Austri - 31.12.1981, Blaðsíða 3
Egilsstöðum, 31. desember 1981.
AUSTEI
3
Útgefandi:
Kjördæmissamband framsóknarmanna á Austurlandi.
Ritstjóri og ábyrgðarmaður:
Jón Kristjánsson, sími 97-1314.
Auglýsingar og áskrift: Ásgeir Valdimarsson
Símar 1585 og 1584 Pósthólf 73
HÉRAÐSPRENT SF.
Krossferð gegn öfgum
Breskar þingræðis- og lýðræðishefðir eru
mj ög sterkar og rótgrónar. Oft hafa breskir
kjósendur komið mjög á óvart, t.d. þegar
breska þjóðin hafnaði Winston Churchill í
fyrstu kosningunum eftir styrjöldina, en
hann var óumdeilanlega styrkasti leiðtoginn
í styrjöldinni gegn Nazismanum.
Um nokkurt skeið hafa öfgasjónarmið í
stjórnmálum riðið húsum á Bretlandi. Annars vegar er erki-
íhaldið undir forystu járnfrúarinnar Margrétar Thatcher og
hins vegar allt að því hálfkommar, sem náð hafa sterkum
tökum í breska Verkamannaflokknum undir forystu Michael
Foot. Öfgasjónarmið hafa því sett mark sitt á bæði stjórn og
stjórnarandstöðu. Við þessar kringumstæður skeði það
snemma á þessu ári að fjórir fyrrverandi ráðherrar í breska
Verkamannaflokknum stofnuðu frjáislyndan jafnaðarmanna-
flokk, sem hefur nú 22 þingmenn í breska þinginu. Þessi
flokkur hefur gert bandalag við Frjálslyndaflokkinn og mun
bandalagið bjóða fram saman í næstu þingkosningum.
1 lok nóvember fóru fram aukakosningar í mjög sterku
íhaldskjördæmi á Bretlandi. Frambjóðandi bandalagsins var
fyrrverandi menntamálaráðherra Shirley Williams. Hún vann
gtæsilegan sigur. Samkvæmt síðustu skoðanakönnunum Gall-
up-stofnunarinnar myndi bandalagið fá 43% atkvæða í al-
mennum kosningum, en íhaldið 25% og Verkamannaflokkur-
inn 28%.
Shirley Williams lýsti því yfir eftir kosningarnar að hafin
væri krossferð gegn öfgunum í breskum stjórnmálum og
höfðaði til heilbrigðrar skynsemi. Þessi þróun stjómmála í
Bretlandi á vissulega erindi hér á Islandi. öfgarnar höfða
gjarnan til óhóflegrar kröfugerðar og órökstuddra kenni-
setninga eins og leiftursókn eða óraunhæf öfgasjónarmið út
á vinstri væng stjómmálanna, en hafna hófsamri stefnu sem
byggir á heilbrigðri skynsemi.
Þetta nýja, sterka stjórnmálaafl í Bretlandi, miðjusveiflan
í stjórnmálunum, höfðar til fólks sem skilur vanda stjórnunar
og nauðsyn þess að fylkja þjóðinni saman um raunhæfa
stefnu í þágu þjóðarinnar allrai’, en ekki einstakra þrýstihópa.
Islendingar eiga að fylgja fordæmi nýja kosningabanda-
lagsins í Bretlandi. Hafna erkiíhaldinu og hálfkommum og
styrkja Framsóknarflokkinn til aukinna áhrifa í íslenskum
stjórnmálum.
T. Á.
Bókhaldsþjónusta
Tölvuvinnsla
Hefi rekið tölvuvinnslu frá 1974.
Frá áramótum býð ég eftirfarandi vinnslu:
Launabókhald, fjárhags- og viðskiptabókhald,
birgðabókhald, áskrifendabókhald og fl.
Leitið upplýsinga.
Birgir Hallvarðsson
Botnahlíð 14, Seyðisfirði
Sími 97-2173
Haraldur Kr. Guðmundsson
skólastjóri í Neskaupstað
MINNING
Þann 29. nóvember síðast-
liðinn andaðist á Fjórðungs-
sjúkrahúsinu í Neskaupstáð
Haraldur Kristinn Guð-
mundsson skólastjóri Tón-
skólans, fyrr prentari og
prentsmiðjustjóri.
Mér hnykkti við þegar ég
frétti andlát Haralds. Mér
var ekki kunnugt um van-
heilsu hans. Samfundir okkar
urðu strjálli eftir að ég hætti
ritstjóm Austra. Og kynni
okkar voru raunar aðeins
skyndifundir á vinnustað ell-
egar á fömum vegi. En öll
með ágætum.
Haraldur mun verða mér
hugstæður sökum ljúf-
mennsku sinnar og vegna
þess hvað mér þótti hann ein-
staklega skemmtilegur í við-
kynningu.
E.t.v. var það í síðasta
sinni sem fundum okkar bar
saman þegar við mættumst á
þjóðveginum á fögrum stað
suður í Lóni einn bjartan
sumardag. Konur beggja
voru með í för. Við stað-
næmdumst rétt andartak og
skiptumst á almennum orð-
um, annað ekki. En það var
eins og greiddist leið og ljúf-
ara yrði að aka næsta áfang-
ann. — Það er einmitt á þessa
leið sem ég minnist samfunda
okkar Haralds þótt þeir ættu
sér jafnan stað í öðru og
hversdagslegra umhverfi.
Haraldur vann brautryðj-
andastarf í prentsmiðju-
rekstri á Austurlandi og
leiddi Austfirðinga út úr eyði-
mörkinni eftir mikið um-
komuleysi. Þessa starfs nutu
þeir sérstaklega sem sýsluðu
við blaðamennsku, einnig við
sem vorum á öndverðum
meiði í pólitík. Austri var
prentaður í Nesprenti alla tíð
á meðan hann var gefinn út í
Neskaupstað. Svo löngum
fjarstaddir ritstjóramir nutu
hjálpsemi og kunnáttu Har-
alds í ríkum mæli og á ég um
það samstarf hinar ágætustu
minningar. Auk þess tel ég að
Austri hafi á stundum átt
Haraldi líf að launa.
Haraldur Guðmundsson
ruddi brautir austanlands á
fleiri sviðum en í prentiðnaði.
Hann var burðarásinn í tón-
menntalífinu í Neskaupstað
um áratuga skeið og síðast
skólastjóri Tónskólans þar
frá 1969. Allt fram að þeim
tíma vann hann að tónlistar-
málum jafnframt fullu starfi
í prentiðnaði.
Mér þykir hlutur Haralds á
þessu sviði svo merkur, að
mig langar til að Austri
geymi frásögn af honum. Tek
ég mér bessaleyfi að birta
knapporða lýsingu Stefáns
Þorleifssonar í minningarorð-
um í Austurlandi 10. þ.m.:
„Fjölhæfni Haralds sem
tónlistarmanns var með ólík-
indum. Hann virtist jafn víg-
ur á blásturshljóðfæri og
strengjahljóðfæri. Þannig
kenndi hann á öll blásturs-
hljóðfæri, sem tíðkast í lúðra-
sveit. Ennfremur kenndi
hann á fjölmörg strengja-
hljóðfæri, svo sem fiðlu, selló,
bassa, gítar, mandólín o.fl.
Sem dæmi um einstaka
hæfni hans á strengjahljóð-
færi má nefna, að þegar Þjóð-
leikhúsið setti á svið Grikkj-
ann Sorba, var Haraldur einn
Islendinga, sem gat leikið á
það gríska strengjahljóðfæri,
sem þar var leikið á og gerði
hann það með svo miklum á-
gætum að hann var talinn
betri, en Grikkinn, sem hann
leysti þar af hólmi.
Banjó var eitt af uppáhalds
hljóðfærum hans og var mikil
unun að hlýða á leik hans á
það hljóðfæri.
Samleikur þeirra Höskuld-
ar Stefánssonar á harmon-
ikku og banjó er eitt það
besta og fágaðasta, sem hér
hefur verið flutt í hljómlist
af heimamönnum, og er mikil
eftirsjá, að sá flutningur
skuli ekki vera varðveittur á
plötu.
Haraldur var ekki einungis
snjall hljóðfæraleikari og
kennari heldur og mjög góður
útsetjari. Vann hann á þeim
vettvangi mikið verk. T.d.
held ég að hann hafi útsett
flest það, sem lúðrasveitir
undir hans stjórn léku.
Haraldur Guðmundsson
kom víða við á tónlistarferli
sínum. Hann var m.a. stofn-
andi og stjórnandi Mandolín-
hljómsveitar Reykjavíkur á
árunum 1945 - 1949. Varð-
veist hefur upptaka frá
hljómleikum þessarar hljóm-
sveitar og nú við útför Har-
alds sl. laugardag var þessi
upptaka flutt. Það sýnishorn
af leik hljómsveitarinnar
bar stjórnanda hennar fagurt
vitni.
Einnig stjórnaði Haraldur
kór verkamanna í Reykjavík.
Haraldur var einnig stofn-
andi og fyrsti stjómandi
Lúðrasveitar verkalýðsins.
Hann kom og einnig mikið
við sögu tónlistarlífs í Vest-
mannaeyjum og átti þar m.a.
gott samstarf við tónskáldið
vinsæla Oddgeir heitinn
Kristjánsson . Þar stofnaði
hann og II.G.-sextettinn,
danshljómsveit, sem mjög var
rómuð.
Eftir að Haraldur flutti til
Norðfjarðar stofnaði hann
nýjan H.G.-sextett, sem var
afburða skemmtileg og raun-
ar listræn danshljómsveit.
Hann tók við stjórn Lúðra-
sveitar Neskaupstaðar árið
1955 og segja má að síðan
hafi hann stjórnað lúðrasveit
hér þótt skipt hafi verið um
nafn og meðlimi. Nú síðustu
árin hefur það verið Skóla-
hljómsveit Neskaupstaðar,
skipuð nemendum úr tónskól-
anum og hefur hún farið víða
og leikið og alls staðar við
mjög góðan orðstír. Um tíma
stjórnaði Haraldur karlakór
hér og voru þá stundum
haldnir sameiginlegir tónleik-
ar lúðrasveitarinnar og karla-
kórsins. Þessi kór varð þó
ekki langlífur og var það
sumpart vegna tímaskorts.“
Haraldur Kristinn Guð-
mundsson fæddist í Vest-
mannaeyjum 30. júlí 1922.
Hann lauk prentnámi og tók
sveinspróf 1939. Hann
starfaði síðan sem vélsetjari
í Vestmannaeyjum og
Reykjavík fram til 1955. Þá
fluttist hann austur og rak
prentsmiðjuna í Neskaupstað
þar til hann tók við forstöðu
Tónskólans sem fyrr greinir.
Að Haraldi er mikill mann-
skaði í byggðarlaginu sakir
mannkosta hans og starf-
hæfni. Mestur er þó missir
ástvina. Ég sendi eftirlifandi
eiginkonu Haralds, Grétu
Þórarinsdóttur og börnum
þeirra fjórum, innilegar
kveðjur.
Vilhjálmur Hjálmarsson.
i----------------------— —~—r —
ÓSKA HÉRAÐSBUUM OG
AUSTFIRÐINGUM
gleðilegs nýs árs
ÞAKKA VIÐSKIPTIN Á LIÐNU ÁRI
Þvottahús og
fatahreinsun sf.
Sími 1650 Egilsstöðum