Fréttablaðið - 07.10.2011, Blaðsíða 32

6 föstudagur 7. október
S
igný fæddist í Reykjavík
en flutti aðeins þriggja
vikna gömul ásamt for-
eldrum sínum til Mün-
chen í Þýskalandi þar
sem móðir hennar stundaði list-
nám og faðir hennar vann dokt-
orsritgerð sína. Fjölskyldan var bú-
sett í Þýskalandi í níu ár og flutti þá
aftur til Íslands. „Þó það hafi verið
mjög gott að alast upp í München
fann ég alltaf mjög sterkt til þess
að ég væri íslensk. Mér fannst alltaf
mjög gott og gaman að koma heim
í frí og fannst allt betra á Íslandi.
Mér fannst tannkremið betra hér en
úti, vatnið var að sjálfsögðu betra
og morgunkornið og smjörið líka,“
segir hún og brosir.
Signý heimsótti gömlu æskuslóð-
irnar í sumar ásamt eiginmanni
sínum og börnum og hitti meðal
annars gamla vini og rifjaði í leið-
inni upp þýskuna. „Við dvöldum í
Þýskalandi í heila þrjá mánuði og
það var alveg frábært, það var voða
gaman að heimsækja landið aftur
eftir öll þessi ár.“
ÆVINTÝRALEGUR HEIMUR
Signý segist alltaf hafa verið ákveð-
in í að starfa við einhvers konar
sköpun er hún yrði fullorðin og
varð vöruhönnun fyrir valin. „Ég
hafði alltaf mikinn áhuga á list og
listsköpun en vildi ekki feta í fót-
spor mömmu og gerast myndlist-
armaður því mér fannst það vera of
mikið hark. Ég fór því í vöruhönnun
í LHÍ og tók einnig eina önn í skipt-
inám úti í Mílanó. Þar var frábær
kennari sem hvatti mig áfram með
teikningarnar mínar og ég ákvað
að hlusta á hann og halda áfram
að þróa þær og þar var grunnurinn
að Tulipop kominn. Eftir útskrift
starfaði ég svo um stund sjálfstætt
sem teiknari og einnig á auglýs-
ingastofu,“ útskýrir Signý. Tulipop-
heimurinn er ævintýralegur og
dularfullur og þar má finna pers-
ónur á borð við Bubble, Skully og
Maddy sem eiga sér ört stækkandi
aðdáendahóp.
Signý og viðskiptafélagi hennar,
Helga Árnadóttir, hafa þekkst frá
því þær voru saman í Menntaskól-
anum í Reykjavík og ræddu oft sín á
milli þá hugmynd að stofna saman
fyrirtæki. Árið 2010 létu þær á slag
standa og stofnuðu Tulipop sem
hefur vaxið hratt síðan þá. „Helga er
framkvæmdastjóri Tulipop og með
MBA-gráðu frá London Business
School. Hún er bæði hugmyndarík
og ofboðslega klár í sínu fagi. Hönn-
uðir eru of gjarnir á að ætla sér að
sjá um allar hliðar rekstursins og
það getur verið erfitt. Við Helga
erum mjög heppnar með hvor aðra
og samstarfið gengur mjög vel.“
Stúlkurnar sóttu sína fyrstu
sölusýningu í New York í sept-
ember síðastliðnum og gekk það
vonum framar að sögn Signýj-
ar. „Við fengum styrk til að sækja
sýninguna og flugum út með tösk-
ur fullar af bæklingum, kynning-
arefni og sýnishornum. Við gerð-
um nokkra samninga og komum
okkur upp nýjum samböndum
og lærðum heilmikið í leiðinni.“
Eins og er samanstendur vörulína
Tulipop af fallegum pennaveskjum,
lyklakippum, kortum, minnisbók-
um og plakötum. „Við erum stöð-
ugt að vinna að því að þróa fleiri
skemmtilegar vörur og stefnum
að því að setja þrjár til fjórar nýjar
vörutegundir á markað á næsta
ári,” segir Signý og bætir við að það
sé alltaf jafn ánægjulegt að fá vör-
urnar í hendurnar. „Það er ótrúlega
gaman að sjá vörurnar verða að
veruleika og geta handfjatlað þær.“
FRÁBÆR ÁRANGUR
Þótt einungis séu liðnir átján mán-
uðir frá stofnun fyrirtækisins þá
eru vörur Tulipop seldar í fimm-
tán verslunum utan landsteinanna.
„Ég er ótrúlega ánægð með hversu
vel hefur gengið að koma vörunum
okkar í flottar búðir úti. Nú er hægt
að kaupa Tulipop-vörur í Þýskalandi,
Svíþjóð, Bandaríkjunum og Írlandi.
Þótt það sé gaman að ná árangri
utan Íslands þá er heimamarkaður-
inn okkur virkilega dýrmætur enda
hafa vörurnar okkar fengið frábær-
ar viðtökur hér. Við höfum einnig
tekið að okkur valin verkefni fyrir
önnur fyrirtæki, hönnun og fram-
leiðslu á sparibauknum Mosa fyrir
MP banka, páskaegg fyrir UNICEF
og endurskinshúfur fyrir VÍS svo
eitthvað sé nefnt.“
SONURINN HELSTI
RÁÐGJAFINN
Signý er gift Heimi Snorrasyni sál-
fræðingi og saman eiga hjónin
tvö börn. Hún segir eiginmanninn
vera með gott listaauga og leitar
gjarnan ráða hjá honum við sköp-
unina. „Ég á mjög erfitt með að
taka slæmri gagnrýni, og sérstak-
lega þegar hún kemur frá Heimi, en
um leið og reiðin er runnin af mér
og ég fer að krassa aftur í mynd-
ina sé ég að hann hefur oftast rétt
fyrir sér. Snorri, sonur minn, er líka
minn helsti ráðgjafi þegar kemur að
hönnuninni á Tulipop. „Þó að stefna
okkar sé að höfða öðrum fremur til
SKÖPUN HEFUR ÁHRIF Á LÍÐAN
Signý Kolbeinsdóttir vöruhönnuður teiknar
ævintýraheima Tulipop. Hún segir sjö ára gamlan
son sinn vera hennar helsta ráðgjafa þegar komi að
hönnun og sækir innblástur sinn meðal annars til
sjávarlífvera á borð við kolkrabba og hákarla.
Viðtal: Sara McMahon
Myndir: Stefán Karlsson
Skapar ævintýraheim
Signý Kolbeinsdóttir hannar
ævintýraheim Tulipop. Hún er
menntaður vöruhönnuður og
hefur teiknað og skapað allt frá
barnæsku.
Í raun er takmarkið bara að reyna
að gleðja fólk með skemmtilegum
teikningum.