Fréttablaðið - 29.10.2011, Blaðsíða 44

Vísir að danskri veislu
Með örlítilli fyrirhöfn og þolinmæði og skotheldar uppskriftir að vopni er hægt að útbúa fyrirtaks jóla-
hlaðborð í heimahúsi. Þá er ekki úr vegi að leita í smiðju Dana, sem eru rómaðir fyrir ljúffenga matseld.
Smurbrauð með rækjum
Smyrjið rúgbrauðssneiðar með
smjöri. Leggið salatblað ofan og því
næst rækjur. Sprautið majónesi ofan
á rækjur. Leggið tómat- og sítrónu-
bát fallega ofan á.
Smurbrauð með reyktum laxi og
kavíar
Smyrjið rjómaosti að eigin vali
á rúgbrauðssneiðar, sem hafa
verið skornar út í hringi með móti.
Formið reyktan lax eins og rós og
leggið ofan á. Á toppinn fer vænn
skammtur af kavíar. Punkturinn yfir
i-ið er örlítið af avókadó-mauki
(sjá uppskrift fyrir neðan) skreytt
með dilli eða öðru fersku kryddi.
Avókadómauk
2 avókadó
tómatur
laukur
kóríander
örlítið af
sýrðum rjóma
tabaskósósa,
eftir smekk
1 msk. sítrónu-
safi
salt, eftir smekk
Maukið avókadó í skál. Skerið
lauk smátt og bætið út í ásamt
tómatnum, handfylli af kóríander,
sítrónusafa, Tabaskósósu og sýrðum
rjóma. Hærið vel saman. Geymið
maukið í um klukkatíma áður en
þess er neytt.
TVÆR GERÐIR AF GÓMSÆTU SMURBRAUÐI
Smurbrauð með rækjum og smurbrauð með reyktum laxi, kavíar og avókadómauki
Frikadellur, fyrir 4
350 g svínahakk
1 tsk. salt
1 egg
½ laukur
1 dl mjólk
4 msk. hveiti
pipar
Fínsaxið lauk og blandið saman við
kjöt, egg og salt í skál. Hellið mjólk
smám saman út í. Bætið við hveiti
og notið pipar eftir smekk. Mótið
átta frikadellur úr deiginu með
matskeið. Bræðið smjör á pönnu.
Steikið bollurnar á pönnunni í allt
að 5 mínútur á hvorri hlið.
Rauðkál
1 miðlungsstór rauðkálshaus
2 græn epli
1 dl sykur
2/3 dl óblönduð sólberjasaft
2/3 dl rauðvínsedik
½ tsk. salt
1 msk. smjör
Sneiðið rauðkálshaus og fjarlægið
kjarnann. Skerið eplin í ferninga.
Setjið allt í stóran pott. Hitið rólega.
Látið suðuna koma upp við vægan
hita í allt að 2 klukkustundir eða þar
til hráefnin hafa blandast vel saman
og tekið
á sig
fallegan
rauðan
lit.
Lauksósa
1 laukur
1 msk. smjör
½ l mjólk
2 stk. kjötkraftur
1 dl vatn
matarlitur
salt og pipar
Fínsaxið lauk og steikið upp úr
smjöri á pönnu í mínútu. Bætið við
vatni og kjötkrafti. Látið sjóða í allt
að 5 mínútur. Hrærið saman mjólk
og hveiti. Bætið út í lauksoðið. Látið
suðuna koma rólega upp. Látið
blönduna malla í allt að 5 mínútur.
Hrærið. Bætið við matarlit. Kryddið
með salti og pipar eftir smekk.
Berið frikadellurna fram ásamt
sósunni, rauðkálinu, soðnum eða
brúnuðum kartöflum og grænmeti
eftir smekk.
SÍGILDAR KJÖTBOLLUR
Danskar frikadellur með lauksósu og rauðkáli
Sumum finnst laufabrauðsgerð órjúfan-
legur hluti jólahalds. Þeir sem hafa lítinn
tíma til að gera brauðið frá grunni geta keypt
tilbúið deig til að skera út og baka. Þá fæst
yfirleitt tilbúið laufabrauð í næsta bakarí.
Hemma
Gunn