóla-
ársins 1982-1983.
Hafa verður hugfast að
Framhaldsskólinn mun fyrst í
stað annast kennslu þriggja
efstu bekkja grunnskólans (7.-
9. bekkur) og því mun það hús-
næði, sem skólinn fær til afnota,
ekki einvörðungu nýtt í þágu
fi’amhaldsnáms. Á það ber að
leggja áherslu að húsnæðisþörf
til kennslu á framhaldsskóla-
stigi er mikil og vegna mismun-
andi stærðar námshópanna
hentar Gagnfræðaskólahúsið illa
slíkri kennslu. Af þeim sökum
er afar brýnt að nýbyggingin,
sem nú er fokheld, komist öll í
gagnið hið fyrsta. Þegar því
markmiði er náð hlýtur bygging
verknámshúss að verða næsta
verkefni Framhaldsskólans í
húsbyggingamálum, áður en
hafist verður handa um að reisa
tvo síðari áfanga hússins, sem
ætlað er til bóklegrar kennslu.
MÖGULEIKAR AÐKOMU-
NEMENDA
Brýn nauðsyn er á því að
nemendur, sem koma að til að
stunda nám í skólanum, verði
sköpuð viðunandi aðstaða í
Neskaupstað. Iðnskóli Austur-
lands hefur á undanförnum ár-
um rekið heimavist fyrir 10-12
nemendur og mun Framhalds-
skólinn fá hana til afnota. Blas-
ir við að þessi heimavist dugir
hvergi til að fullnægja þörfinni.
Ljóst er að taka verður af festu
á heimavistarmálunum og finna
á þeim viðunandi lausn fyrir
haustið. Þá verður einnig að
taka til athugunar hvort ekki
reynist unnt að setja á laggirn-
ar mötuneyti í tengslum við
skólann.
NÁMSFRAMBOÐ
Framhaldsskólinn í Neskaup-
stað verður kjarnaskóli iðn- og
tæknimenntunar á Austurlandi
eins og fyrr greinir og verður
áhersla lögð á að hann ræki það
hlutverk sitt sem best. Hægt
verður að stunda nám á málm-,
tré-, og rafiðnbrautum við
Framhaldsskólann. Fyrir hendi
nú þegar er bráðabirgðahúsnæði
fyrir verknámsbraut tréiðna og
verður boðið upp á kennslu á
þeirri braut þegar næsta haust.
Leggja verður áherslu á að skól-
inn útvegi sér til bráðabirgða
verkkennsluhúsnæði fyrir aðrar
iðnbrautir á meðan hann hefur
ekki komið upp eigin húsnæði,
sem sérstaklega er ætlað til
slíkrar kennslu. Með því að
bjóða upp á eins til tveggja ára
verknámsbrautir ætti að vera
hægt að sameina kosti meistara-
kerfisins og verknámsskólans.
Reynsla annarra samsvarandi
skóla virðist sýna að slíkt fyrir-
komulag iðnnáms sé heppilegt.
Fljótlega ætti einnig að vera
hægt að starfrækja vélstjórnar-
braut fyrsta og annars stigs við
skólann svo og meistaraskóla
húsasmiða.
Nemendur sem stefna að
stúdentsprófi geta stundað nám
á öllum bóknámsbrautum í tvö
ár, en fyrst um sinn verður þó
megináhersla lögð á eftirtaldar
brautir:
Eins árs fiskvinnslubraut,
tveggja ára sjávarútvegsbraut,
tveggja ára íþróttabraut,
tveggja ára heilsugæslubraut og
tveggja ára viðskiptabraut.
Fyrir nemendur sem ekki
hafa náð grunnskólaprófi og
fyrir fólk, sem vill hefja nám að
nýju eftir hlé og vill rifja upp
helstu námsgreinar, mun Fram-
Með stofnun hins nýja fram-
haldsskóla í Neskaupstað verða
tímamót í sögu framhalds-
menntunar á Austurlandi með
svipuðum hætti og varð með til-
komu Menntaskólans á Egils-
stöðum. Hinum nýja skóla er
ætlað það veglega hlutverk m.a.
að vera brimbrjótur á sviði
verk- og tæknimenntunar á
Austurlandi. Eitt brýnasta verk-
efnið nú er að efla iðn- og tækni-
menntun í fjórðungnum. Til
þess að það verði að veruleika
þarf að styrkja stöðu hins nýja
skóla og bæta aðstöðu fyrir þá
nemendur utan Neskaupstaðar
sem óska að stunda þar nám.
Nú skiptir höfuðmáli að Aust-
firðingar snúi bökum saman og
horfi fram á veginn.
Framhaldsnám í fjórðungn-
um er skipulagt sem ein heild
enda þótt kennt sé á fleiri en
einum stað. Með því ei' reynt að
tryggja nemendum sem auðveld-
astan flutning milli skóla bæði
innan fjórðungsins og utan.
Framhaldsskólinn í Neskaup-
haldsskólinn bjóða upp á upp-
rifjunaráfanga (fornám).
HVERJIR GETA HAFIÐ
NÁM I FRA MHALD S SKÓL-
ANUM?
Allir þeir sem lokið hafa
grunnskólaprófi með framhalds-
einkunn geta hafið nám við
Framhaldsskólann, en nemend-
ur sem ekki hafa staðist grunn-
skólapróf geta hafið nám í upp-
rif j unaráf öngum (f ornámi).
Tekið skal fram að þeir sem
luku gagnfræðaprófi eða lands-
prófi fyrr á árum hafa sama
rétt til að hefja framhaldsnám
og þeir sem lokið hafa grunn-
skólaprófi og auk þess geta allir
sem náð hafa 18 ára aldri hafið
framhaldsnám án tillits til þess
hvaða fyrri menntun þeir hafa.
Það er alls ekki nauðsynlegt
að nemendur Framhaldsskólans
verði í fullu námi, heldur verður
möguleiki á því að stunda nám
í einstökum áföngum. Má segja
að þetta verði framlag skólans
til fullorðinsfræðslu og ættu
margir, sem ekki hafa tök á að
helga sig námi alfarið, að eiga
möguleika á að bæta menntun
sína með þessum hætti.
HVAÐ TEKUR VIÐ AÐ
LOKNU NÁMI í FRAM-
HALDSSKÓLANUM?
Framhaldsskólinn í Neskaup-
stað mun starfa eftir námsvísi
fjölbrautaskóla og munu því
nemendur hans eiga greiðan að-
gang að skólurn, sem starfa eft-
ir sama námsvísi, að námi í
Framhaldsskólanum loknu. Má
þar nefna skóla eins og Mennta-
skólann á Egilsstöðum, Fjöl-
brautaskólann á Akranesi, Fjöl-
framhald á bls. 3
stað er hluti af þessari heild og
lýtur námsstjórn stjórnunar-
nefndar framlialdsskólastigsins
á Austurlandi, en í henni sitja
skólastjórarnir auk fræðslu-
stjóra. Frá stofnun nefndarinn-
ar 7. júní 1979 hefur samræm-
ing námsins og samstarf skól-
anna smám saman verið að mót-
ast með dyggri aðstoð kennara
og nemenda. í þeim efnum lofar
liðin tíð góðu einu um fi’am-
vinduna.
Þótt tvær grónar mennta-
stofnanir í Neskaupstað, gagn-
fræðaskólinn og iðnskólinn,
hætti störfum sem slíkar með
tilkomu hins nýja skóla er ekki
verið að leggja þær niður. Starf-
semi þeirra er aðeins fundinn
nýr farvegur í samræmi við
kröfur tímans.
Framhaldsskólanum í Nes-
kaupstað er óskað allra heilla nú
þegar ýtt er úr vör í fyrsta sinn.
Guðmundur Magnússon
fræðslustjóri
Austurlandsumdæmis.
Heillaóskir til Framhaldsskólans i Neskaupstað