Morgunblaðið - 18.05.2010, Blaðsíða 6

6 FréttirINNLENT
MORGUNBLAÐIÐ ÞRIÐJUDAGUR 18. MAÍ 2010
Rýma þurfti Austurbæjarskóla upp úr hádegi
í gær vegna elds í risinu norðan til í húsinu.
Voru nemendur og starfsmenn sendir út á lóð
á meðan slökkviliðsmenn athöfnuðu sig og
réðu niðurlögum eldsins á skömmum tíma.
Betur fór en á horfðist og var létt yfir krökk-
unum á lóðinni, þó að einhverjum hafi brugð-
ið um stund, eins og kom fram á mbl.is. Frek-
ari kennsla var felld niður á meðan skólinn
var reykræstur.
Morgunblaðið/Júlíus
Eldur í Austurbæjarskóla stytti kennsludaginn
MVoru logandi hrædd - mbl.is sjónvarp
Egill Ólafsson
egol@mbl.is
Erfitt getur orðið fyrir slitastjórn
Kaupþings að sækja greiðslu til
Hreiðars Más Sigurðssonar, fyrr-
verandi bankastjóra Kaupþings,
vegna 5,8 milljarða láns sem hann
tók til hlutabréfakaupa í bankanum.
Ástæðan er sú að viðskiptin fóru
fram í nafni einkahlutafélags sem
Hreiðar Már stofnaði árið 2006.
Erfitt er að rifta gjörningi svo langt
aftur í tímann. Sigurður Einarsson,
stjórnarformaður bankans, var hins
vegar með lánin á sinni kennitölu.
Slitastjórn Kaupþings banka
sendi í gær um 80 starfsmönnum
gamla Kaupþings tilkynningu um
riftun á niðurfellingu persónulegra
ábyrgða vegna lána sem bankinn
veitti þáverandi stjórnendum og
lykilstarfsmönnum til hlutabréfa-
kaupa í Kaupþingi. Niðurfellingin
var ákveðin af stjórn Kaupþings
banka þann 25. september 2008.
Heildarfjárhæð lánanna sem um
ræðir er hátt í 32 milljarðar króna.
Tæplega 15 milljarðar voru veittir
að láni með persónulegri ábyrgð.
Nokkuð mismunandi er hvern-
ig gengið var frá lánum helstu
starfsmanna Kaupþings vegna
hlutabréfakaupa. Sigurður Einars-
son, Ingólfur Helgason, Magnús
Guðmundsson, Steingrímur Kára-
son og Guðný Arna Sveinsdóttir eru
í persónulegum ábyrgðum fyrir lán-
unum.
Nokkrir fluttu lán sín yfir í
einkahlutafélög stuttu fyrir hrun.
Þetta eru Ingvar Vilhjálmsson,
Hannes Frímann Hrólfsson og
Guðni Níels Aðalsteinsson.
Hreiðar Már tók hins
vegar lán til hluta-
bréfakaupa í nafni
hlutafélags árið
2006. Það gerðist í
kjölfar þess að
Fjármálaeftirlitið heimilaði að
starfsmenn banka mættu geyma
hlutabréf í einkahlutafélagi í stað
þess að þeir væru persónulega
ábyrgir fyrir láninu. Það sama á við
um Kristján Arason og Bjarka
Diego sem stofnuðu eignarhalds-
félög um viðskiptin 2007 og 2008.
Arion banki lét í fyrra vinna
tvær lögfræðilegar álitsgerðir þar
sem segir að stjórninni hafi verið
heimilt að gera þetta. Slitastjórn
hefur líka aflað tveggja lögfræði-
legra álitsgerða þar sem komist er
að annarri niðurstöðu.
Starfsmenn Kaupþings sem
gáfu skýrslu fyrir rannsóknarnefnd
Alþingis sögðu að í raun hefði þeim
verið haldið í „gíslingu“ í þessu máli.
Fyrirsvarsmenn bankans hefðu
stöðugt veitt sama svarið þegar
starfsmenn báru sig eftir heimildum
til að selja bréfin og mæta veðköll-
um. Það var á þann veg að verið
væri að skoða málið.
Erfitt að sækja féð til Hreiðars
 Sumir stjórnenda Kaupþings voru með lán til hlutabréfakaupa í einkahluta-
félögum en aðrir á sinni kennitölu  Þrír færðu lánin í félög stuttu fyrir hrun
Egill Ólafsson
egol@mbl.is
Jón Bjarnason, sjávarútvegs- og
landbúnaðarráðherra, hefur gefið út
reglugerð um kvótamarkað með
mjólkurkvóta. Breytingin þýðir að
öll viðskipti með mjólkurkvóta verða
bönnuð fram til 1. desember nk. þeg-
ar fyrstu viðskiptin um kvótamarkað
fara fram.
Landssamband kúabænda fór
fram á að komið yrði á fót kvóta-
markaði að danskri fyrirmynd.
Markaðurinn á að fara fram tvisvar á
ári, 1. júní og 1. desember. Viðskipti
eiga að fara fram á jafnvægisverði
sem þýðir að þeir sem eru næst með-
alverði fá að kaupa og selja.
„Með þessu viljum við tryggja
gagnsæja umgjörð um þessi við-
skipti og einnig viljum við að í því
ástandi sem nú er verði ekki farið í
sölu á framleiðsluheimildum á jörð-
um. Margir bændur eiga í fjárhags-
erfiðleikum og við viljum ekki breyta
framleiðsludreifingunni við þessar
aðstæður,“ segir Jón Bjarnason,
sjávarútvegs- og landbúnaðarráð-
herra.
Jón segir að ástæða þess að við-
skipti fari aðeins fram tvisvar á ári
sé sú að þetta séu frekar lítil við-
skipti og því ekki hægt að standa fyr-
ir markaði oftar á ári. Hann segir að
menn hafi góðan tíma til að undirbúa
málið og prófa sig áfram.
Sigurður Loftsson, formaður
Landssambands kúabænda, segir að
útfærsla reglugerðarinnar sé í
stórum dráttum í samræmi við hug-
myndir kúabænda. Hann segist vera
ánægður með að stuðst sé við
reynslu Dana af þessum málum.
Sigurður segir að þessi breyting
feli í sér verulegt inngrip af hálfu
hins opinbera. Með þessu séu menn
að fara frá algerlega frjálsum við-
skiptum, en hafa þurfi í huga að nýja
kerfið sé eftir sem áður markaðsdrif-
ið. Hann segist helst hafa það út á
reglugerðina að setja, að menn fái
engan aðlögunartíma, en hún tók
gildi í gær. Eins hefði verið æskilegt
ef fyrsti markaðurinn hefði getað
farið fram fyrr á árinu.
Taka upp kvótamarkað
 Öll viðskipti með mjólkurkvóta verða bönnuð til 1. des.
 Kvótamarkaðurinn er byggður upp að danskri fyrirmynd
Morgunblaðið/Eggert
Kýr Engin viðskipti fara fram með
kvóta fyrr en 1. desember nk.
32 milljarðar
eru heildarfjárhæð þeirra lána sem
starfsmenn Kaupþings tóku til
hlutabréfakaupa
15 milljarðar
af þessum lánum voru veittir með
persónulegri ábyrgð
80
starfsmenn tóku lán til hlutabréfa-
kaupa. Þar af eru 20 starfsmenn
með 90% upphæðarinnar
‹ HLUTABRÉFAKAUP ›
»
Ólafur Garðarsson, sem sæti á í
slitastjórn Kaupþings, segir að
reynt verði að rifta flutningi
lána starfsmanna yfir í einka-
hlutafélög, en einnig verði látið
á það reyna hvort heimilt sé að
rifta ákvörðun stjórnar Kaup-
þings að fella niður persónu-
legar ábyrgðir vegna lánanna.
Nær öruggt er að á þetta mun
reyna fyrir dómstólum.
Starfsmenn fá 10 daga til að
gera skil á lánunum. Ólafur
segir að mönnum
verði gefinn
kostur á að
semja um
greiðslur.
Fá 10 daga
SLITASTJÓRN KAUPÞINGS
fyrir heimilið
Íslandskaffi, baunir og malað
349 kr.pk.
Besti flokkurinn
undir forystu
Jóns Gnarr fengi
sex menn í borg-
arstjórn ef kosið
yrði núna og yrði
stærsti flokk-
urinn í borg-
arstjórn. Stöð 2
sagði í gær frá
skoðanakönnun
MMR sem gerð
var fyrir Sjálfstæðisflokkinn í lið-
inni viku. Besti flokkurinn nýtur
stuðnings tæplega 36% kjósenda í
Reykjavík. Sjálfstæðisflokkurinn er
með tæpt 31% og fimm menn, Sam-
fylkingin tæplega 18% og þrjá
menn. VG er með rúmlega 11% og
einn mann.
Einnig könnuðu sjálfstæðismenn
afstöðu fólks til þess hversu vel eða
illa það teldi Hönnu Birnu Krist-
jánsdóttur hafa staðið sig í starfi
borgarstjóra. 70,5% aðspurðra telja
hana hafi staðið sig frekar vel eða
mjög vel í starfi borgarstjóra.
Besti flokk-
urinn orðinn
stærstur
Jón Gnarr nær inn
sex í borgarstjórn
Oddvitinn Jón
Gnarr á leið inn.