Austri - 05.06.1981, Blaðsíða 4

4
AUSTRI
Egilsstöðum, 5. júní 1981.
AMfmHlgr Koupjéldgn'ns Frim,
Hcshaupsteð
Aðalfundur Kaupfélagsins
Fram á Neskaupstað var hald-
inn nú nýverið. Af því tilefni
hafði blaðið samband við Gísla
Haraldsson kaupfélagsstjóra, og
innti hann eftir afkomu félags-
ins á liðnu ári og því sem helst
er á döfinni hjá Kaupfélaginu
um þessar mundir.
YELTA
Velta félagsins á árinu sem
leið varð g.kr. 2.460.788 og jókst
um 52% frá árinu áður. Sala
verslana jókst um 53%. Velta
félagsins skiptist þannig að sala
verslunardeilda er 1.858.864.00,
iðnaður kr. 109.734.000.00,
mjólkurafurðir 234.046.000.00
og aðrar afurðir 258.144.000.00.
ÚTHLUTUN TEKJUAF-
GANGS
Eftir að afskrifað hafði verið
eins og lög leyfa var tekjuaf-
gangur af rekstri félagsins g.kr.
3.141.000.00 Fundurinn tók á-
kvörðun um úthlutun tekjuaf-
gangs, og var úthlutað 25% í
varasjóð. Auk þess var úthlutað
ki'. 250 þús. g.kr. til Skógrækt-
arfélags Neskaupstaðar og kr.
250 þús. til Sjálfsbjargar.
FJÁRFESTINGAR
Lokið var við nýtt verslunar-
hús á árinu og er það á Nes-
bakka. Þetta er matvörubúð fyr-
ir nýju hverfin í bænum og var
þetta stærsta framkvæmd fé-
lagsins og var fjárfest í henni
fyrir 40 milljónir g.kr. á árinu.
I mjólkurbíl var fjárfest fyrir
18 milljónir króna, en keyptur
var tankbíll á árinu. Auk þess
var keyptur vélakostur í brauð-
gerð, ásamt minni lagfæringum
og viðhaldi.
LANDBÚNAÐURINN
Mjólkurstöðin tók á móti
700.565 lítrum á árinu og var
það 3.7% minnkun frá árinu á
undan. Slátrað var 3941 kind,
en árið 1979 var slátrað 4324
kindum.
KOSNINGAR
Kaupfélagið Fram er ein
deild og á aðalfundi þess eiga
allir félagar rétt á setu. I stjórn
félagsins eiga nú sæti: Eyþór
Þórðarson, formaður, Jón
Bjarnason Skorrastað, Ragnar
Sigurðsson, Neskaupstað, Há-
kon Guðröðarson, Miðbæ og
Friðrik Vilhjálmsson, Neskaup-
stað. Endurskoðendur eru Aðal-
steinn Jónsson, Ormsstöðum og
Hálfdán Haraldsson.
Kaupfélagið Fram rekur nú
þrjár matvöruverslanir, bygg-
ingavörudeild, vefnaðarvöru-
deild, kjötfrystihús, mjólkur-
stöð, brauðgerð, skipaafgreiðslu,
umboð fyrir Olíufélagið hf. og
umboð fyrir Samvinnutrygging-
ar. Kaupfélagsstjóri er eins og
ifyrr segir Gísli Haraldsson.
Fyrsti dfangi Vonarlands tehinn í nothun
Nú er undirbúningi að verða
lokið að opnun þjónustumið-
stöðvar fyrir þroskaheft fólk á
Austurlandi, sem nefnd er Von-
arland og reist er á Egilsstöðum
á vegum Styrktarfélags vangef-
inna á Austurlandi.
Ryggingarframkvæmdir hafa
verið undir yfirumsjón fram-
kvæmdadeildar Innkaupastofn-
unar ríkisins, en fjármagn til
verksins hefur komið úr Fram-
kvæmdasjóði öryrkja og þroska-
heftra, sem heyrir undir félags-
málaráðuneytið.
Mun Vonarland verða fyrsta
stofnun sinnar tegundar, sem
frá upphafi býður upp á þjón-
ustu í samræmi við lög frá Al-
þingi um aðstoð við þroskahefta,
er tóku gildi 1. janúar 1980.
Þjónustugreinar Vonarlands
verða í meginatriðum fjórþætt-
ar. Þar geta foreldrar þroska-
heftra barna fengið ráðgjöf um
meðferð og þjálfun barna sinna.
Einnig, ef á þarf að halda, vist-
að þau í dagvistun, skammtíma-
vistun eða langtímavistun, eftir
því sem við á hverju sinni og
samkomulag verður um.
I dagvistun er aðstaða til þess
að taka á móti tíu einstakling-
um á dag, í langtímavistun 6 og
í skammtímavistun 4 hverju
sinni og er hámarksdvalartími í
skammtímavistun 3 mánuðir á
ári. Þannig geta verið allt að
tuttugu einstaklingar í þjálfun
samtímis.
Þau hús Vonarlands, sem nú
verða tekin í notkun eru aðeins
fyrsti áfangi þeirra húsa, sem
fyrirhugað er að reísa til þjón-
ustu við þroskaheft fólk á Aust-
urlandi.
Markmið Vonarlands miðar
að því að hæfa þroskahefta ein-
staídinga sem þar njóta þjón-
ustu að samfélaginu eftir því
sem geta þeirra og aðstæður
leyfa.
Forstöðumaður Vonarlands er
Bryndís Símonardóttir.
Ráðstefna á Hallormsstað 12.
júní, um áhrif stórfram-
kvæmda á Austurlandi
Samband sveitarfélaga í
Austurlandskjördæmi gengst
fyrir ráðstefnu á Hallormsstað
þann 12. júní um áhrif stór-
framkvæmda á Austurlandi.
Halldór Árnason iðnþróunar-
fulltrúi tjáði blaðinu að tilgang-
ur ráðstefnunnar væri að ræða
áhrif þessara framkvæmda á
atvinnulíf í fjórðungnum, og
hins vegar hver áhrifin yrðu á
þróun sveitarfélaganna. Ráð-
stefnan er öllum opin, og eink-
um skal atvinnurekendum bent
á að sækja hana þar sem málið
snertir allt atvinnulíf í fjórð-
ungnum.
Meðal þess sem rætt verður
er hvernig virkj anaframkvæmd-
um og framkvæmdum við kísil-
málmverksmiðju verður
háttað, hvernig þeim verður
skipt niður í verkþætti, svo að
austfirsk fyrirtæki geti gert sér
grein fyrir hverja þeirra þau
hugsanlega geti tekið að sér og
í hve ríkum mæli fyrirtæki hér
í fjórðungnum eiga að beina sér
inn á þessar framkvæmdir.
Einnig hvernig sveitarfélögin
eiga að bregðast við þeirri
þenslu sem slíkar framkvæmdir
munu skapa, hver áhrifin verða
á vinnumarkaðinn, og hver
verða áhrifin á jaðarbyggðirnar
í fjórðungnum með tilliti til at-
vinnu.
Ráðstefnan stendur í tvo
daga og fyrri daginn verður
einkum rætt um virkjunarfram-
kvæmdir og tala þá Páll Ólafs-
son staðarverkfræðingur Lands-
virkjunar, Sigmundur Frey-
steinsson frá verkfræðiskrif-
stofu Sigurðar Thoroddsen, Ól-
afur Jensson frá Rarik, auk
iðnaðarráðherra sem mun á-
varpa ráðstefnuna.
Einnig tala þeir Ingimundur
Sigurpálsson frá Framkvæmda-
stofnun ríkisins um styrkingu
jaðarbyggða, Halldór Árnason
iðnþróunarfulltrúi um uppbygg-
ingu atvinnulífs og Stefán
Thors, frá skipulagsstofnun
Austurlands, um hlutverk skipu-
lags í byggðaþróun.
Seinni daginn verða rædd
stóriðjumál, og halda þá erindi
Finnbogi Jónsson, formaður
verkefnisstjórnar um kísil-
málmverksmiðju, Jón Stein-
grímsson frá íslenska járn-
blendifélaginu ræðir um fram-
kvæmdir í ljósi reynslunnar frá
Grundartanga, Pétur Stefáns-
son verkefnisstjóri staðarvals-
nefndar ræðir þætti sem áhrif
hafa á staðarval verksmiðjunn-
ar. Þá ræðir Magnás Magnússon
verkfræðingur frá iðntækni-
stofnun notkun raforku við há-
hita og Hörður Jónsson fram-
kvæmdastjóri þróunardeildar
iðntæknistofnunar ræðir um
hvernig Austfirðingar geta nýtt
sér stórframkvæmdir í fjórð-
ungnum til iðnaðar og atvinnu-
uppbyggingar.
Á ráðstefnunni verða almenn-
ar umræður, og eins og áður
segir er hún öllum opin, og þátt-
takendur sem vildu gista á
Hallormsstað geta fengið þar
svefnpokapláss nær ótakmarkað,
þótt gistirými sé þar takmarkað
við vissan fjölda.
Smyrill kominn í fyrstu ferð
sína á þessu sumri
Færeyska bílferjan Smyrill
kom til Seyðisfjarðar í fyrstu
ferð sína á sumrinu, þriðjudag-
inn 2. júní. Mun skipið fara 14
ferðir hingað í sumar og verða
á Seyðisfirði síðdegis á þriðju-
dögum. í tilefni af komu skips-
ins hafði útgerðin boð inni fyrir
nokkra gesti og bauð Jónas
Hallgrímsson bæjarstjóri skip-
ið og áhöfn þess velkomna. Þetta
er sjöunda sumarið sem Smyrill
heldur uppi siglingum til Seyð-
isfjarðar.
Aðstaða til afgreiðslu Smyrils
hefur verið bætt mjög og hefur
verið steyptur hafnarkantur og
er þar nú gott athafnapláss.
Einnig stendur yfir stækkun á
vöruskemmunni á hafnarbakk-
anum, en þar fer tollafgreiðsla
fram.
Með skipinu kom fjöldi bíla í
þessari fyrstu ferð og nokkrir
bílar fóru utan. Einnig fóru með
skipinu 24 tonn af vörum til
Færeyja. Þetta voru landbúnað-
arafurðir frá Kaupfélagi Hér-
aðsbúa, mestmegnis svið, einnig
svokallaður saltmör, lifur og
hjörtu. Landbúnaðarafurðir,
kjöt og innmatur hafa verið
fluttar út með skipinu í nokkr-
um mæli undanfarin sumur.
Það er Strandfararskip lands-
ins í Færeyjum sem gerir út
Smyril og heldur hann uppi
siglingum yfir sumarmánuðina
milli Færeyja, íslands, Bergen
og Scrabster í Skotlandi og
einnig hefur hann viðkomu í
Hanstholm á Jótlandi.