Fréttablaðið - 03.10.2011, Blaðsíða 2

3. október 2011 MÁNUDAGUR2
20% afslátturaf Biomega vítamínum
KÍNA Kínastjórn sýnir enga eftirgjöf, nærri ári eftir að
andófsmaðurinn Liu Xiaobo fékk friðarverðlaun Nóbels,
hvorki gagnvart norskum stjórnvöldum né eiginkonu
verðlaunahafans.
„Það hafa ekki orðið miklar breytingar,“ sagði Jonas
Gahr Störe, utanríkisráðherra Noregs, í heimsókn sinni
hér á landi í síðustu viku þegar hann var spurður um
stirðleikann í samskiptum Noregs og Kína sem ríkt
hefur undanfarið ár.
„Mér sýnist að Kínverjar hafi ákveðið að draga veru-
lega úr stjórnmálasambandi við Noreg. Við vonumst til
að finna einhverjar leiðir til að halda samskiptunum
áfram og taka upp aftur þá samvinnu sem áður var á
milli okkar. En við verðum bara að taka okkur þann
tíma sem þarf í það.“
Liu Xia, eiginkona andófsmannsins, býr enn í íbúð
sinni í Peking þar sem henni er haldið í einangrun og
hefur lítil samskipti við umheiminn. Lögreglan hefur
eftirlit með henni, hún fær hvorki aðgang að síma né
inter neti og aðeins fáeinir ættingjar fá að heimsækja
hana nema. Nóbelsverðlaunahafinn sjálfur afplánar ell-
efu ára fangelsisdóm fyrir baráttu sína fyrir lýðræði í
Kína. - gb
Noregur enn úti í kuldanum hjá Kínastjórn, ári eftir að Liu Xiaobo fékk Nóbel:
Eiginkonan enn í einangrun
LÖGREGLAN FYLGIST MEÐ Kínverskur lögreglumaður les blað
meðan hann bíður fyrir utan íbúð eiginkonu andófsmannsins.
FRÉTTABLAÐIÐ/AP
VÍSINDI Vísindamenn við Salk-
stofnunina í Bandaríkjunum
hafa borið kennsl á gen sem virð-
ist stjórna líffræðilegri klukku
mannslíkamans.
Genið hefur á morgnana fram-
leiðslu á ákveðnu prótíni sem
líkaminn fylgist með til að vita
hvenær hann á að sofa og vaka.
Þá örvar það efnaskipti í líkam-
anum.
Binda vísindamennirnir vonir
við að uppgötvunin geti komið
að notum við að skýra hluta af
orsökum svefnleysis, öldrunar og
sjúkdóma á borð við krabbamein
og sykursýki. Þá vonast þeir til
að einn daginn verði hægt að
gera uppgötvunina hagnýta við
meðferð þessara sjúkdóma. - mþl
Uppgötvuðu virkni gens:
Fundu líkams-
klukkugenið
DÓMSMÁL Dagbækur Tryggva
Rúnars Leifssonar, einn sakborn-
inganna í Guðmundar- og Geir-
finnsmálunum, hafa nú verið
gerðar opinberar, tveimur árum
eftir að hann lést. Gísli Guðjóns-
son réttarsálfræðingur, sem hefur
ekki fyrr tjáð sig opinberlega um
þessi umdeildu dómsmál, segir það
vera sláandi við þessar dagbækur
að þær séu skrifaðar eins og þar
tali saklaus maður.
„Ég er ekki í nokkrum vafa um
að það er ekki bara æskilegt held-
ur nauðsynlegt að taka þetta mál
upp og rannsaka það,“ sagði Gísli í
viðtali á Stöð 2 í gær. -ha
Ný gögn í Geirfinnsmáli:
Dagbækur bera
sakleysi vott
SAMGÖNGUR Herjólfur kom til
Vestmannaeyja í gær eftir að
hafa verið í slipp í Óðinsvéum í
Danmörku vegna viðhalds. Sigl-
ingar skipsins hefjast í Þorláks-
höfn í dag kl. 8. Breiðafjarðar-
ferjan Baldur hefur leyst Herjólf
af en því lýkur í dag. Síðustu
tvær ferðir Baldurs í gærkvöldi
féllu niður vegna veðurs og sjó-
lags á milli Vestmannaeyja og
Landeyjahafnar. Vegna stærðar
og þyngdar Herjólfs þarf hann
meira dýpi í mynni Landeyja-
hafnar en Baldur. Hann mun því
ekki sigla þangað heldur til Þor-
lákshafnar alla þessa viku. - fb
Snýr aftur heim úr slipp:
Herjólfur siglir
á nýjan leik
HERJÓLFUR Skipið Herjólfur er komið
aftur til Vestmannaeyja.
FASTEIGNIR „Við erum um þessar
mundir að láta kanna lóða- og fast-
eignamarkaðinn á eigin spýtur. Ég
get hins vegar hvorki sagt af né á
hvort lóðaverðið muni breytast,“
segir Ágúst Jónsson, skrifstofu-
stjóri á Framkvæmda- og eigna-
sviði Reykjavíkurborgar.
Davíð Stefánsson, sérfræðing-
ur á greiningardeild Arion banka,
hélt á fimmtudag erindi um stöðu
og horfur á fasteignamarkaði.
Hann benti á að á árum áður hefði
lóðaverð verið mjög lágt, nánast
ókeypis, og afar lítill hluti af bygg-
ingarkostnaði. Síðastliðin fimm ár
hefði lóðaverð fyrir sérbýli tvöfald-
ast, farið úr því að vera í kringum
tíu prósent af byggingakostnaði í
tuttugu. Á sama tíma hefði lóða-
verð fjölbýlishúsa farið úr fjórum
prósentum í sautján. Það er rétt
rúmlega fjórföldun á fimm árum.
Þetta telur Davíð á meðal þess sem
skýri að nýbygg-
ingar eru nær
engar um þessar
mundir og geti
leitt til skorts á
íbúðamarkaði í
lok árs 2013.
Davíð sagði
litla sem enga
aðlögun hafa
átt sér stað á
markaðnum
þrátt fyrir hrunið, lóðaverð stæði
á svipuðum stað. Dæmi um slíkar
lóðir eru í Úlfarsárdal. Þar er lóð
fyrir þrjátíu íbúða fjölbýlishús við
Urðarbrunn sem verðlögð er á 138
milljónir króna.
„Lóðaverð þarf að lækka. Það
er stundum í engum tengslum við
þann veruleika sem við búum við í
dag. Það eru litlar líkur á að sveit-
MILLJÓNALÓÐ Í LANDI ÚLFARSFELLS Þeir sem keyptu lóðir við Úlfarsfell á árunum
2007 og 2008 hafa fengið að skila þeim eftir efnahagshrunið. FRÉTTABLAÐIÐ/VILHELM
DAVÍÐ STEFÁNSSON
Erfitt að lækka verð
lóða í Reykjavík
Hlutfall lóðaverðs í byggingarkostnaði fjölbýlishúsa er fjórfalt hærra nú en árið
2006. Það er á svipuðum slóðum og síðla árs árs 2007. Sérfræðingur hjá grein-
ingardeild Arion banka segir hátt lóðaverð geta leitt til skorts á íbúðamarkaði.
Lönd og lóðir til nýbygginga standa utan efnahagsreiknings Reykjavíkur-
borgar. Þegar lóðir eru seldar er andvirði lóða fært til tekna í efnahags-
reikningi borgarinnar. Með sama hætti eru tekjur færðar niður við lóðaskil,
samkvæmt upplýsingum frá Reykjavíkurborg. Eftir því sem næst verður
komist hefur hátt lóðaverð ekki haft áhrif á söluna upp á síðkastið og greiða
verktakar uppsett verð.
Lóðir standa utan efnahagsreiknings
arfélög fái það verð sem sett var á
lóðirnar fyrir hrun,“ sagði Davíð.
Ágúst bendir á að við verðlagn-
ingu lóða árið 2007 hafi annars
vegar verið horft til meðalverðs á
lóðum í undangengnum lóðaútboð-
um og hins vegar hvað uppbygg-
ing á viðkomandi hverfi kosti. Hluti
lóðagjaldsins sé svokallað viðbótar-
gjald sem greiðist ekki nema lóðar-
réttindi séu framseld innan sjö ára.
Hann bendir á að borgin hafi
þurft að taka tillit til mismunandi
hópa lóðarhafa; þeirra sem hafi
keypt lóðir á nýbyggingarsvæðum
í Reykjavík á árunum 2007 og 2008
og fengið að skila þeim eftir hrun-
ið og hinna sem hafi keypt lóðir ári
fyrr en fái ekki að skila þeim.
„Það hefði verið mjög hastarlegt
gagnvart þeim sem greiddu „fullt
verð“ fyrir lóðirnar í útboðum og fá
ekki að skila þeim að lækka verð-
ið á lóðum sem síðar var úthlutað,“
segir Ágúst.
jonab@frettabladid.is
Ólafur, hefur ekki alltaf
blundað smá víkingur í þér?
„Jú, ég er víkingur.“
Ólafur Þórðarson hefur tekið við þjálfun
knattspyrnuliðs Víkings í Reykjavík.
STJÓRNARSKRÁ Eiríkur Bergmann
Einarsson, fulltrúi í stjórnlaga-
ráði, er ósammála túlkun Ólafs
Ragnars Grímssonar, forseta
Íslands, á tillögum stjórnlaga-
ráðs með tilliti til embættis for-
seta Íslands. Eiríkur segir emb-
ættið hafa álíka vægi í tillögum
ráðsins og verið hafi.
Í ræðu sinni við þingsetningu
á laugardag sagði Ólafur Ragnar
að tillögur stjórnlagaráðs færðu
embætti forseta aukna ábyrgð,
embættið yrði mun valdameira
en áður. Þá hvatti Ólafur til þess
að afstaða núverandi Alþingis
til tillagnanna
yrði skýrð áður
en forset a -
kosningar færu
fram í júní.
Í ræðu sinni
benti Ólafur á
að samkvæmt
tillögunum
þyrfti forseti
að samþykkja
val á dómur-
um og ríkis-
saksóknara. Þá skyldi sér-
stakur fulltrúi forseta gegna
formennsku í nefnd sem metur
hæfni umsækjenda um önnur
æðstu embætti hins opinbera. Þá
sagði Ólafur hlutverk forseta við
myndun ríkisstjórna verða sjálf-
stæðara en áður.
„Þessi túlkun fellur ekki
alveg að því sem við lögðum upp
með; að vægi og meginhlutverk
forseta embættisins yrði áþekkt
því sem er núna. Ég held að
okkur hafi tekist ætlunar verkið
þótt embættið sé með breyttu
sniði í tillögunum,“ segir Eiríkur
og bætir við að í til lögunum sé
stjórnarmyndunin í raun færð
inn í þingsal og frá Bessa-
stöðum. Val forsætisráðherra
byggi á meirihlutasamkomulagi
á Alþingi en ekki sjálfstæðu mati
forsetans.
Loks segir Eiríkur að ekki eigi
að koma á óvart að stjórnmála-
menn og aðrir kappkosti núna að
túlka tillögur ráðsins eftir eigin
höfði. Hann vill þó ekki bein-
tengja þau ummæli við orð for-
setans heldur einfaldlega hvetja
til þess að þjóðinni verði sýnd sú
virðing að þessar tillögur verði
ræddar á forsendum þeirra
sjálfra en ekki afbakana.
- mþl
Fulltrúi í stjórnlagaráði er ósammála túlkun forseta Íslands á tillögum ráðsins:
Vægi forsetaembættis álíka og verið hefur
EIRÍKUR BERG-
MANN EINARSSON
LISSABON, AP Bandaríkjamaður-
inn George Wright, sem var
nýlega hand-
samaður í
þorpi skammt
frá Lissabon
í Portúgal
eftir áratugi á
flótta, telur að
nýtt ríkisfang
sitt og nafn eigi
að koma í veg
fyrir framsal
sitt til Banda-
ríkjanna. Wright var dæmdur í
15 til 30 ára fangelsi fyrir morð
í New Jersey árið 1962 en strauk
eftir sjö ára afplánun. Þremur
árum síðar tók hann þátt í flug-
ráni. Hann tók upp nýtt nafn,
Jose Luis Jorge dos Santos, árið
1991 eftir að hafa kvænst portú-
galskri konu og er hann með
portúgalskan ríkisborgararétt.
Wright vill afplána það sem eftir
lifir af dómi sínum í Portúgal.
- fb
George Wright handsamaður:
Morðingi vill
ekki framsal
GEORGE WRIGHT
SPURNING DAGSINS