Fréttablaðið - 06.10.2011, Blaðsíða 70
6. október 2011 FIMMTUDAGUR46
tonlist@frettabladid.is
TÓNNINN GEFINN
Trausti Júlíusson
Nýlega skaut plata upp kollinum á netinu sem var sögð innihalda áður
óheyrðar upptökur sem Marvin Gaye og Pink Floyd gerðu saman á því
tímabili sem Marvin bjó í Belgíu og var nýbúinn að klára samninginn
sinn við Motown. Á plötunni, sem heitir því sniðuga nafni Requiem for a
Dream, eru átta lög sem eru soðin saman úr tónlist Floyds og Marvins.
Sagan sem fylgir plötunni er auðvitað bull þó að einhverjir hafi
greinilega gleypt við henni, enda ekki alltaf
gott að átta sig á því hvað er satt og hvað
er logið á netinu. Platan er dæmi um sam-
suðuplötur sem eru algengar eftir að snill-
ingurinn Dangermouse bjó til The Grey
Album úr Hvíta albúmi Bítlanna og Svarta
albúminu hans Jay-Z árið 2004. Sú útgáfa
var merkileg fyrir margra hluta sakir, m.a.
vegna þess að með henni var helgislepjan
máð af hljóðritunum Bítlanna sem fram að
því höfðu ekki einu sinni verið fáanlegar í
stafrænu formi.
Requiem for a Dream er dæmi um vonda
samsuðuplötu. Útkoman er hreinn hryll-
ingur fyrir aðdáendur þessara listamanna.
En aðrar nýlegar samsuðuplötur eru betri.
Ég nefni tvær. Annars vegar er það Black Gold, sem blandar saman
tónlist Wu-Tang Clan og Jimi Hendrix, og hins vegar 13 Chambers með
Wugazi. Engin verðlaun fyrir að giska á að þar er blandað saman tón-
list Fugazi og Wu-Tang. Það voru Cecil Otter og Swiss Andy, tveir upp-
tökustjórar frá miðvesturríkjunum, sem bjuggu til Wugazi, en breski
tónlistarkennarinn og upptökumaðurinn Tom Caruana gerði Black
Gold. Hann er duglegur í samsuðubransanum og gerði m.a. Enter The
Magical Mystery Chambers í fyrra, en nafnið segir allt um það hverja
þar er verið að spyrða saman …
Bæði 13 Chambers og Black Gold eru skemmtilegar plötur og greini-
legt að orkan í ofurröppurum Wu-Tang passar ágætlega við rokktónlist,
hvort sem það er Hendrix-grúvið eða lætin í Fugazi.
Þegar Marvin hitti Floyd …
BRÆÐINGUR Samsuðuplötur
eru algengar í dag. Á Svörtu
gulli mætast Wu-Tang og Jimi
Hendrix.
> PLATA VIKUNNAR
Mugison - Haglél
★★★★
„Það eru minni læti á Hagl-
éli en oft áður hjá Mugison,
en frábær flutningur og fullt
af góðum lagasmíðum.“ - tj
> Í SPILARANUM
Björk - Biophilia
Einar Scheving - Lands míns föður
Felix Bergsson - Þögul nóttin
Mastodon - The Hunter
Evanescence - Evanescence
BJÖRK EVANESCENCE
Bandaríska furðusveitin The Flaming
Lips hefur safnað yfir tveimur milljónum
króna með því að taka upp sex klukku-
stunda langt lag með Sean Lennon, syni
Bítilsins Johns Lennon. Allur ágóði af lag-
inu rennur til mannúðarsamtaka í heima-
borg hljómsveitarinnar, Oklahoma, og til
tónlistarháskóla í borginni.
Aðdáendur Flaming Lips voru hvattir til
að gefa um tólf þúsund krónur hver í söfn-
unina og fyrir vikið las Sean Lennon upp
nöfn þeirra í laginu. Að sögn söngvarans
Wayne Coyne mun söfnunin fækka heim-
ilislausum dýrum í Oklahoma og verða
til þess að fjárfest verður í tækjabúnaði
fyrir háskólann. Það sem gerir þetta nýja
sex klukkustunda lag enn skrítnara er að
aðeins verður hægt að hlusta á það í gegn-
um nýtt leikfang, Strobo Trip, sem verður
selt á heimasíðu The Flaming Lips.
Sex tíma langt lag
WAYNE COYNE Nýjasta lag The Flaming Lips er sex
klukkustunda langt.
Þrettánda hljóðversplata
Ryan Adams, Ashes & Fire,
kemur út í næstu viku.
Hann hefur sagt skilið við
hljómsveitina The Cardi-
nals og vill einbeita sér að
sólóferlinum.
Bandaríski kántrírokkarinn Ryan
Adams gefur út sólóplötuna Ashes
& Fire í næstu viku. Hún var tekin
upp í hljóðverinu Sunset Sound
Factory í Hollywood og upptöku-
stjóri var Glyn Johns sem hefur
á löngum ferli starfað með Bítl-
unum, Bob Dylan, The Clash, The
Who og The Rolling Stones. Á
meðal gesta á plötunni eru söng-
konan Norah Jones og Benmont
Tench, sem hefur spilað með Tom
Petty and the Heartbreakers.
Ryan Adams, sem verður 37
ára í nóvember, hefur margoft
verið tilnefndur til Grammy-verð-
launanna á ferli sínum. Hann
kemur frá borginni Jacksonville
í Norður-Karólínu. Fyrsta alvöru
hljómsveitin hans var Whiskey-
town sem var undir sterkum áhrif-
um frá kántrítónlist. Hún gaf út
þrjár plötur þar á meðal Strangers
Almanac sem fékk mjög góðar við-
tökur. Eftir að sveitin hætti gaf
Adams út sína fyrstu sólóplötu,
Heartbreaker, árið 2000. Hún
seldist frekar lítið en sú varð
ekki raunin með þá næstu,
Gold, sem kom út ári síðar.
Fyrsta smáskífulagið New
York, New York, naut vin-
sælda og Adams varð þekkt
nafn innan tónlistarheimsins.
Eftir að hafa gefið út þrjár
sólóplötur til viðbótar, þar á
meðal Rock N Roll þar sem
Melissa Auf der Maur úr The
Smashing Pumkins og Billie
Joe Armstrong voru gestir,
stofnaði Adams hljómsveit-
ina The Cardinals sem hafði
spilað með honum á tónleika-
ferðum. Eftir að hafa gefið
út nokkrar plötur með henni
ákvað Adams nýverið að hefja
sólóferilinn aftur.
Adams er mjög afkastamik-
ill tónlistarmaður því á frekar
stuttum ferli hefur hann gefið út
þrettán hljóðvers-
plötur. Hann hefur
einnig daðrað við
ýmislegt fleira
og þykir mikið
ólíkindatól.
Hann gerði
eigin útgáfu
af lagi Oasis,
Wonderwall,
og fékk fyrir
það Grammy-til-
nefningu. Hann var
upptökustjóri plöt-
unnar Songbird
með Willie Nel-
son og gaf á
síðasta
ári
út
þungarokksplötuna Orion hjá eigin
útgáfufyrirtæki, Pax-Am. Adams
tók einnig upp eigin blúsútgáfu
af plötu The Strokes, Is This It,
sem aldrei hefur verið gefin út.
Jafnframt hefur hann gefið
út tvær bækur og hyggur
á útgáfu þeirrar þriðju á
næsta ári.
Nýja platan Ashes & Fire
hefur fengið góðar við-
tökur. Breska tímaritið Q
gefur henni fjórar stjörnur
og segir að Adams sé í sínu
besta formi í langan tíma.
freyr@frettabladid.is
Afkastamikið ólíkindatól
AFKASTAMIKILL Ryan
Adams hefur verið
mjög afkasta-
mikill á ferli
sínum og
gefið út
þrettán
hljóðvers-
plötur.
N
O
R
D
IC
PH
O
TO
S/
G
ET
TY
TÓNLISTINN
Vikuna 29. september - 05. oktober 2011
LAGALISTINN
Vikuna 29. september. - 05. oktober 2011
Sæti Flytjandi Lag
1 Of Monsters And Men .................................. Little Talks
2 Adam Levine / Christ. Aguilera....Moves Like Jagger
3 Mugison ...........................................................Stingum af
4 Jón Jónsson .................................................Wanna Get It
5 Elín Ey / Pétur Ben........................................Þjóðverjinn
6 Adele ................................................ Set Fire To The Rain
7 Bubbi Morthens...........................................Slappaðu af
8 Bruno Mars .......................................................Merry you
9 Red Hot Chilli Peppers ..Adventures Of Rain Dance
10 Coldplay ................................................................Paradise
Sæti Flytjandi Plata
1 Mugison ....................................................................Haglél
2 Of Monsters And Men ...........My Head Is an Animal
3 HAM ............................................ Svik, harmur og dauði
4 Helgi Björns & reiðm. vindanna..Ég vil fara uppí sveit
5 Jón Jónsson .................................................Wait For Fate
6 Felix Bergsson ............................................. Þögul Nóttin
7 Úr söngleik Borgarleikhússins ..... Galdrakarlinn í Oz
8 Valdimar ............................................................Undraland
9 Gus Gus ......................................................Arabian Horse
10 Adele .................................................................................. 21
Þátttakendur í Lagalistanum: Bylgjan, FM957, Xið 977, Rás 2, Kaninn, tonlist.is. Verslanir í Tónlistanum: Skífan, Hagkaup, Penninn/Eymunds-
son, 12 tónar, Harpa, Smekkleysa plötubúð, Elkó, tonlist.is
Listarnir eru teknir saman fyrir Félag hljómplötuframleiðenda. Listarnir eru birtir í heild sinni á Vísir.is.
Stendur í stað síðan í síðustu viku Fellur um sæti síðan í síðustu viku Hækkar á lista síðan í síðustu viku Nýtt á lista
Skýringar: