Fréttablaðið - 06.10.2011, Blaðsíða 6

6. október 2011 FIMMTUDAGUR6
Frá kr. 54.900
Einstakt tækifæri vegna forfalla - Síðasta ferðin til Tyrklands í ár
Heimsferðir bjóða nú einstakt tilboð á síðustu flugsætunum til Tyrklands 9. október
10 nætur. Þú kaupir 2 flugsæti en greiðir aðeins fyrir 1. Við bjóðum þér fjölbreytta
gistingu á frábærum kjörum. Þú nýtur þjónustu fararstjóra Heimsferða allan tímann.
Tyrkland
9. október
2 fyrir 1
Verð kr. 54.900
Flugsæti með sköttum, m.v. 2 fyrir 1 tilboð 9. október í 10 nætur. Netverð á mann.
Aðeins 8 sæti í boði - verð getur hækkað án fyrirvara.
Gisting frá kr. 17.800 m.v. 2 í studio íbúð. Netverð á mann í 10 nætur.
VIÐSKIPTI Fyrrverandi bankastjór-
ar Landsbankans og framkvæmda-
stjóri fyrirtækjasviðs hafna allir
tugmilljarða skaðabótaskyldu sem
slitastjórn telur að hvíli á þeim
vegna afglapa á síðustu rekstrar-
dögum bankans. Allir vísa þeir
ábyrgð á gjörningunum sem um
ræðir frá sér og á aðra.
Slitastjórn Landsbankans hefur
höfðað tvö mál til innheimtu
skaðabóta, annars vegar á hendur
bankastjórunum Halldóri J. Krist-
jánssyni og Sigurjóni Þ. Árna-
syni og hins vegar á hendur þeim
báðum og Elínu Sigfúsdóttur, sem
var framkvæmdastjóri fyrirtækja-
sviðs bankans. Málin voru þingfest
í síðustu viku.
Hinum banka Björgólfsfeðga lánað
Í fyrra málinu hljóðar krafan upp
á 11,5 milljarða og er til komin
vegna nítján milljarða lánveit-
ingar til Straums í byrjun október
2008, örfáum dögum fyrir banka-
hrun. Straumur var í meirihluta-
eigu Björgólfsfeðga eins og Lands-
bankinn.
Að sögn þeirra sem um málið
véluðu átti lánið að standa straum
af kaupum Straums á nokkrum
dótturfélögum Landsbankans, en
af þeim kaupum varð þó aldrei því
Straumur rifti þeim 10. október.
Lánið hafði þá þegar verið veitt og
þegar upp var staðið innheimtust
ekki nema 39 prósent af því.
Eftir stendur 11,5 milljarða
tap af lánveitingunni, sem slit-
astjórnin telur bankastjórana
ábyrga fyrir með því að lána svo
mikið fé út úr banka sem vitað
var að stóð á brauðfótum vegna
fjármálakreppunnar.
Treystu orðum Hreiðars Más
Krafan í seinna málinu er 16,2
milljarðar, til komin vegna 18,4,
milljarða skuldar Fjárfestingar-
félagsins Grettis sem féll í gjald-
daga 10. júní 2008. Á láninu var
bankaábyrgð hjá Kaupþingi í
Lúxemborg sem gilti til 26. júní
sama ár.
Greiðslu var aldrei krafist á
ábyrgðinni í Lúxemborg held-
ur lánið framlengt mánuði síðar
gegn óformlegu vilyrði Hreiðars
Más Sigurðssonar, forstjóra Kaup-
þings, um að Kaupþing ytra mundi
einnig framlengja ábyrgðina.
Það varð aldrei, Grettir fór í
þrot og talið er að heimtur af lán-
inu verði í allra hæsta lagi tíu
prósent – líklega mun minni.
Telur slitastjórn að það
hafi verið augljóst gáleysi
af hálfu þremenninganna
að reiða sig á óformlegar
umræður um framleng-
ingu tryggingarinnar.
„Góður og gegn bankamað-
ur innheimtir ábyrgð sem
sett hefur verið til trygg-
ingar á skuldum félags
sem er í vanskilum ef ekki
er komin formlega rétt staðfest-
ing á framlengingu ábyrgðarinn-
ar áður en hin eldri fellur úr gildi,“
segir í stefnunni.
Tjónið sem slitastjórnin telur
þau Sigurjón, Halldór og Elínu
hafa valdið með því að ganga ekki
eftir ábyrgðinni í Lúxemborg er
því hóflega metið á 16,2 milljarða.
Benda öll á aðra
Enginn þremenninganna gengst
hins vegar við ábyrgð, að því er
fram kemur í stefnunum tveimur.
Hvað fyrra málið varðar segir
Halldór að umsjón með útlána-
málum hafi verið hjá Sigurjóni og
hann hafi einfaldlega treyst því að
rétt hafi verið staðið að lánveiting-
unni til Straums.
Sigurjón segir á móti að það
hafi verið fjöldi starfsmanna í
bankanum sem hafi átt að sjá til
þess að samningar væru efndir og
hann beri ekki húsbóndaábyrgð á
störfum þeirra.
Í síðara málinu vísar Elín allri
ábyrgð á Sigurjón, sem hafi haft
málið á sínu borði, og Halldór
bendir á það, eins og í fyrra mál-
inu, að útlánamál hafi verið á
verksviði Sigurjóns.
Halldór kveðst hafa treyst því
að starfsmenn sem hefðu haft
málið á sinni könnu myndu gæta
að því að innheimta ábyrgðina í
Lúxemborg og hann hafi ekki sam-
þykkt að það yrði ekki gert. Sigur-
jón ber við nákvæmlega því sama
og í hinu málinu – að undirmenn
hans hafi átt að höndla málið.
„Þar sem stefndu hafa ekki fall-
ist á greiðsluskyldu og enginn
þeirra hefur viðurkennt að
hafa tekið ákvörðun um að
innheimta ekki bankatrygg-
ingu og/eða bera ábyrgð á
þeirri ákvörðun er stefnandi
knúinn til að höfða mál þetta
á hendur þeim öllum,“ segir í
stefnu slitastjórnarinnar.
stigur@frettabladid.is
Landsbankatoppar
varpa ábyrgð á aðra
Æðstráðendurnir þrír úr Landsbankanum sem slitastjórn hefur dregið fyrir
dóm vegna meintra afglapa vísa allir ábyrgð á einhvern annan. Tjónið sem þeir
eru sagðir hafa valdið með tveimur ákvörðunum nemur 27,7 milljörðum króna.
ÓSAMMÁLA Halldór J. Kristjánsson telur að Sigurjón hafi borið ábyrgð á ákvörðun-
unum sem um ræðir. Sigurjón segir undirmenn sína hafa séð um allt saman.
FRÉTTABLAÐIÐ/E.ÓL.
Auk þeirra þriggja sem stefnt er hefur slitastjórnin áskilið sér rétt til að taka
skýrslur af samtals fimmtán manns í málunum tveimur.
Meðal þeirra eru feðgarnir Björgólfur Guðmundsson og Björgólfur Thor
Björgólfsson, aðaleigendur Landsbankans.
Aðrir fulltrúar í bankaráðinu eru einnig kallaðir fyrir: Kjartan Gunnarsson,
Andri Sveinsson, Þorgeir Baldursson og Svafa Grönfeldt.
Þá eru hæstráðendur Straums á þessum tíma kallaðir til vitnis, forstjórinn
William Fall og framkvæmdastjórinn Óttar Pálsson.
Hinir sjö voru allir starfsmenn Landsbankans, nema Birgir Már Ragnars-
son, sem var starfsmaður Novator og stjórnarmaður í Straumi.
Björgólfsfeðgar kallaðir fyrir dóminn
ELÍN SIGFÚSDÓTTIR
Fylgdist þú með stefnuræðu for-
sætisráðherra á mánudag?
JÁ 33%
NEI 67%
SPURNING DAGSINS Í DAG:
Ferð þú á rjúpnaveiðar í vetur?
Segðu þína skoðun á visir.is
FERÐAMÁL Reykjavíkurborg ætlar að leggja
samtals 120 milljónir króna á þremur árum
í átakið Ísland – allt árið, sem á að styrkja
ímynd landsins sem áfangastaðar ferða-
manna árið um kring.
Ísland – allt árið er samstarfsverkefni
ríkisins, Reykjavíkurborgar og hagsmuna-
aðila. Ríkið hefur skuldbundið sig til að
leggja fram 300 milljónir króna á ári næstu
þrjú árin með því skilyrði að jafn há upp-
hæð komi frá samstarfsaðilum. Þannig er
gert ráð fyrir því að 600 milljónir króna
fari árlega í kynningarverkefnið og samtals
1.800 milljónir áður en yfir lýkur að þremur
árum liðnum.
Átakinu er ætlað að jafna árstíðarsveiflu í
komu erlendra ferðamanna. Byggt verður á
starfi Inspired by Iceland. Auk borgarinnar
og iðnaðarráðuneytisins eru þeir aðilar sem
nú þegar taka þátt í verkefninu Icelandair,
Samtök ferðaþjónustunnar, Samtök verslun-
ar og þjónustu, ISAVIA og Íslandsstofa.
„Verkefnið á að skapa stemningu meðal
íslensks almennings sem stuðlar að þeirri
ímynd að Ísland sé gott heim að sækja árið
um kring. Höfðað verður til þess að Íslands-
ferð samræmist eftirsóknarverðum lífsstíl
og sé minnisverð upplifun,“ segir í greinar-
gerð sem lögð var fyrir borgarráð.
- gar
Hyggjast fá útlendinga á þá skoðun að Íslandsferðir séu eftirsóknarverður lífsstíll:
Stefnt að stemningu hjá almenningi
EYJAFJALLAJÖKULL Mikið fé hefur verið lagt í að rétta
við ímynd Íslands og Íslendinga eftir hrun fjármála-
kerfisins og truflandi öskufall frá eldstöðvum.
FRÉTTABLAÐIÐ/VILHELM
KJÖRKASSINN