Morgunblaðið - 03.07.2010, Blaðsíða 25
25
MORGUNBLAÐIÐ LAUGARDAGUR 3. JÚLÍ 2010
Tárin þerruð Það er gaman að leika sér í Nauthólsvíkinni þótt stundum geti komið babb í bátinn. Þá er gott að hafa einhvern sem þerrar tárin og halda svo bara áfram eins og ekkert hafi í skorist.
Árni Sæberg
Í stjórn-
málaályktun sem
sjálfstæðismenn
samþykktu á lands-
fundi sínum um síð-
ustu helgi var tvennt
mikilvægara en ann-
að. Annars vegar
var það áréttað að
Sjálfstæðis-
flokkurinn er and-
vígur aðild Íslands
að Evrópusambandinu og krefst
þess að inngöngubeiðni rík-
isstjórnarinnar í sambandið verði
tafarlaust afturkölluð. Liggur nú
skýrt fyrir, að yfirstandandi að-
lögunarviðræður við Evrópusam-
bandið fara fram í fullkominni
óþökk Sjálfstæðisflokksins, sem
er andvígur bæði viðræðunum og
markmiði ríkisstjórnarinnar með
þeim. Flokkurinn mun því ekki
veita nokkurn atbeina sinn að
þessum viðræðum. Hafa þessari
skýru afstöðu landsfundarins
verið gerð nokkur skil í opinberri
umræðu, sem vert er.
Hitt mikilvæga atriðið sem
ályktað var um og hefur mikla
þýðingu er hið svonefnda Ice-
save-mál. Sá þáttur stjórn-
málaályktunarinnar er ákaflega
þarfur enda tekur hann af öll tví-
mæli um afstöðu Sjálfstæðis-
flokksins gagnvart kröfum á
hendur Íslendingum í því máli.
Ástæða er til að vekja sérstaka
athygli á þessum hluta álykt-
unarinnar, þar sem mjög hefur
borið á því að forystumenn rík-
isstjórnarinnar hafi reynt að
draga stjórnarandstöðuna með
sér í því undanhaldi gagnvart
kröfum Breta og Hollendinga,
sem ráðið hefur stefnu stjórn-
arinnar alla hennar valdatíð.
Fyrir landsfundinum lá tillaga
þess efnis að Sjálfstæðisflokk-
urinn hafnaði „ósanngjörnum“
kröfum Breta og Hollendinga
gagnvart Íslendingum. Fund-
armenn breyttu þeirri tillögu
með mjög afgerandi hætti og
kváðu endanlega upp úr um það,
að Sjálfstæðisflokkurinn hafnar
alfarið „löglausum“
kröfum Breta og
Hollendinga á
hendur Íslend-
ingum. Með þess-
ari eindregnu og
skýru ákvörðun
landsfundar
Sjálfstæðis-
flokksins er ljóst í
eitt skipti fyrir öll,
að Sjálfstæð-
isflokkurinn lýsir
kröfur Breta og
Hollendinga lög-
lausar og að flokkurinn hafnar
samningum um þær. Er nú end-
anlega búið með þann leik, sem
sumir hafa leikið, að láta eins og
viðræður íslenskra ráðamanna
við bresk og hollensk stjórnvöld
fari á einhvern hátt fram í „um-
boði Sjálfstæðisflokksins“.
Það er á engan hátt dregið úr
mikilvægi Evrópusambandsá-
lyktunar landsfundar Sjálfstæð-
isflokksins þótt bent sé á hið aug-
ljósa, að sú afgerandi ákvörðun
sem landsfundur tók um afstöðu
Sjálfstæðisflokksins til Icesave-
málsins og krafna Breta og Hol-
lendinga þar, hafi verið mik-
ilvægasta verk fundarins. Héðan
í frá þarf enginn að velkjast í
vafa um afstöðu Sjálfstæð-
isflokksins. Landsfundur hefur
hér tekið af skarið: Sjálfstæð-
isflokkurinn er andvígur samn-
ingum um löglausar kröfur Breta
og Hollendinga og mun ekki taka
neinn minnsta þátt í tilraunum
ríkisstjórnarinnar til að koma er-
lendum skuldum fallins einka-
banka á íslenska skattgreið-
endur.
Eftir Bergþór
Ólason
» Landsfundur hef-
ur hér tekið af
skarið: Sjálfstæð-
isflokkurinn er and-
vígur samningum um
löglausar kröfur
Breta og Hollendinga
Bergþór Ólason
Höfundur er fjármálastjóri.
Landsfundur
tók af skarið
Stundum þurfum við
Íslendingar að fá frétt-
irnar að utan, til að átta
okkur á staðreynd-
unum.
Lítil frétt á RÚV í
kvöldfréttum sjón-
varpsins hefur ekki
fengið mikið vægi í um-
fjöllun vikunnar. Þar
kom fram í stuttu viðtali
við Mark Flanagan, yf-
irmann sendinefndar
Alþjóðagjaldeyrissjóðsins hér á landi,
merkileg skoðun og öll í andstöðu við
bæði ríkisstjórnina sem sótt hefur um
aðild að ESB, svo ekki sé talað um
okkar hámenntuðu hagfræðinga,
svona flesta.
Mark þessi Flanagan taldi að ís-
lenska krónan hefði mikið gildi fyrir
okkur og endurreisn efnahagslífsins
eftir hrunið. Mark Flanagan er að
vinna að málefnum Íslendinga að
beiðni stjórnvalda og hann sagði enn-
fremur að ríkisstjórnir Íslands í fram-
tíðinni og þá atvinnulífið ætti erfiðara
með að bregðast við fjárhagsáföllum ef
Ísland gengi í Evrópusambandið og
tæki upp evru. Það er að koma í ljós að
sum lönd eru lokuð og í vandræðum
vegna þess að þau eru í ESB og tóku
upp evru. Merkilegar fréttir, Ísland er
að rísa og mun rísa, ekki síst ef rík-
isstjórnin hættir við að þröngva okkur
inn í Evrópusambandið, að vísu vilja
Vinstri-grænir það alls ekki. En Sam-
fylkingin kallar á þessa fórn og á þetta
eina stefnumið, að vísu geta VG greitt
atkvæði með stjórnarandstöðunni og
sínum yngsta og besta manni, Ás-
mundi Einari Daðasyni, um að hætt
verði við að ganga í ESB og umsóknin
dregin til baka.
Hvernig sefur Össur nú?
Hvernig ætli minn gamli vinur og
foringi Íslendinga í aðlögunarviðræð-
unum við ESB, ekki samninga-
viðræðum, Össur Skarphéðinsson ut-
anríkisráðherra, hafi sofið nóttina eftir
orðræðu Flanagans og vera meinað að
taka sér stílvopn nútímans í hönd og
blogga. Það lá við að Flanagan aflýsti
kreppunni og lýsti því yfir að Ísland
væri að komast á fljúgandi ferð, ekki
síst vegna öflugra útflutnings-
atvinnuvega og krónan væri við núver-
andi aðstæður bjarghringur en ekki
böl. Í framhaldinu berast
svo aðrar og meiri fréttir
af öðrum atvinnuvegi,
landbúnaðinum, og mat-
vælaverðinu. Það hefur
ekki heldur hentað að
gera mikið úr þeirri frétt
að mjólkin og mjólk-
urvörurnar hér ásamt
kjötinu væru ódýrari á
Íslandi en í mörgum Evr-
ópuríkjum. Nú stigu eng-
ir vitringar fram eins og
alltaf gerðist þegar gengi
krónunnar lá á hinn veg-
inn, þá átti að opna allar
gáttir strax og bændunum var eig-
inlega ofaukið í landinu.
Maturinn ódýrastur á Íslandi
Í könnuninni, sem unnin er af Hag-
stofu Evrópusambandsins í fyrra,
kemur fram að matvælaverð í Noregi
er 54% hærra en meðaltalið í ESB, í
Danmörku 39% hærra og í Finnlandi
20% hærra. Í Svíþjóð var verðlag hið
sama og á Íslandi, 4% hærra en í sam-
anburðarlöndunum, en þetta er miklu
lægra en annars staðar á Norðurlönd-
unum. Sem sé matvælaverð lægra á
Íslandi en hjá hinum Norðurlanda-
þjóðunum.
Mjólkurvörurnar okkar voru hins
vegar 9% ódýrari en sambærilegar
vörur í Evrópu að meðaltali. Tvenn
mikilvæg rök Evrópusinna eru orðin
að engu; evran hentar okkur ekki að
sögn AGS og á nú í miklu basli og
spurning hvað um hana verður þegar
kreppunni slotar: Verður hún aflögð
eða munu mörg ríki segja sig frá
henni.
Hin rökin um ódýrari mat eru einnig
fallin og svo er hin hugsunin uppi í
breyttum heimi hvað varðar matvæla-
öryggið. Þegar hrunið átti sér stað og
íslenskur landbúnaður á margan hátt
bjargaði okkur. Innfluttar vörur hefðu
orðið miklu dýrari og hefðum við haft
nægan gjaldeyri til kaupanna? Öll vit-
um við samkvæmt reynslunni að inn-
flutningur á kjöti getur reynst vara-
samur vegna sjúkdóma sem geta bæði
borist í menn og dýr. Mjólkurvörurnar
okkar eru einstakar að gæðum og fjöl-
breytni, það viðurkennir hver Íslend-
ingur og vill ekki skipta eða fórna
þeim.
Vogin hennar Vigdísar
Ég heyrði fyrir stuttu að Vigdís
Finnbogadóttir, fyrrv. forseti, hefði
sagt í viðtali um aðild eða ekki aðild að
Evrópusambandinu að spurningarnar
væru þessar: „Hverju fórnum við?
Hver er ávinningurinn?“ Þarna liggur
vogin sem við verðum nú að vigta mál-
in á. Hvers virði er t.d. frelsið og lýð-
veldisstofnunin frá 1944? Nú liggur
fyrir að hinn 17. júní, á þjóðhátíð-
ardegi okkar og fullveldisdegi, deg-
inum sem er táknrænn fyrir það að við
ráðum auðlindum okkar sjálf og förum
með málefni landsins okkar, þann dag
kom tilkynningin um að við settumst
að samningaborði. Tilkynning ESB
var hins vegar þríþætt; ekkert samn-
ingaborð, aðeins aðlögun að ESB,
stjórnsýslu og skipulagi þeirra, sjálf-
um Rómarsáttmálanum. Ég sé svo
ekki betur en þeir sendi okkur fjóra
milljarða í aðlögun, frá því var sagt í
vikunni. Sumir segja þetta mútufé og
er flökurt yfir peningavaldinu sem ætl-
ar að kaupa íslendinga til stuðnings.
Við erum í stöðu fátækra þróunarríkja
að mati margra. Hvert ætli forsætis-
ráðherra leggi til að þessir peningar
verði veittir? Jafnframt tilkynntu þeir
að hvalveiðar yrðu lagðar af ef við fær-
um í aðlögunarviðræðurnar. Ekki var
Spánverjum gert að hætta ljótustu
íþrótt allra tíma, að kvelja og drepa
naut sín eins og illmenni. Stærsta og
merkilegasta krafan var hins vegar sú
að saklausir skattborgarar á Íslandi
skyldu borga Icesave til Breta og Hol-
lendinga. Það mál skal hengt um háls
unga fólksins okkar, skuldir óreiðu-
manna. Hið stóra nei í þjóðaratkvæða-
greiðslunni í vetur skiptir engu máli í
Brussel. Brussel fer með þjóðaviljann í
Evrópu. Ég vil sjá Ísland frjálst í hinni
opnu veröld tækifæranna. Ísland rís ef
við höfnum aðild og sameinumst um að
byggja upp og efla hag lands og þjóð-
ar. Þrátt fyrir allt er það rétt hjá AGS
að framtíðarmöguleikar Íslands eru
öfundsverðir og meiri en í flestum eða
öllum ríkjum Evrópusambandsins.
Eftir Guðna
Ágústsson »Ég vil sjá Ísland
frjálst í hinni opnu
veröld tækifæranna. Ís-
land rís ef við höfnum að-
ild og sameinumst um að
byggja upp og efla hag
lands og þjóðar.
Guðni
Ágústsson
Höfundur er framkvæmdastjóri SAM.
Ísland mun rísa ef?!